تجربتي انتقال من عالم الصبغات الى عالم الحناء لاول مره

1. السلام عليكم ورحمة الله وبركاته


2. مرحبا ا حبوبات مدام وانسات<<<أعجبتني

السلام عليكم ورحمة الله وبركاته

مرحبا ا حبوبات مدام وانسات<<<أعجبتني

بقولكم قصتي انا طبعا من عشاق التغيير اقدر اني اغير كل يوم ستايل قص وصبغ وشعري اندمر من الصبغات والله يابنات ان اول مضرب مثل شعري بالكثافه بس كل هذا بح بح لاني مايمدي الصبغة تنزل او امل منها الا صابغه ثانيه جربت كل الالوان يلياج هايلايت لولايت حتى لدرجه اخر مره سويت لون ولا عجبني وفي نفس اليوم سحبت الصبغه وصبغت من جديد بغت امي تذبحني بس اندمر شعري عقبها صار كذا مع اني اعتني بتزييت وحمامات زيت وماسكات بس اعتني من جهه واخرب من جهه وكأنك يابو زيد ماغزيت <<<<<<<<<هذا تقوله جدتي لي اذا شافتني مزيته شعري
عاد اخر صبغه كانت في عيد الفطر وكنت صابغه عسلي نفس اللون هاذا وطالع خيال
بس بعدها حملت والصبغة نزلت وانا مااحب شعري يطلع مرقع وش السواة والاسبوع الجاي عندي مناسبه عاد يالله حلوني حامل منفخه والشعر مرقع يالله الستيره بس
واخاف اصبغ ويجي للجنين شيء ماقدرت اتهور فبعد دراسات ومشوارات بيني وبين نفسي وبمساعده حبيبي قوقل قرت اني انتقل من عالم الصبغات الى عالم الحنا
بس المشكله ان لون شعري فاتح وبيطلع مع الحنا احمر او برتقالي
واتذكر خالي يصبغ لحيته بالحنا وتطلع سوداء وتطلع فيها لمععه تهبل واجل احرحر فيه الى علمني السر انه يحني بعدها يحط كتم مع زبادي
واتوكل على الله واشتري الخرابيط من عطاره بن منقاش والحنا خذتها من جدتي
حطيت حنا عجنتها مع كل شيء في المطبخ بني كاكاو ونسكافه وكركم وطبخت المسمار والمراميه والليمون الاسود وعجنت الباقي بمويتها ونقعتها 3 ساعات وبعدها حطيته بشعري من الساعه 11 الى الفجر تسبحت ونمت واقوم بكره واناظر أحمر
واعجن الكتم بسرعه مع الزبادي والكاكا عشان اللون يطلع على بندقي مو على ازرق
واسخن الزبادي قبل بالمايكرويف
وحطيته الساعه وحده الظهر الساعه 5 غسلته واطلع وازيت شعري من بكره غسلت واه طلع اللون خيال وربي ان اختي تحسبني صابغه خيال اللون واللمعه تجنن
هذي
مثل لون الارضيه هاذي او اغمق شوي بس خيال وربي
حبيت انقل تجربتي والله ماكذبت ولا بالغت فيها وان امس خالاتي منهبلين على شعري يحسبوني صابغته
وصح نسيت اقول ترى بنات انا ماغسلت بشامبو الا بعد الزيت كل كنت اغسل بمويه وامشطه تحت المويه الين ينظف بعده احط حمام الزيت تريسمي وامشطه واغسله واطلع
ولاتنسون من دعواتكم