الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
حآن الودآع
18-11-2022 - 12:02 pm
  1. ولا احتى السرآميك ما استخدمه ..ياليت شعري كثير عشاان اقدر اتحكم فيه


السلام عليكوم وصبآآح الخير والعسل والقشطه .. والتميس والشااهي ~~> توها مفطره
شخبااركم . ادري بخير ~>بس تعرفون لزوم الاسلوب
ياربي والله تعبت .. وقسم خلاص اقول في نفسي مافي امل ... ابدآ شعري يتعدل
دآيم كلن يقول غيري الوك .. غيري الستايل .. اوف من جد شكلك وآحد .. طيب وش اسوي
تخيلو بنآت شعري شوي حبتين .. ( الحمدالله على كل حال ) .. ودآيم اقول لامي يمآه ابي شي يكثر شعري تقول مافي امل شعرك كذا طبيعته من يوم كنتي صغيره ..
ووتحطمت من جديد .. اذا جات عزيمه او زواج .. شعري الففه كيرلي بس عشان(يطلع كثير) واشوف خواتي وخالاتي وبنااتهم والله تخنقني العبره اذا شفت شعورهم وشفت شعري مشا الله وش اقول كثره بس اغلبهم ماتصير ناعمه الا بالاستشوار وانا اصلا مليت من شكلي ... خلاص والله تحطمت
وازعجت امي وهي تعيد وتزيد يابنتي مافي امل يكثر طبيعتك كذا !~>وعودت اصيح
بس الي هجدني شوي انو لما كنت صغيره شعري كان خفيف يعني الشعره نفسها تطير بس يوم كبرت وصرت احط زيوت ثقلت الشعره مشا الله بس شوي . .والاعظم ماايطول يعني تحت كتفي وخلاص يعي يطوول !
انا ماهمني الطول بسرآحه انا يشدني في البنت كثرة شعرها مو طولها ..اذا على الطول بالطقااق مع السنين بيطوول
بس وش حيلة الي شعرها شوي .. (بتقوولون لي استخدمي حنآ وسدر وموية الثوم والبصل)ابشركم استخدمها من سنتين والله مافي اي تغير ..شي بيسيط الشعره تثقل ويطول شوي .. لكن الكثره لآ ..
تعبت نفسيآآ والله ما استشور شعري .. (عذري عشان بالاستشوار بيطلع شوي بقوه)

ولا احتى السرآميك ما استخدمه ..ياليت شعري كثير عشاان اقدر اتحكم فيه

يارب يااكريم يكثر شعري .. والله اللي بتسااعدني والله لا ادعي لها واتصدق عنهاا ..
وش تبون بعد دعوه وصدقه عنها ... .يعني تخيلي تدليني على شي ويجيك اجرمن الله وصدقه اتصدق بها عنك.. اللي جربت شي نفعها وكثر شعرها تقول لي .. عندي زوآج في شهر 8 او بعد العيد ..خلال هاذي فتره ابي شعري يتحسن والي زآيد الطين بله .. مسوويه رجيم وشعري صاير يتسااقط اشووفه على فرآشي وسآدتي يآآآآآآآآآآآآآآآرب اللي بتسااعدني توفقها دنيآ واخره .. واللي ترفع الموضوع الله يووفقها ويسر امورها .. ويارب تزوجها (اذا مو متزوجه ) واذا متزووجه الله يخليك لزوجك ولعيالك ~> مع الحماس ضاعت الدعآوي
تحيااتي ...


التعليقات (9)
اروووووووو
اروووووووو
يسعدني اكون اول من يرد على موضوعك
مشكلتك تشبه مشكلتي اناشعري معذبني وكمان مع الرطوبه صاير موطبيعي بصراحه حيل فشلانه من زوجي شعري
مايطول ابد قصيته ولاطال الاحبتين وخشن ومتقصف كمان... الله يعين
بس راح اقوول اب لعيونك

منوليتاااااااا
منوليتاااااااا
حبيبتي استخدمي خلطة السابله والماسكه سوي بحث عنها وبتلاقيها ان شالله
بس لازم صبر عليها اقل شي ثلاثه اشهر مع الاستمرار لفتره مو اقل من سنه في
الثلاثه اشهر الاولى راح تقوي شعرك وتوقف التساقط وفي خلال سنه ان شالله
راح يكون شعرك احلى شعر باذن الله بس لاتنسيني من دعائك وان انو اليوم اسمع
خبر انتظرو من فتره وان شالله يكون زي ماتمنى وانا راح اتواصل معاك غلى قد ماقدر
واي شي اعرف انو ممكن يفيدك راح اقولك عنو اول باول

دفءالحنان
دفءالحنان
الله يعينك حبيبتي والله مشكلتك هي مشكلة ببنتى امس كنت اقولها كان شعرك يضايقني لما اشوفه خفيف هي بس من قدام خفيف فيه فرغات والله الان الحمد لله الفرغات خلاص ماتشوفيها والشئ هذا ماتوقعته كنت اخليها تحط الزيت عشان النعومه لكن الحمد لله حصلنا على الطول والنعومه والكثافه والله شاهد على كلامي حبيبتي والله ماقوله دعايه للزيت وترى الكثافه يبغالها وقت من شهرين الى ثلاث شهور

تستوسه كلي انوثه
تستوسه كلي انوثه
حبيبتي انا قد سمعت صديقاتي يتكلمون
ان في دكاتره للشعر
يعطونك علاج اما ابر او محلول تضعينه في راسك
واجد ناس مدحولي اياه ويقولو انه كثف شعرهم
انا بصراحه ماجربته
بس صديقاتي جربوه
وماتكون فترهته مره طويله

ام عبودالله
ام عبودالله
نفس المشكلة

‏ღ♥ღالــבـلــم
‏ღ♥ღالــבـلــم
والله يا قلبي حالاتك مشابهه لحاله امي
وهذه الخلطه مجربة والله ولها فائده كثير
وهي ( حبتين قرنفل و محلب و جوزة و زيت زيتون )
اخلطيهم مع بعض بعد طحنها واعجنيهم بزيت الزيتون
والله هذه الطريقه مره تجيب نتيجه رائعه مع الاستخدام
وهذا شكل الجوزة
اللي بيه منك بس تدعين انه ربي يحقق لي اللي في بالي بس

نسيم الروووح"
نسيم الروووح"
حبيبتي روحي عند دكتور افضلك يعطيك فيتامينات مقويه للشعر بعدها ابدي بالخلطات

HoOoFaH
HoOoFaH
الله يعينك حبيبتي حبيت افيدك
انا شعري لمن كنت صغيرة كان غزير آما دحين فخفيف لدرجه انو عندي فراغات من الامام
أستخدمت خلطات كثير ولا فادتني واستخدمت شامبو طبي خلى شعراتي سميكة ووقف التساقط اول ما تركته رجع التساقط
و أمس لمن قرأت تجارب البنات هنا في المنتدى عن حبوب زيت كبد الحوت (زيت سمك القد) رحت واشتريته وبدات استخدامه من امس و النتيجه تبان بعد شهر ان شاء الله
من فوائده يخفف التساقط وينبت الشعر و يصفي البشرة و يقوي الاظافر و النظر لانه كله فيتامينات ومن اهمها فيتامين أ - د - هجري
و قرأت من الاثار الجانبية انو اذا زدتي الجرعه اليومية عن حبتين في اليوم يعني لو اكلتي 6 حبات مثل ماهو مكتوب عالعلبه ممكن تكوني عرضه للسمنه و لقله النوم
واذا انتي بتسوي رجيم انصحك لاتزيد الجرعه اليوميه عن حبتين
ادعيلي

ام ساااره
ام ساااره
انا عندي طلبك ياحلوه
ما تبان النتائج الا بعد شهرين او ثلاث مافيه حل سحري
تحطينه اليوم ويطلع بكرا كل شي حبيبتي يبيله صبر

افيدوني يا فراشات
الحفوا علي يافراشات