عاشر من تعاشر فلا بد من الفراق

وينك حبيبي خافقي محترق شوق ...
استحلفك بالله ياهوه وينك ؟؟؟
غيرك ابد مالي بهالكون مخلوق
صارت حياتي كلها في يدينك
ودي اضمك ضمة العنق والطوق
ودي اكحل عيني برمش عينك
عمرك سمعت بعين تبصر بلا موق
هذي العلاقه بين قلبي وبينك
وشلون اشوف النور ياسيد الذوق
والشمس تاخذ ضيها من جبينك
حبك عباره عن شرايين وعروق
تجري بجسمي نبضها من حنينك
هذي حقيقه بين عاشق ومعشوق
ابعد اذا قررت تقتل ضنينك
من صدتك مااحس بهاالكون مخلوق
دام ان حياتي كلها في يدينك
لاصرت يمي خافقي يحترق شو و ق
وان غبت لحظه يصرخ القلب
وي ؟؟؟؟؟؟؟؟؟؟؟؟؟ نك

الصوره اللي ( بجوالي ) تعذبني
ياكثر ماجيت ابمسحها ! واخليها
ياللي جفيت وجفاك المر .. ذابحني
عقبك وجيه البشر .. ماني بدانيها
من يوم حبك .. غزى القلب وتملكني
قطعت كل العلاقات وطواريها
اقرى رسايلك ودموعي تسابقني
وارد ! واقرى الرسايل .. واحتفظ فيها
انت آخر انسان هاقي منه يصدمني
والظاهر ان هقوتي بانت مواريها
لو الوصايا ليا احتديت ! تنفعني
ياكثر ناس ٍ على ذودي بوصيها
ليت الفرح ( بنك ) لاجيته يسلفني
واقاصده ( راحتي ) وحقوقه اوفيها
من كثر ماكنت ! جارحني وظالمني
قمت اعزل جروحك بقلبي واسميها
تدري وش اللي يبكيني ويضحكني
انك محامي قضيتنا وقاضيها
تدري متاك ؟ تعرف قدري وتفقدني
لارخصت نفسك ,, لشخص ٍ مايراعيها
بكره الا هملوك الناس تذكرني
وتقول عزاه : عيني من يداريها ؟
مدام غيري ؟ على قلبك مشاركني
وش هو له ؟ اعلق الأمال وابنيها
يكفيني انك رحلت ومنت عايفني
هذا عزا النفس من كثرة بلاويها
اهديتك : دموع من طعنتك تحرقني
وانت اللي تستاهل الدنيا ومافيها
واهديتني جرح .. موجعني ؟ وعاجبني ؟
لن الهدايا على مقدارمهديها
صحيح ! ( حنا انتهينا ) .. بس صدقني !!
والله ان تبقى ( هوى روحي ) وغاليها
مفضوح ؟ راع الهيام .. ونظرته !! تغني
ملامحه واضحه ! , في وجهه راعيها
لكل داء ٍ دوا .. لو هو متعبني
الا محبتك ؟ .. أعيت من يداويها
ان قلت : علمني انسى ؟ لاتعلمني
دنياي لامن نسيتك ويش تاليها
فارقتني وضحكتك عيت تفارقني
والله يلعن ابو الفرقا وطاريها
مقدر !! أفكر بغيرك ؟ .. وانت عارفني
عشان حاجه ؟ بقلبي .. مقدر !! أخفيها
اخاف لاحبني غيرك ؟ .. وعاشرني
يشوف صورتك في عيني ويوحيها
نشدت عنك ؟ وسمعت اللي يفرحني
وارتاح صدري من هموم ٍ يحاتيها
تبي تعرف ! وش ؟ على الفرقا مصبرني
انك بخير .. وحياتك مهتني فيها
من يوم ماغبت ! والوحده تعذبني
اقرى ( رسايلك ) في حرقه والاحيها
اشوف ( صورتك ) .. ودموعي تسابقني
وياكثر ماجيت أبمسحها ؟ وأخليها
!

ماكل من يلبس شماغ رجال
وماكل من يرقى الطويليه وصلها

راسي يبيله برج ايفل يطوله
ولاصرت فوق البرج لاقيت راسي
شفت الانوثه ماكساها رجوله
مليون مثلك مايجبون راسي

يسعد صباح اللي من الليل نايم
يسعد صباحه لين يمسي مسائه

تدري وش اللي يدفنك وانت مامت
انك تشوف اللي يحبك يخونك

لو الغلا ينشاف في عين مخلوق
كان الملا شافوك في وسط عيني

ماهو خساره لوفديتك بعمري
راس الخساره لوفقدتك وانا اغليك

رجل ترزه بالمجالس مباديه
ورجل فلوسه بالمجالس ترزه