الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
امـ لمار
07-04-2022 - 03:06 pm
السلام عليكم ورحمة الله وبركاته ..
فراشات ..مالي غيرك اخذ رايكم انتوا وامي فديتها ..
انا بفصل مطبخ اوكي.. وسعره بصراحه غالي..
وانا من النوع اللي امل بسرعه .. وودي افصل لون حلوو وماامل منه
واغير عن البني والبيج والاسود ..
طبعا انا عندي مدخل البيت كبير مره يمكن 8 او 9 في 6
فامقسمتها مدخل .. وطاوله طعام .. وجلسه احمر واسود وابيض فالاخير ..
وغرفة نومي احمر برضوا وذهبي..
فاكنت ناويه اسويه احمر واسود .. وبنزل لكم للون فصلها لي المحل ..
طبعا لازم يجي لونين ..الايطار لون والمطبخ لون ..من الصوره راح تفهمون
طبعا الايطار اسود والدولاب احمر فهمتوا علي..
انا بطلت من الاحمر قلت بفصل اصفر غاامق وش رايكم .. والايطار
مافي الاالبيج الفاتح يجي معه ...
وبفصل رخام صناعي بس للمغسله ..
والباقي رخام عادي وش احط اللون .. لاني باعمل جزيره(طاولة طعام )لاصقه بارخام المطبخ بعدين تطلع على برى بس انا اضيف كراسي ان شاء الله انكم عرفتوها ..
وش رايك باللون حلوو . والا ..
والرخام ويش اختار لونه ..
وياليت اذا عندكم اضافات تساعدوني..
ابي افصل شي ماندم عليه لانه مكلفني ..
انتظركم ..وان شاء الله افصله وبعد العيد اركبه وانزل لكم صوره ..


التعليقات (9)
ورردة
ورردة
حبوبة البيج والبني افخم شي للمطبخ
الاصفر الغامج تقصدي كركمي؟
مع احترامي لذوقك مو حلو للمطبخ
اتمنى ماتزعلي
الف مبروك المطبخ الجديد مقدما

امـ لمار
امـ لمار
هلابك ورده..ايه الكركمي ..
بس خلاص بني بني ملينا ..
هو صح انه مايقدم انا معاك في هالشي ..
لأكن ينمل منه بسرعه ...
ودي اكسر اللون واغير عن البني والبيج وهاالالوان ..
وليه ازعل انا مانزلت الموضوع الا اخذ رايكم ..يالغاليه ..
انتظر الباقي وينكم ..

،،، دلوووعة زوجي ،،،
،،، دلوووعة زوجي ،،،
ماانصحك باللون الاصفر ابدا
والله راح تملي منه بنفس الشهر..
في الوان حلوه مثل العنابي ويكون رخامك ابيض مره والله يطلع خوقاق
او لون زيتوني...
وفيه درجة وردي روعه ..
انصحك تشوفي الالوان المعروضه عندهم يمكن تلاقي لون مافكرتي فيه اصلا ويعجبك..
ترى اللون لو فكرتي فيه وشفتيه عالطبيعه بيكون غير ..
وبكل الحالات اي لون تختاريه انصحك تختاري الرخام لون ابيض علشان لو زينتي مطبخك بزينات راح يطلع روعه .
<< وجهة نظري

rab2j
rab2j
سلام
اي حبيبتي عندك حق ملينا من البني خلا اص
انا ماشفت اصفر بصراحة بس سمعت انو وحده مسوية و طالع حلو
انا مطبخي لونه رمادي غامق و الرخامه رمادي فاتح و و حاطة مكان الفرن بدل الرخامة ستيل
الحمدلله طلع حلو و بالنسبة للاطار تقدري تحطي فضي نفس لون الستيل احلى من البيج

ام وليدويوسف
ام وليدويوسف
برضو لا تستعجلي باختيار الالوان
هو مطبخ ورح يكلف
ورح يبقى معاك فتره طويله باذن الله
وما يتجدد المطبخ كثير
خياراتك حلوه لكن كلها حااره ولا انصحك بالاحمر بتاتا لانه لون ناري ويتعبك كل مادخلتي للمطبخ
دوري في المحلات
وروحي اماكن غيير
رح تلاحظي الوان تجنن وافكار احلى
اما موضوع المغسله نصيحه لوجه الله لاتحطيها رخام
مع الوقت تتمخش وتصير شكلها مو حلوو ابد
لكن خليها استانلس ستيل
يلمع ويجنن ويبان فيه النظافه
اما الرخام اسالي البنات اللي جربوها
غير انها مو عمليه
لو جاء واحد من عيالك حط الفنجان والا الكوب على السريع بينكسر
ما انصحك ابد فييه
ودوري قبل لاتحددي الالوان
غير ان الالوان اللي اخترتيها تفتح الشهيه وتسبب بطريقه او اخرى السمنه خ
شوفي دوري اثر وشوفي كتالوجات

امـ لمار
امـ لمار
هلافيكم ...
في الالوان كثيره ...
بس محتاره ...
شاكرتلكم مروركم..

عبير الحوراء
عبير الحوراء
اتوقع يطلع روعه

لولو رين
لولو رين
اب

ميثانول
ميثانول
مطبخ أهلي أصفر وله أكثر من عشرين سنة ما ملينا منه ولا شيء بالعكس يفتح النفس والنور فيه يكون قوي وخيال والرخام أبيض
أنصحك باللون وبقوة

بيتي في الغربة
محلات اثاث بالشرقية