هو حلا أو لا مدري شنو اسميه بس اكيد رح يعجبكم دايت سحوره

حلا مدري مالح مدري شنو اسميه بس اكيد رح يعجبكم ( دايت سحوره )
مرات تصير الاكلات فاشله ومرات مضبووطه ومرات نص نص
اليوم جربت اسوي حلا مدري مالح بس يمكن جاي على حلا اكثر مدري كيك ههه .. عاد الدايت وعمايله وجلست اخترع من عقلي مكونات وطلع حلو كثير
والاهم إنا اهلي حبوه وانا حبيته بعد
المكونات
بسكوت نخاله استخدمت 12 حبه تقريبا
قشطه لايت اكيد
ونص علبة زبادي قليل الدسم
وحليب بودره تقريبا نص كاس
وحليب سايل نص علبه
وحبتين جبن كيري
الطريقه :
بالاول حمصت 3 ملاعق حليب بودره على النار
يعني على خفيف بسرعه
ثم اخذ البسكوت وطحنته ..
وخلطت البسكوت مع الحليب المحمص ثم اضفت عليه اشوية حليب سايل وملعقتين قشطه لما يتماسك
ثم ارص نص الكميه بالصينيه
ثم اجهز الخلطه البيضا عباره عن ( نص علبة زبادي +وبقيه القشطه + والجبن الكيري +وبقية الحليب البودره+ ونص علبة الزبادي
واشووية حليب سائل ) واخلطها لما تصير مثل الكريمه ثم اضيفها على البسكوت ثم احطها بالفرن لما تحمر وتجمد شويه بس
ثم اطلعها من الفرن واحط عليها بقية خلطة البسكوت
واشوي من الخلطه البيضا يعني فقط دهن ورشيت فوقها قليل من اللوز الامريكي واذا ماتبقوه عادي وبس
بصراحه انا ماتوقعت حلوه تصير بس كثير عجبتني وعجبة اهلي
عاد معروفه وانا اقطعها خربطتها مااعرف اقطعها ههه بس صورتها لكم بشكل نوعا ما مقبول لايهمكم الشكل اهم شيء الطعم
وهذي القطعه لأول وحده ترد علي هع
ولا تكثرونها منها انا اكلت مقدار 4 اصابع مو اكثر
اذا عجبتكم جربوها وادعو لي واذا ماعجبتكم لاتدعون علي ههه
تحياتي لكم :
سح الورد ر