لو راتب زوجك 4000 او اقل شوي كيف ترتبون اموركم

شوفي الحياه صعبه مو زي قبل
اول زواجي كان ميصفا من الراتب الا الفين تقريبا
بس الحمدلله مافي ايجار شقه
بس كلها اقساط والحمدلله عدت على خير
بس اهم شي الصدقه عشان ربي يطرح البركه فيه
كنت احاول اني ما اتكلم كثير بالجوال عشان الفواتير
اوفر من مصروفي
نحاول قد ما نقدر اننا نوزن حياتنا على قد راتبنا
والحمدلله تسهلت امورنا

على حسب كم عدد الاطفال او انتي وهو بس؟
كم تدفعون اجار كل شهر؟
خبرريني وبرجع اشوف واحاول اقسمه لك

اول شئ حاولوا تسددوا دينكم اذا عليكم دين
بعدين رتبوا الاساسيات
الايجار
اغراض البيت
الفواتير
وكذا
ونصيحه لوجه الله خلو لكم مبلغ لو قليل ادخاار
لو 200 ريال من كل راتب وحطيها بعيد لاتفكري فيها الا للحاجه

مافي أطفال ..
لسى مخطوبه وراتب العريس 4000
وعنده قسط السيارة 1400 كل شهر باقي لها 3 سنوات
الايجار كل نههايه سنه تقريبا
يعني 18 الف او 16
فكرت في الصدقه مافي اجمل منها
بس كيف نتصرف مع الامور الثانيه عشان المستقبل

؟؟؟؟؟؟؟؟؟؟؟؟؟؟؟؟؟؟؟؟؟؟؟

طيف أوراقي
هلا قلبي
اوكي حبيبتي
قسط السياره 1400ريال ويبقى 2600 ريال
الاجار تقريبا راح يكون 1400ريال شهريا
يبقى لكم 1200 هذي اللي راح تتقسم على مقاضي البيت واغراضك الشخصيه
مصروف الاكل واغراض البيت خليه 400 ريال ان شاء الله يكفي وقسميها على حسب اللي تبينه مثلا خبز كل يوم او زبادي وهذي الاشياء مثلا كل يوم تطلعون 20 او اقل واربطيهم مع بعض حق كل الشهر سوي كذا
اغراضك الشخصيه قولي 200 ريال وزوجك 100 ريال شهريا لان الرجال مو مثلنا نحتاج اغراض اكثر
والحين يبقى لكم 500 ريال
450 ريال حطيها بمكان ماتقعدين تاخذين منه كل شوي عشان لاقدر الله جات ظروف تكون موجوده عندكم فلوس وشهر على شهر ان شاء الله يصير مبلغ حلو وتقدرين تستفيدين منه
50 ريال تصدقو فيها
وان شاء الله تتيسر اموركم

الله يطرح لكم البركة ويوفقك
الحياة جدا صعبه

شوفي يا قلبي انا عندي اربعه اطفال
ولنا الحين سبع شهور ساكنين بيت ملك
طبعا اخذناه اقساط
وما يبقى من راتي زوجي الا 3000
تخيلي
3000
وبيت كبير وعيال بس والله
ان امورنا مااشيه والحمدالله
اولا ما نشري الا الاساسيات فقط
سواء لي او لعيالي
والجوالي مااكلم فيه الا لضروره000 والشغاله لا غيتها من حياتي00 لامور كثيره اولها المصروف
وطلعاتي جداا قليله اروح الاربعاء لامي
وباقي الاسبوع بيتي
واذا طفشنا
نطلع بس يكون المكاان ما يحتاج فلوس كثير
واكثر طلعاتنا للبر
واخذ معي كل شي
وقبل مااطلع للسوق اكتب اغراضي بورقه واشريها واطلع من السوق على طول
ومااخذ عيالي معي علشان الله يصلحهم طلباتهم كثيره اي شي يشوفونه
يبوونه
واهم شي ان الواحد يكون قنوع
لان القناعه ما في احلا منها
وانك ما تقارنين نفسك بغيرك
ارضي بحياتك كما هي واستمتعي فيها
صدقيني اعرف نا س كثير
الزوج راتبه عالي والزوجه مو ظفه
وما عندهم ديون ويشكون من المصاريف 0 وان رواتبهم تخلص قبل نهايه الشهر

افكاركم كمان