دليل الشركات والاماكن. فالويب | ريبوتا


المسافرون العرب




×× ااااه يازمن.. ليتك خذيت روحي قبل تاخذ اغلى روح مني×× رواية حقيقية غير مسموح بنقلها

عذاب البحر ل عذاب البحر ل
×× ااااه يازمن.. ليتك خذيت روحي قبل تاخذ اغلى روح مني×× رواية حقيقية غير مسموح بنقلها
04-12-2014 - 11:30 am

السلام عليكم ورحمة الله وبركاااته..
حبيباتي الفراشات قبل مااقول الرواية في شي مهم بقولكم عليه..
في يوم وانا اتصفح هنا بالمنتدى راسلتني وحدة وطلبت مني اكتب قصتها هنا بالمنتدى مقابل مبلغ!!
طبعا انا استغربت في البداية, وبعدين فهمت الموضوع منها, هي ماتقدر تنشرها بنفسها عشان ماحد يعرف انها صاحبة القصة وبنفس الوقت هي ماتبغى احد يعرف قصتها بس مضطرة تقولها لكم, لانها محتاجتكم توقفو معاها وتنصحوها اش تسوي.. لانها مالها احد بعد الله غيركم, وهي لاحظت في المنتدى التعاون بين بعض وينصحو بعض عشان كذا محتاجة لنصايحكم...
وانا بكتبلكم الرواية زي ماكتبتها لي... يعني بلسانها....



إليكم الرواية:
بسم الله الرحمن الرحيم

أخواتي انا محتاجتكم توقفو جنبي وتساعدوني وتنصحوني اش اسوي, بس أمااااااااانة كل وحدة تدخل ماتنسخ ولاتنشر الرواية لانها اسرار بيوت وانا مااظطريت اقولها الا لاني محتاجة مساعدة بشكل منكم ومحتاجة لدعواتكم.. الرواية طويلة شوية بس بحاول اختصرها لكم..

بالبداية اعرفكم بنفسي انا اسمي ود وعمري 21سنة انا اتربيت يتيمة الأم, لان امي اطلقت من ابوي وعمري 4سنوات وعندي اخ اصغر مني بسنتين, وعشنا امررر العذاب لان ابوي كان مرررررة شديد وشرير وكل انواع العذاب اللي بالدنيا شفناه منه انا واخوي, لان هو اصلا تربى يتيم الاب جدي توفى وعمره 4 شهور وجدتي كانت امية وتربيتها على قدها فكان ابوي دايما بالشوارع من صغره وكانت تربيته غلط عشان كذا ظهر عنده مرض الشك, يعني يشك بأي انساااان بالدنيا وهذا كان سبب طلاق امي منه, وحتى انا كان يشك في ويضربني..
طبعا انا عشت حياة كلها هم وتعب وكل يوم اروح المدرسة ابكي واروح ووجهي مضروب واحيانا يكون فيه دم بجسمي ولا ظهري ولا مريولي وكنت دايما احاول الانتحار طبعا بالمدرسة وابوي مايدري, كنت اخذ حبوب بندول كرتون او اجمع اي حبوب من الصيدلية فوق ال20حبة واكلها ,بس الحمدلله على كثر محاولاتي ماقد صرلي شي يعني يدوب ادوخ واستفرغ واتعب شوي وبس..
وكنت احب المدرسة واحب صديقاتي والكل يحبني حتى المعلمات وكنت شاطرة واحيانا اطلع من الأوائل , بس دايما تلاقوني سرحااانة وافكر بهمومي وبالمشاكل وافكر بأمي وليش هي مو معانا!! يعني حتى بالحصة تلاقوني بس سرحاااانة مو مع المدرسة..
وقصتي بدت بأول يوم في المدرسة لي, ماكنت اعرف احد ومستحية وجالسة عند باب المدرسة اللي برا مو راضية ادخل وفجأة جات وحدة وجلست معايا وكانت متوترة وبنفس حالتي تقريبا..
سألتني اش اسمك؟
اسمي ود.
والله!! حتى انا اسمي ود.
سألتني سنة كم!
قلتلها اولى.
قالتلي حتى انا اولى, وماني عارفة فين اروح وفين فصلي..
قلتلها حتى انا مو عارفة شي..
قالت اش رايك نروح عندي اي مدرسة ونقولها وهي تودينا للقصول؟
قلتلها طيب .
لما رحنا نسأل طلعانا انا وهي بفصل وااحد وودتنا المدرسة على فصلنا وكنا مررررة مستحيين..
انا كان فصلي 1-2 والفصل اللي قدامي 1-3 كان مقابلنا, وكانوا بعض المعلمات لما يدخلو الفصل يسيبو الباب مفتووح والفصل اللي قدامي بابهم مفتوح كمان.
كنت دايما الاحظ وحدة من الفصل اللي قدامي تطالع في كثييير واحيانا تبتسم لي وانا ابتسملها..
وانا كنت جذابة وحلوة الحمدلله, يعني اللي يطالع فيني يحس شي يجذبه لي..
المهم بيوم من الايام لما انتهى الدوام طلعت من الفصل اااخر وحدة والبنت اللي دايم تطالع فيني كانت بفصلها لوحدها, وفجأة جات عندي وتتبسم: اش اسمك
انا: اسمي ود
....: عاشت الاسامي والله, انا اسمي فاطمة.
انا: مستحية ماطالعت فيها حتى, لاني وانا صغيرة كنت مررررة اخجل.
فاطمة: خلصتي ننزل سوا ولا بتقعدي هنا؟
انا: لاخلصت دحين ننزل.
ونزلنا تحت في الساحة ومشينا شوي واتكلمنا واتعرفنا على بعض..
فاطمة كانت معجبة فيني وتبغاني اكون صديقتها, وانا ماكنت افكر في صداقة ولا افكر في احد لان احب اجلس لوحدي منعزلة وافكر واحيانا اجلس لحالي وابكي, ع الرغم من كل هذا حسيت انها طيوووبة ودخلت قلبي ووافقت انها تكون صديقتي..
كنا نتكلم مع بعض كل يومين او 3ايام واحيانا تعدي ايام ولا نكلم بعض, واحيانا نتضارب انا وهي وكل المدرسة تسمعنا ههههههه
ترى هي سمرة ومتينة وتحب تضارب ومزحها ثقيل وانا ماكنت اتقبله وعلى طول اضربها ونجلس تنخانق.. ومرت الايام واحنا على هذا الحال, احس احيانا اكرهها واحيانا عادي بس هي تحبببني مررة..
وبيوم من الايام وانا سنة اولى متوسط نجحت ورحت اخذ الشهادة حقتي وتأخررر علي ابوي كثيير وجلست انتظر انا ووحدة معاي بالمدرسة برضو ابوها تأخر عليها..
وانا كنت معروفة اني انطوائية مااتكلم مع احد ولااتعرف على احد, جات البنت وسلمت وجلسنا نتكلم انا وهي شوي..
هناء: اش اسمك انتي! انا اسمي هناء.
انا: انا اسمي ود.
اهناء: استلمتي شهادتك اليوم! ونجحتي ولالا!!
انا: ايوة الحمدلله استمتها ونجحت.
هناء: سنة كم!
انا: طالعة ثانية متوسط.
هناء: زيي انا كمان طالعة ثانية متوسط, ان شاء الله نكون انا وانتي صديقات وفي فصل واحد.
هناء: اعطيني رقمكم.
انا: والله صراحة انا مااكلم احد ابوي مانع عننا التلفون.
ود: ليش ماتتكلمي مع احد؟
وفجأة ابوي جا........
انا: يلا مع السلامة ابوي جا وطايرة بسرعة لان ابوي مايحب ينتظر..
.........................
بعد الإجازة , لما رجعنا المدارس ....
اول يوم رحت فصلي 2-1 ولقيت هناء معايا بنفس الفصل وسلمنا على بعض وفرحنا اننا بفصل واحد..
هناء: الحمدلله اني قابلت وففصلي كمان, خلاص تعالي اجلسي جنبي ورا اخر شي..
انا: لالا انا مرررة مااحب ورا, انا احب اجلس قدام اول شي كمان.
هناء: خلاص مو مشكلة اجلسي المكان اللي يريحك..
وصرنا صديقات عادي بحكم اننا بفصل واحد.

بعد مرور فترة كم شهر صرت اشوف هناء لما تجي المدرسة يغمى عليها ويشيلوها البنات واحيانا تجيها حالة نفسيةوتصرخ وتبكي ويشيلوها يودوها للإدارة, وعرفت من البنات انه ابوها توفى بحادث غير مقصود..
ابوها كان يشتغل في الشرطة وكان بمكتبه هو وصديق عمره, وصديقه كان جالس ينظف السلاح حقه وفجأة طلعت رصاصة من المسدس حقه وراحت لابو هناء وتوفى, وصديقه طاح واغمى عليه وانتوم بالمستشفى لانه كان اعز صديق عنده, بعدين انسجن فترة وصام شهرين وظل يبكي طوول عمره على صديقه, بس كان يسأل عن عياله اوقات ويقضيلهم اشياء واعطاهم بيت شعبي ملك لهم وهم بالأساس ماطلبو شي بس هو من نفسه اعطاهم البيت لان مايقدرو على مصاريف البيت والايجار..
وطبعا هناء مسكينة اتيتمت وكانت حالتها النفسية تعبانة مرررة بعد ابوها, وهي كانت اكبر وحدة من اخوانها: عندها اخت اصغر منها ب4سنوات , و4 اخوان كلهم اصغر منها..
وانا ماكانت علاقتي بهناء قوية يعني مجرد صديقة بنفس الفصل, يعني نسلم على بعض احيانا ونتكلم وبس..
ولما طلعت سنة ثالث متوسط اتعرفت بصديقة معاي في الفصل اسمها هدى- وثانية اسمها ايمان وحبينا بعض احنا الثلاثة ودايما نسأل عن بعض ونواسي بعض لان كل وحدة فينا كانت عندها مشااكل صعبة ودايما حزينين ومهمومين ونفكر, واتعاهدنا انو ماننسى بعض مهما صار وفرقنا الزمن..
مرت الايام وتخرجنا من ثالث ثانوي واخر يوم كل وحدة كانت تاخذ ارقام صحباتها لا انا كنت ابكي لان عندي ابوي مافي شي اسمه تلفون, ورح افارق صحباتي اللي عرفتهم وحبيتهم ولارح اشوفهم..
طبعا احنا متفقين اننا نسجل في الثانوي بمدرسة وحدة كلنا بس كان النظام انه يحطو كل وحدة لاقرب مدرسة جنب بيتها..
وكنا نودع بعض ونبكي, وفاطمة كانت تحضني بقووة وتبكي وتقولي لاتنسيني ودايما اذكريني واذكري الهبال اللي كنا نسويه.. طبعا هي رسبت وماتخرجت معانا.. وروحت البيت ودخلت الحمام ابببببكي من قلبي على صحباتي وكنت دايما ادعي ربي يجمعني فيهم.
وانا الحمدلله كنت قريبة من ربي ودايما اصلي واصوم وادعي بالثلث الاخير من الليل ..
.............
ع فكرة ابوي تزوج وانا ثاني متوسط وشفت انواع العذاب كمان من زوجة ابوي من اهانات لي ولامي واحتقار, وكان شغل البيت كله علي من تنظيف وغسيل وكل شي..
...................
المهم بعد الإجازة وانا اولى ثانوي...
ربي اراد اني اتسجل بمدرسة مو قريبة من بيتي بس فيها كل صديقاتي..
اول يوم دراسي رحت المدرسة وجيت بفتح الباب وموراضي يفتح واحاول ابغى ادخل ولقيت وحدة ثانية تحاول تفتحه معايا وموراضي, بعدين فتحناه سوا ودخلنا وانا اقول بقلبي اليد مو غريبة علي, لما دخلنا وشفتها طالعت هدى صديقتي وفرحنا وسلمنا على بعض وجلسنا نضحك ومستانسين لاننا بمدرسة وحدة..
الحين انا كبرت وكبرت همومي معايا .. من عذاب زوجة ابوي وعذاب ابوي ومحاولاتي للإنتحار, وكانو اقرب صديقاتي هدى وايمان يتضايقو مرة وساعات يزعلو مني لما افكر في الانتحار, وكانوا دايما يصبروني بإن الله يحبني عشان كذا ابتلاني, وكانت حالتي النفسية أسوأ ودايما ابكي بس كنت برضو شاطرة بالدراسة وذكيية الحمدلله وكانوا اغلب المعلمات يستغربو من ذكائي رغم ظروفي..
المهم, زوجة ابوي جابت ولد , وبعد الاربعينية على طول حملت وجابت كمان ولد, وبعد الاربيعينية كمان حملت وجابت بنت... يعني عندها ولدين وبنت..
طبعا من يوم جابت العيال وهي اسلوبها تغير للأسوأ وكانت تتضارب معانا انا واخوي ونروح المدرسة يارجول مكسورة يايد مكسورة او اي شي بجسمنا, وابوي كان يقول اعتبروها زي امكم, احنا كنا نكرهها مرررررررررة ..
............................

انا رح اختصركم الاشياء لان القصة مررررررررة طويلة..
صديقتي هناء كانت معايا بالمدرسة وبفصلي سنة اولى وقويت علاقتنا ببعض وكنت دايما اكلمها عن حياتي مع ابوي وزوجة ابوي وهي كانت تكلم امها, ويوم من الايام وهي كانت تتكلم مع امها سمعها خالها اللي هو اخو امها ومو مصدق قصتي وكيف عايشة حياتي, وقال انا ابغى اخطب هاذي البنت لان مرررة مسكينة عايشة بعذاب وابغى اطلعها من العذاب اللي هي فيه, وهناء جات كلمتني بس كل الناس كانو عارفين اني ماابغى اتزوج طوووول عمري اخاف يجيني واحد زي ابوي, وبعدين مع الايام والعذاب اللي اشوفه قلت لهناء انا موافقة اتزوج خالك موافقة على اي واحد حتى لو من الشارع بس اطلع من ابوي بأي طريقة..
وكلمت خالها وفرح, وهي كانت تناديني خطيبة خالي بسللأسف ماكان جاهز للزواج, هو قال بتزوج خلاص يخلصني من العذاب بس..
وكانت هناء كل مرة تقولي بعد كم شهر يجهز وعلى هذا الحال الين انا طنشت الموضوع ونسيته..
.................

وانا سنة ثالث ثانوي..
انا كنت ادبي وهدى صديقتي علمي << كانت شاطرة, وايمان ادبي بس مو بنفس فصلي..
وانا سنة ثالثة ثانوي كبرت المشاكل بيني وبين ابوي لدرجة محد يتوقعا وانا بصراحة مااقدر اقول المشاكل علنا, المهم انا هنا من جد قررت اذبح نفسي بأي طريقة, وكنت اكلم صديقاتي هدى وايمان واصرخ في المدرسةوابكي من قلبي وكل البنات يطالعو فيني, وطبعا صديقاتي كانو مرررة حزينين علي واحيانا يبكو معايا..
ولما سمعوني قلت بأذبح نفسي بأي طريقة, قامت هدى قالت: لا ياود الله يخليك انا بكلم ابوي عن المشاكل اشوف اش يقول يمكن يلاقي حل ويساعدك.
ابوها كان حارس المدرسة حقتنا وكان رجل ملتزم ويخاف الله وكبير بالسن وكلمة الحق يقولها بعين اي واحد..

هدى راحت كلمت ابوها ع المشاكل اللي صايرتلي , وقال انا بتفاهم مع ابوها ولا بكلم الشرطة ع اللي يسويه مع البنت..
فجأة!! سمعها اخوها وليد وهي تتكلم وهذا اخوها الوسط عمره 28 - قال لاخته: طيب هاذي البنت كيف حلو ولالا وكيف اخلاقها؟؟
<<<< وليد كان يدور عروسة ومالقي اللي تناسب مواصفاته..
هدى: والله البنت قمر ماشاء الله وبيييضة وملتزمة وتصلي وتصوم مافي احسن منها..
وليد: ابوي اش رايك انا قررت اخطب البيت هاذي وبالمرة عشان اريحها من ابوها.
ابوه: خلاص ان شاء الله على بركة الله..
................
هدى جات اليوم الثاني فرحاانة وجتلي طيرااااان في الصباح..
هدى: ود لقيت الحل اللي بيريحك من ابوك والعذاب اللي انتي فيه..
انا: اش هو ! بإكتئاب , لان ماكنت متخيلة في احد بيرحيني من عذابي..
هدى: اخوي امس سمعني وانا اكلم ابوي بموضوعك وقرر يخطبك.
انا: انا لو علي مابوافق وانتي عارفة اني اكره الرجال بصفة عامة لكن ابغى اخرج من البيت بأي طريقة, وكمان ماادري ابوي بيوافق ولالا!! طبعا هو يبغاني خدامة له ولحرمته وعياله..
هدى: اابوي بيكلمه وان شاء الله يوافق..
.............
اليوم الثاني,, ابو هدى جا وصل هدى المدرسة واعطى الحارس ورقة وقاله لما يجيك (فلان الفلاني) اعطيه الورقة <<< قصده على ابوي.
ولما جيت انا وشفت الحارس جاي يكلم ابوي وجري ع المدرسة وانا عارفة الخطة كلها..
طبعا الورقة كان مكتوب فيها اتصل بي ضروووري ابغاك في موضوع انا فلان الفلاني , وبنتي صديقة بنتك..

ابوي مادق عليه.. انتظرني ارجع من المدرسة وسألني الرجال هذا اش يبغى وبنتو قالتلك شي؟ ولا قالتلك بزورك في البيت؟
انا: ماقالتلتي شي ولا قالت بزورك..
ابوي: اذا قالتلك قوليلها ابوي ماعنده زيارات وكلام فاضي, فاهمة ولالا؟
انا: طيب فاهمة.
..................
ابوي دق على ابو هدى وابو هدى قاله: نبغى نجيكم البيت انا وولدي لان الموضوع ماينفع بالتلفون.
ابوي قاله الله يحييكم.
وجو واتكلمه بالموضوع وابوي قالهم اعطونا فرصة نشوف البنت ونردلكم خبر.
كلمني ابوي: انتي تدري عن الموضوع صح؟
انا: هااه ! لاماادري, صحبتي ماكلمتني عن شي.
ابوي: طيب الولد جاي بيخطبك انتي اش رايك؟
انا: اللي تشوفه ياابوي.
ابوي: خلاص انا بقوله موافقين والزواج على طول يصير انا ماعندي خطبة وملكة كلام فاضي..
............

وطبعا جا وليد وشافني بس انا ماقدرت اشوفه لان ابوي ماعنده حركات زي كذا, كنت منزلة راسي وملفلفة بالشرشف مو باين شي غير وجهي وحطيت العصير وطلعت على طول وكنت بطيح على وجهي من طول الشرشف هههه
والحمدلله عجبته رغم انه ماشافني تماام.

اليوم الثاني رحت المدرسة فرحانة وهدى تناديني: مبررررروك ياخطيبة اخوي.
هاااااااااااه!!
انا: مين خطيبة اخوك! من جد انا خلاص انخطبت ! لا مااصدق الين اطلع من بيت ابوي بعدين اصدق..

ابوي كان كل يوم يسألني : صديقتك قالتلك شي بخصوص وليد! قالتلك وليد يسلمك عليك ولا من هذا الكلام؟
انا: لالا ماتقول كذا..
ابوي: لو فيوم قالت كذا قوليلها عيب استحي على وجهك انتي واخوك بلا قلة حيا فااهمة الكلام؟؟
انا: ايوة فاهمة..

....................
والحمدلله تمت الملكة بعد شهر من الخطوبة وكانت احلى ايام عمري, وبعد الملكة بأسبوع صار الزواج كان عااائلي جدا ومحد حضر غير امي وخلاتي وابوي واخوات زوجي وام زوجي وابوه وبس <<< طبعا انا عزمت صديقاتي على زواجي بس ابو هدى اللي هو عمي رفض وقال ليش عزمتو؟ نبغى الزواج عائلي مانبغى ناس كثير عشان وليد لايخسر.
طبعا انا بزعل رحت للي عزمتهم قلتلهم الزواج اتأجل , وهو ماتأجل بس بناء على رغبة عمي..
واتزوجت وانا بثالث ثانوي الترم الاول ع الاختبارات النهائية..
ونسيت اقولكم هناء صديقتي تزوجت قبلي ب6 شهور..
وايمان صديقتي تزوجت قبل سنة ثالث ثانوي بس جلست معاه فترة قصيرة وتطلقت وجابت منه ولد.
..
وبعد ماتزوجت قويت علاقتي مع صديقاتي خصوصا هناء, اما هدى صرت اطلع اي مكان انا وزجي لازم ناخذ هدى معانا <<< صديقة الطفولة ..
بعد ماتخرجنا من الثانوي اخذت ارقام كثييير من صديقاتي وكنت اتواصل معهم ع الجوال..
بعدين حملت وجبت بنت سميتها ياسمين, وطلعت قمر على امها ماشاء الله....
بعد ماجبت البنت صارت مشااكل كثييير بيني انا واهل زوجي وخصوصا صديقتي هدى, وبصراحة انا كنت ارتاح لهدى وايمان واكلمهم عن كل مشاكلي, ولما بعدنا انا وهدى بسبب المشاكل , صرت اكلم ايمان عننا واننا بعدنا وكنت اثق فيها ثقة عميااااااااء, بس للأسف هي خربت بيني وبين هدى وصارت تنقل كلام غلط وتقول ترى ود قالتلي كذا... وترة هدى قالتلي كذا...
ولليوم هذا وانا مصدومة فيها لانها ماكنت كذا ابدا..
وبعد اللي صار من المشاكل جلست فترة عند ابوي زعلانة وبعدين رجعني زوجي , بش سرط شرط اني مااكلم صديقتي ايمان وابعد عنها نهاائي لانها في نظره منافقة..
وبسبب المشاكل زوجي طلب اني ابعد عن كل صديقاتي طبعا ماعدا هناء.....
والسبب: انه انا وهناء علاقتنا ببعض قوية مرررررررة اكثر من اخوات يعني كل اسبوع لازم نتقابل, انا اروحلها او هي تجي..
بس بيوم كانت هناء بتسافر الديرة هي واهلها عشان عندهم زواج قريبتهم هناك..
وهم رايحين صرالهم حادث قووي واتوفى امها وتوفى زوجها بعد معانا في المستشفى لمدة شهر, وكان عندها ولد والحمدلله سلم..
وواحد من اخوانها انكسرت رجوله, وهي انكسر عندها الحوض , واختها كمان انكسرت رجولها..
انا سمعت الخبر بكيييييييييت لاني كنت احب امها كمان واعتبرها مثل امي..
وهنا صارت هناء تطلب اني اجيها دايما اجلس معاها عشان ماتمل وتحس بطفش مدة العدة وكنت دايما اروحلها وقويت علاقتي بأهلها كمان وصرت واحدة منهم وفيهم ..
صرنا نلبس مع بعض ونخرج مع بعض ونحب بعضنا ونخاف على بعض من اي شي, واختها الصغيرة كانت مثل اخت واكثر.. كنت اناديها بأختي الصغيرة..
وكنت لما اروح اقضي لبيتي اقضيلهم معايا <<< لانهم كثيرين ماشاء الله ويتامى ماعندهم احد يصرف عليهم غير الضمان حق زوج هناء المتوفى .
وكنت اروح اتمشى اشيلهم معايا , يعني صرنا اكثر من اهل..
حبيت هناء بجنون وحبيت اهلها اكثر, كنت احيانا مااروح لأهلي بس اروح لهناء واهلها وانبسط معاهم..
وهم كلهم طيبين وحبوبين وعلى طول يدخلوا القلب..
وكنا كل اسبوع نروح زواجات انا وهنا واختها الصغيرة غالية ..
مستحيل احد فينا يروح بدون الثاني انا وهنا وغالية..
وبيوم هناء انعزمت على زواج جارتهم وانا كنت تعبانة مااقدر معاها حاااولت في كثييير بس مارضيت, وراحت هي الزواج..
وقابلت هناك بعض البنات اللي كانو معانا بالمتوسط والثانوي وقابلت من ضمنهم: صديقتي فاطمة..........
سلموا على بعض واتكلمو....
فاطمة: اخبارك هناء وكيف حياتك الحين بعد زوجك ووامك وكيف عايش انتي واخوانك؟
هناء: الحمدلله على كل حال ربي معانا..
فاطمة: الا قوليلي مع مين تتواصلي من البنات اللي كانو معانا بالمدرسة؟؟
هناء: والله كثييير........ ومن ضمنهم ذكرتني... ود..
فاطمة: ود!!! اخبارها هي ؟ والله واحشتني ؟ طمنيني كيف مسوية مع ابوها وكيف عايشة؟
هناء: ود اتزوجت من زمان وعندها بنت كمان.
فاطمة: معقول ود صديقة عمري تتزوج وانا ماادري!! طيب اعطيني رقمها..
..............................
طبعا هناء قالتلي اللي صار لانها ماتخبي عني شي ابداااااااا, اي شي يصير بحياتها اعرفه, واشياء اعرفها واهلها مايعرفوها..

..............
بعد فترة انا نقلت من بيتي لبيت ثاني قريب من هناء..
وطبعا في هاذي الفترة انا وزجي بعدنا عند بعضنا شوي, بسبب الاشغال والنقل, وكثرت بيننا المشاكل, وبررردت العلاقة بيننا..
وبصرااحة انا من يوم دخلت البيت هذا للان وانا مااحس براحة لين اطلع منه..
وكمان كرهت وليد, ماعدت احبه زي اول..
في هذه الفترة دقت علي فاطة..
فاطمة: ود كيفك؟
انا : الحمدلله بخير, انتي مين؟
فاطمة: ماعرفتيني معقولة!
انا: لا والله ماعرفت بس الصوت مو غريب علي..
فاطمة: انا فاطمة صديقة الطفولة.
انا: هلا والله ايوة انا اقول الصوت مو غريب..
وجلسنا نسولف ونتكلم ...
وزااادت العلاقة بيننا في شهر, صرنا نتكلم مع بعض كل يوم ونجلس بالساعات..

وكانت غالية (اختي الصغيرة) اخت هناء تسأل هاذي صحيتك فاطمة اللي دايما تكلميها؟
انا: ايوة صحبتي من ايام المتوسط ومرررة طيوبة احبها وتحبني.
غالية: صاحبتو بعض ولالسه!!
انا: ايييييييش غلو اتجننتي انتي!! انتي ماتعرفي اختك الكبيرة ؟ انا مااصاحب ولا اعرف الحركات هاذي الوسخة! وهي كمان ماتصاحب..


مع الايام عرفت من غلو (غالية) انها تصاحب بنات كثيييييير يالمدرسة وطبعا محد يعرف غيري لاني سرها الوحيد حتى اختها هناء ماتعرف وكانت غلو تجي كل يوم وتقولي اش سوت مع صحباتها وهي فرحانة, وانا انصحها بس ماتسمع..
فجأة قررت اني اكلم هناء لان هي اختها الكبيرة ويمكن تتصرف معاها او تمنعها من الشي هذا..
لكن! استغربت من رد هناء لما كلمتها بخصوص غالية, قالت: اش اسويلها يعني اذبحها خليها بكيفها وهي حرة..
انا هنا انصدمت !!! لا هاذي مو هنو صديقة عمري اللي اعرفها تقول كذا,, ياترى اش اللي مغيرها؟
وهي كان لها فترة متغيرة علي ودايما عند التلفون تتكلم بالساعات تقول اتكلم مع خديجة <<<<<< هاذي وحدة كانت معانا بالمدرسة وكنت مررررررررة مااطيقها لانها كانت شاااذة وكانت معجبة بهنااء بقوة بس هنااء ماتعطيها وجه..
كنت اقولها انتي اش تتكلمي مع خديجة بالساعات اش تقولو؟؟
هناء: نتكلم عااادي زي اي وحدة وصديقتها , ولا تنكلم عن اي شي بالدنيا..
انا: والله مو عادتك ياهنو ياخوفي اللي فبالي يكون صحيح!
هناء: اش اللي فبالك يعني؟
انا: انا مستغربة زماااااااان ماكنتي تعطي خديجة وجه, وليه الحين تتكلمي معاها! اش بينكم؟
هناء: اش بيننا يعني بيكون؟ اجلسي معانا واسمعي السوالف..
انا: اسمعي ياهنو انتي صديقة عمري واختي وكل شي بدنيتي لكن لو صار الشي اللي متوقعته بينك وبين خديجة انا ماني صاحبتك ولااعرفك... <<< قلتها من برا قلبي وانا كذاابة فيها..
هناء: ود من جد تسويها وتسيبيني؟؟ انا مالي غيرك بعد امي وزوجي وابوي مستحيييييييل اتخيل حياتي بدونك..
انا: ولا انا ياهنو بس اذا صار شي صعب اكون معاك وانتي عارفة زوجي اول انسان بيمنعني اني اقابلك او اكلمك..
هناء سكتت بدهشــــــــــــة!!
..................
مرت الايام والعلاقة شوي متوترة بيني وبين هنو لاني حاسة انه بينها وبين خديجة شي وهي ماتبغى تقول..
وكانت فاطمة كل شوي ترسلي كول مي, اوقات ادق واوقات لا!!
لما كنت ادق احيانا غلو تكون بجنبي وتسمع الكلام اللي بيننا وكان كلام عااادي.
بس من اول مكالمة سمعتها غلو قالتلي.......
ود ترى البنت هاذي مجنوونة فيك تبغاك صحبتها..
انا: ايش؟؟ اش فيك انتي تفسري غلط؟ ترى هاذي ماتصاحب ولا نا؟
غلو: اسئليني انا والله اعرف في جنس البنات الشاذات وصدقيني تبغاااك..
انا: طيب وحتى لو تبغاني... انا احبها صح, بس مستحيل ارضى باللي فبالك , ولاتنسي اني متزوجة..
طبعا, صرت دايما اتكلم مع فاطمة بالساعات وغلو جنبي وكانت تسمع كل شي وتقولي انا اقولك كلام وانتي قولي , وانا كنت انفذ وبالنهاية حسيت انك دخلت معاها في موضوع الصحبة بدون ماادر




المشاركات

ورودمنسيه ورودمنسيه
×× ااااه يازمن.. ليتك خذيت روحي قبل تاخذ اغلى روح مني×× رواية حقيقية غير مسموح بنقلها


بصراحه لوكانت صديقتك هناء صديقه وفيه ماكانت حكت لزوجك اي شي مهمه كانت الظروف انسيها حاولي تستعيدي ولو جزء من ثقه زوجك بااعمالك الحسنه كوني صداقات في حدود المعقول وادعي الله يغفرلك الي سويتيه ويصبرك وينسيكي هناء مع دعواتي الحاره


موضوع مغلق

تم غلق المشاركة على المواضيع القديمة، ولكن يمكنك فتح موضوع جديد للمناقشة او الاستفسار والمشاركة.


Share

×× ااااه يازمن.. ليتك خذيت روحي قبل تاخذ اغلى روح مني×× رواية حقيقية غير مسموح بنقلها




بشرى سارة لكافة عضوات ورواد منتديات العرب الفراشة حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق elfrashah.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وسوف يتم نشر 500,000 ألف موضوع 5,000,000 مليون مشاركة وأكثر من 2,000,000 مليون صورة ما يقرب من 5,000 GB من المرفقات وهي إجمالي محتويات منتديات الفراشة للاستفادة منها والتفاعل معها كحق اساسي لكل عضوة قامت بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, منتديات الفراشة على Facebook