الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
28-11-2022 - 07:32 am
السلام عليكم
هاذي اول روااتي وانشالله تنال اعجابكم .... الجزء الأول
تعريف الشخصيات :
الجد (بومشعل): من اغنى تجار البلد ومعروف اب سمعته الطيبه بين العوايل والقبايل
الجده نوره : ام مشعل مايقل غناها عن غنى بو مشعل وهي معروفه بالعايله ان قلبها طيب وماتشيل على احد
عيالهم
مشعل (بوفواز) : تاجر معروف بالبلد وله سمعته ومكانته بين الشركات ومتميز اب عقله الكبير ويفكر قبل لا يتاخذ اي قرار قبل لا يندم عليه
ام فواز :قلبها طيب ومشيه بيتها اب نظام وما تحب احد من عيالها يخل هالنظام كلش
فواز : 19 سنه \ يموت ويطفر اخته العنود مملوح على عمه بدر لاكن عمه احلى
العنود : 17 سنه \ اخر سنه ثانوي جسمها لا متين ولا ضعيف وطولها مناسب لعمرها شعرها بني لين كتوفها وكيرلي طبيعي عيونها واسعه وعسليه حلجها وردي وكبير وبشرتها برونزيه يعني باختصار قمر
نوره : 15سنه \جميله بس جمالها ما يقل عن جمال العنود هالبنت تحس نفسها عايشه بامريكا********عندها الحياة فري مثل اختها العنود بس اهيا شوي بزود
شيخه : 12 سنه \ العنود حاطه دوبها اب دوب هالبنت مو مخليتها اب حالها بس تطفرها واها بعد مو مقصره اب لقافتها
ضاري :7 سنوات \ اخر العنقود ودلوع البيت هاذا الولد شيطان حيل لاعب بالبيت لعب ومينن اخته شيخه طالع على العنود بالشطانه
محمد (بوعبدالمحسن): عصبي حيل على عياله لاكن اب نفس الوقت يحبهم ويموت فيهم مايحب احد من عساله يعانده ولا يسمع كلامه وهاذا اللي يابله السكر
انفال (ام عبدالمحسن) :انسانه تافها مالها معنى بالوجود عنود تكرها كره العمى همها بس السفر والطلعات واخر اخبار الموضه والمكياج
دانه : 15 سنه \ بنت ملامحها عاديه لاكن مغروره حيل وكلا تحسب العنود بنت عمها تغار من جمالها معنها اهيا االلي تغار من جمال العنود صديقة بنت عمها نوره حيل مع بعض
ساره :9سنوات \ بنت معانديه واللي براسها تسويه
غاليه : 5 سنوات
عبدالمحسن : 3 سنين
بدر (بوناصر) : مملوح واغلى شي عنده العنود بنت اخوه يحبها ويموت عليها مدلعها اخر دلع********وما يرفض لها اي طلب
نوره (ام ناصر ) : انسانه حبوبه وطيبه بس فيها خصله مو زينه انها تحب تخلي الناس تشوفها وتتكلم عنها وعن الماركات اللي تلبسها
ناصر : 5 سنوات
صبا : 3 سنواتالجزء الثاني
في المدرسه
العنود : واي مو مصدقه اخيرا انا اللحين اخيرا اخر سنه
بس بقى سنه وحده واتخرج واو وناسه
بدريه ( صديقة العنود وتؤام روحها ) : لا يطير نصج يا شيخه تو بسمالله ما صارلنا اسبوعين مداومين وانتي على طول بتخرجين
العنود : اي صح شفيني ردحت جذي
بدريه : صج انج هبله
العنود: اي صح تعالي ابلة الأجتماعيات طالبه منا تقرير نسيتي
بدريه : كل منج لو ما سكتي وخليتيني ما ارد عليهاا جان احنا اللحين مرتاحين من هالتقرير
العنود : انطمي انطمي خلاص انا ادور بالنت واطبعه اليوم بالمصور
بدريه : صار عيل انا بروح معاج اليوم
العنود : خلاص عيل تغدي عندي وروح مع بعض
بدريه : ماشيالمغرب اب بيت العنود
بدريه : ياربي شنو البس
العنود : حتى اناما ادري شنو البس
((حشى رايحين عرس مو مصور اوراق))
بدريه لبست جينز ابيض وقميص بولو وردي مخطط اب ابيض ولمت شعرها ذيل حصان وطلع شكله مرتب لأنه مدرج
واكتفت اب بقلوز وردي لانها نعومه وكيوت وبدون مكياج واايد حلوه
العنود لبست جينز ازرق غامج مع تيشيرت ابيض ماركة gap وعلامة gap بالعنابي وبما ان شعرها قصير وكيرلي رجعته ورا اب باند عريض**** عنابي غامجاول ما وصلو المصور لقو المكان ****زحمه حيل فقررو ينتظرون لان الابله تبي منهم التقرير باجر****بدريه : وناسه طاعي الشباب شكثرهم واي زوغه يهبلون
العنود : عيب ثقلي لا تصيرين خفيفه****
بدريه : نعم نعم نعم سمعني منو اللي قاعده تتكلم عندو واي مو صج حدج مو ستايل انتي شايفه الشباب شكثر حلوين****
العنود : شايفه يختي شايفه بس مسويه روحي ثقيله عشان ما ياخذون عني فكره موزينه****
بدريه : ههه وانا اقول ****شفيها تعطي نصايح****
العنود : ****اي مالت على هالويه ضحكي ضحكي مو مهتمه لان عندج منصور ماخذ عقلج****
بدريه : واي فديته حبي ماكلمته اليوم كله منج خليتيني اقفل موبايلي****
العنود : اي مالي خلقه قطع بروحها جبدي لايعه من الابله تبين تلوعينها زياده انتي ومنصور****
بدريه : ههه ما ادري ليش ماتحبينه
العنود : انا مو ما احبه انا ما اواطنه لاكن ينبلع اكثر من هذاك عمر ثقيل الطينه
بدريه قطع ذكري شي زين ذاكرتلي****
هذاك لا يا حبيبتي هذاك كان شي وراح وصار ولا شي****
العنود : جب جب انطمي سكتي صكري هالموضوع نطري وانتي ساكته****
بعد فتره****بدريه : العنود شوفي هاذاك اللي ورا جامة المحل قاعد يأشرلج من مساع
العنود : واي فديته شكله زوغه وكيوت شوفيه الظاهر
بدريه : روحي له يالله لقيتي واحد مناسب لج
العنود : تهقين جذي
بدريه : اي بالله روحيالعنود طلعت بره المحل ومن كثر ما اهيا متوهقه راحت عند
المصعد اللي يم الولد دخلت المصعد وكان فاضي توه بيصكر
جان يدخل الولد العنود وقتها ماتت من الخوف ومو عارفه
شنو تسوي نظراته تحرقها توها يايه بتطلع من المصعد ولا ذيك الايد اللي
تسحبها وتوديها السياره ركبت العنود واهوا ما حرك****
التعليقات (1)
شعر وقصة→
الولد : ابيج
العنود: حلاو شايفني ولا حلاو لا اخاف حلاو
الولد : ملسونه انتي انا ابيج لا تخافين ماني مسوي فيج شي بس اول ماكنت بالمصور كنت الوحيده اللي لفتت انتباهي عيونج عذبتني وطريقت كلامج واسلوبج مع صديقتج عجبني
العنود : شنو كاوليه وانا اتكلم
الولد : ههه لا بس حبيت اتعرف عليج معاج مشعل
العنود : اها ولا يكون على بالك بقوللك اسمي
((الولد انصدم منها ملسونه حيل))
شوي ولا العنود تقول : معاك العنود
مشعل (( انفجر من الظحك )) : ههه ههه
العنود بأستغراب : اسمي يدلدق
مشعل : ههه لا ههه
العنود : عيل حضرتك اهبل
مشعل : لا بس مسويه فيها ثقيله وبالأخير قلتي اسمج من كيفج
العنود عصبت : انا الشاذيه اللي ركبت معاك
(( وتوها يايه بتطلع جان يمسك ايدها ))
مشعل : ابي رقمج
العنود خذت التليفون اللي معلق برقبته وسجلت رقمها وطلعت
مشعل واهوا يظحك عليها : ههه خبله هالبنت
-----------------------------------------------------------------
راحت العنود عند بدريه وقالت لها كل السالفه
بدريه : لا والله ومخليتني انطر هني
العنود : وانا شدراني اني بطول
بدريه : جب جب اقولج مليت وانا انطر جذوري لزقت بالكرسي شوي وانزرع هني
العنود : اقول اكلي تبن بالله يالله نرجع البيت وبلا تقرير بلا عمات عين
بدريه : يالله
------------------------------------------------------------
بالسياره
العنود : داوود ( سايقهم )
داوود : نعم انودي << يدلعها بعد
العنود : روح بيت بدريه اول شي
داوود : انودي انتي معا بدوره واجد كزابه شيتانه (( جذابه وشيطانه ))
من زمان انتي قول انا يبي يسوي ورقا وين ورقا
بدريه : جب جب حطيتها بجنطتي ودني البيت
العنود : انطم , بدريه خليه يولي قوليلي شنو اسوي ايذا دق
بدريه : نعمي صوتج وخليج ذربه اعرفج كاوليه ولا تملقين عليه توج اول مكالمه
العنود : صار اوكي واقوله اسمي
بدريه : مالت على هالويه اكييد يعرفه ما قلتيله
العنود تذكرت : اي صح نسيت
بدريه : خلاص عيل باجر الصبح بالمدرسه قوليلي كل شي
العنود : صار
بدريه : يالله مع السلامه
العنود : مع السلامه
(( انزلت بدريه بيتهم ))
خنكلمكم شوي عن عايلة بدريه ))
علي (( بو فهد )) : انسان عصبي ما يحب عناد عياله و اولهم بدريه من كثر ما يروح المدرسه والشكاوي اللي تصير بسبت العنود وبدريه
منال (( ام فهد )) : انسانه طيبه وحبوبه و تعد العنود وحده من بناتها
بدريه : 17 سنه \ بيضه وطولها مناسب جسمها حلو حيل خدودها حمره عيونها بنيه غامجه وشعرها بني غامج لي نص ضهرها
دانه : 16 سنه
ساره : 14 سنه
جنان : 11 سنه \ صديقة شيخة اخت العنود
حصة : 9 سنوات
لورا : 7 سنوات
فهد : 4 سنوات
خوات بدريه كلهم عليهم لسان اطول من الثانيه يعني ولا وحده فيهم متحمله الثانيه على طول هواش بس أللي مستحملتها بدريه دانه لانها قريبه من عمرها وتفهما وكلمهم يعدون العنود اختهم
------------------------------------------------------------------------------
اول ما دخلت بدريه البيت
جنان : وين كنتي حضرتج
بدريه : مو شغل حضرتج
جنان : جب جب ادري كنتي مع عنود بالمصور وين الاوراق
بدريه : اكلي تبن عند العنود
جنان : خير انشالله قولي قزيتو وفكي عمرج
بدريه : اكلي تبن يا تبن طاعي شطولج شتبين ذلفي عن ويهي
---------------
توها يايه بتصعد الدري اختها لاورا كانت قاعده على جنب الدري رفستها وصعدت راحت الصاله دقت على العنود وقعدت تسولف معاها
وشوي وصكرته لانه مشعل دق على العنود
دقت بدريه على منصور وقعت تسولف معاه وقالت له عن سالفة العنود
منصور : اخير افتكينا من ام لسان
بدريه : لا حرام عاد هاذي عنودتي ما ارضا عليها
منصور : العنود على عيني وراسي بس لسانها يبيله ظبط شويه
بدريه : اي والله صح الله يهداها عليها لسان
(( بدريه تكلم نفسها : طاع من تكلم من شوي انهديت على خواتي مثل البقر ))
دخلت ساره ومعاها حصة الصاله شافتهم بدريه وقصرت صوت التليفون لان عالي تخاف خواتها يسمعون الصوت
منصور : وينج ؟؟
بدريه : كاني
حصة : كاني ماني
بدريه : انطمي لا ابلعج نعالي << كرمك الله
منصور : طلعتي مثل العنود ههه والله انج عجيبه
حصة : بدوره هاذا صوت ولد
بدريه : جب جب هاذي العنود
(( خلتهم بدريه بالصاله ودخلت دارها تكمل سوالف مع منصور لان خواتها قاطين الأذن عليها ))
شوي وتدخل سارة عليها شالت بدريه التليفون عن اذونها
سارة مع غمزه : عطيني التليفون شوي بكلمه
بدريه طلعت عيونها : طلعي بره يا حماره
طلعت ساره وانفجر منصور عليها من الظحك
منصور : ههه ههه ههه اختج ابداع
بدريه : اظحك اظحك والله
منصور : ههه لا لا بس خلاص سكت
( وكملو سوالف لين ما ناموا ) ----------------------------------------------------------------