الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
مجروحة الدموع
04-12-2022 - 08:30 am
السلام عليكم جميعا هذي الروايه هي اول كتابتي راجية الله انها تعجبكم طبعا من كثر ماكنت اقره الروايات الرومانسية حبيت اني اكتب رواية تتداخل مره فيها الرومانسية ومره العنف ومره الحزن يعني ماراح اثبت على شي واحد راح انوع في الوصف والاهم انه في روايتي ماراح اثبت على بطلين بالعكس راح اثبت تواجد جميع الشخصيات لمني لحضنك ونسيني جراحي رواية راح تختلق بين انواع الواقع والخيال راح توصف اشخاص تحب واشخاص تتعذب في حبها راح توصف الواقع المرير اللي يعيشه بعض الاشخاص راح يتداخل فيها انواع العطف والحب ومره راح يتداخل فيها انواع العنف والكره راح انزل البارت الاول ولين لقيت تفاعل راح اكمل الرواية وان مالاقيت راح اشيل قشي واطلع<< امزح طبعا انه قبل كنت اكثر شي اقره روايات سعودية فكلامي صاير متخلط هع بتلقون في الرواية كلامي مره بحريني ومره سعودي هع واللي حاب ينقل الرواية اتمنى يكون اسمي مرفق معاها(الحقوق محفوظة) وقبل كل شي اعرفكم بنفسي بحرينية طالبة بديت اعشق الكتابه من عمر ال 11 سنه .................................................. .................................................. ......................................


التعليقات (3)
مجروحة الدموع
مجروحة الدموع
.................................................. .................................................. ...................................... نتعرف على الشخصيات: ابوخالد(محمد): عمره 47 سنة انسان جدا متفاهم وصبور والكل يحب اسلوبه وتعامله مع عياله او عيال غيره والكل يشهد بطيبته هو ماسك النصيب الاكبر لشركة ابوه لانه الكل يعتمد عليه ام خالد(فاطمة):عمرها 45 سنة انسانه استقالت من شغلها عشان بس تقعد مع عيالها وتجوفهم يكبرون وهي مره طيبه نفس طبع ريلها ومره حبوبه خالد:عمره 24 سنة متزوج بنت عمه الجوري حنطاوي شعره لي تحت اذنه بشوي قاصه مقطع بس حلو عليه ويكفي انه شعره ناعم وعنده حبة خال على خده اليمين تحت عينه تميزه عن كل اخوانه فهد:عمره 22 سنة رابع سنة جامعة وفي نفس الوقت يشتغل معه ابوه وخالد في الشركة حنطاوي على اخوه وله بنية عضلات كوول وشعره مسويه نفس اخوه خالد حمد:عمره 20 سنة ثاني سنة جامعة شبه حنطاوي هع له عيون عسلية نعسانه تميزه عن اخوانه اما عن شعره فهو دايم يقطعه من فوق ويخلي تحت عشان السبايكي يصير احسن غلا:عمرها 18 سنة اخر سنة مدرسة بنوته حدها كوول اهم شي كشختها وعشقها اللون الوردي وشعرها لي كتفها يعني مو طويل وايد ولا قصير وايد ولونه بني غامج .................................................. .................................................. ................................ بوعبدالله(احمد):عمره 45 سنة اب يحب الغشمره ولكن في وقت الجد جد وهو كله رزانه وهيبه ويكفي انه طيبته نفس طيبة اخوه بوخالد ام عبدالله(سارة):عمرها 42 سنة ام ولا كل الامهات تلاقي نظرة الحنان تنبع من عينها واهي اللي ربت سارة يوم امها كانت تعبانه وفي المستشفى عبدالله:عمره 24 سنة يشتغل مع عمه وابوه وعيال عمه في الشركة اسمر بس مره فاتح يحب شعره دايم مكشش يعني مو اللي كشه كشه لا قصدي يروح يقصه مقطع نتف صغار ويخلي شعره معفوس ويطلع مره حلو عليه الجوري:عمرها 22 تدرس رابع سنة جامعة ومتزوجة خالد ولد عمها سمره بس بعد فاتحة شعرها طوييل بني غامج ولها عيون تعذب خالد وطوايف خالد اريج:عمرها 18 سنه كبر غلا واهي وغلا اكثر من بنات عم ودايم يحبون يطقمون يعني اريج نفس طبع غلا تحب تجوف نفسها كله كاشخه وتكره ساره لانها احلى منها ولانه امها تحبها اكثر منها .................................................. .................................................. ............................ ابو سارة(زايد):عمره 32 سنة انسان يحب زوجته وبنته وبخاف على بنته مره بس شخصيته حلوه وله عضلات بتجنن ام سارة(لاريسا):عمرها 29 سنة اصلها امريكية لكنها اسلمت وتعلمت اللغة العربية وهذي الشي اللي خله اخوان زايد يرضون فيها زوجة له وطبعا زايد غير اسمها الى اسم اسلامي (عايشة) وطبعا في ولادتها لسارة صادها نزيف حاد والحمدلله قدرو ينقذونها وام عبدالله خذت سارة وربتها عندها ليما طلعت عايشة من المستشفى عشان جذي سموها ساره سارة:عمرها 14 سنة ثالث اعدادي حنطاوية بس شويات فاتحه شعرها اشقر ماخذته من امها وعيونها زرقة ولها ميزة وايد حلوة تحب تتعاطف مع الناس وتحن عليهم لكن ماترضى بالغلط ابد واهم شي عندها ستايلها وماركاتها وخصوصا انه ابوها مدلعها على الاخر .................................................. .. اخر ولد واهو يصير اخو بوفهد وبوعبدالله وبو سارة احمد:عمره 25 سنه حبوب وطيب ويموت في بنت اخوه سوير حنطاوي شعره شوي طويل مقطعه كله دبل وعيونه عسليه عذاب وهو خاطب رهف وحده تشتغل معاه بالشركة والقية راح تعرفونهم مع الاحداث .................................................. .................................................. ...................
.................
البارت الاول
بيت بو عبدالله كانت ساره نايمه عندهم دخلت ام عبدالله على سارة عشان تقومها للمدرسة ام عبدالله: يلا يمه بتتأخرين على السكوول على قولتج سارة:بليز مامي تن منت اونلي ام عبدالله: لالالا مافي يلا قومي ولا ترى بنادي لج اخوج عبدالله سارة بتأفف: اوكي ام ويكاب وت ناو ام عبدالله:هدي لكنة الاجانب ذي وقومي غسلي وتعالي فطري ابتسمت لها سارة بحب وباست راسها وراحت على الحمام(اكرمكم الله) على الفطور الكل كان موجود الا سارة اريج: واخيرا صبحت وماجفت ويه السخيفة ام عبدالله بعصبية: يابنت احترمي نفسج تراها اختج تأففت اريج وقالت: خلاص انه شبعيت وراحت قعدت في الصاله الثانية تنتظر اخوها يخلص فطور بعدها بشوي نزلت سارة واهي لابسه زيها الرسمي للمدرسة سارة: قود مورنق ايفري بدي بو عبدالله: هلا ببنتي العسل تعالي يبه فطري سارة: سوري داد اي كنت بيكوز اي برومس ماي فرندس.... وقاطعتها ام عبدالله: احين بتتكلمين عربي ولا بدلة الجاي احين سارة: ههه اوك مامي كنت اقول سوري لانه انه وعدت ربعي بنفطر في الكفتريا عبدالله: يلا عيل مشينه ومشو البنات طبعا اريج ركبت مع عبدالله جدام وسارة وراها ........................... غرفة خالد وجوجو جوجو وهي تحاول تصحي خالد:حبيبي يلا بتتأخر على الشغل خالد: مافيني شده ارووح جوجو: خلودي يلا عشاني قوم طنشها خالد بس طبعا جوجو تعرف ووشلون تقومه باسته على خده بوسة طوييلة وهو على طول سحبها وبطحها يمه خالد: فديت البوسه وصاحبة البوسه انه جوجو بخجل: خالد يلا قووم والله انت تأخرت وانه بعد تاخرت خالد بزعل: خلاص طيب احين اجهز حست جوجو انه زعل بس بعد اهم وايد تأخرو .................................................. .... وصلت سارة المدرسة بالزي الرسمي لمدرستها الخاصة وعلى طوول راحت حق ربعها اللي ينتظرونها لطيفة:اهلين سوير جان ماييتي من امساعه ننتظرج سارة: معقوله اخلي النوم واييكم فهد: سمعوها شتقول لو ادري جان من امساعه كليت سارة:ههه جان كليت في احد ميودك ريان:اي البنات لوعو جبدنه انتظرو وانتظرو سارة:ههه حالتكم عويصة بندر يطالع سارة بأحتقار: الحمدلله على السلامة سارة: ههه الله يسلمك بس عاد بلاش نظرات الاحتقار مالتك ذي الماس:حدكم حاله خاصة ................................ فاصل هع ذيله ربع سارة من المدرسة الخاصة لطيفة:14 رفيجة سارة الروح بالروح الماس:رفيجة لطوف وسارو بس مو كل شي يقولونه لها فهد:15 ريان:14 بندر:14 فهد وريان اخوان عشان جذي فهود صاير اوك مع سارة وربعها .................................................. ........................... طلبو لهم اللي يبونه وقعدو ياكلون وعيون فهد ابد مافارقت سارة واهو يجوفها بكل رقة تاكل واول ماتاكل تمسح بالكلينكس على شفايفها تخاف شي من الاكل تعلق عند شفايفها انتبه لروحه لانه جاف سارة تطالعه بخجل من نظراته ولف ويهه عنها وقعد يكمل اكل ............................... في شركة ال........ فهد:يبه يلا انه استأذن اخاف اتاخر على الكلاس بو فهد: اوكي بس اذا خلصت لاتيي الشركه على طول روح البيت فهد: اوك بس يبه لاتنسى العزيمه اليوم في بيت عمي زايد بوفهد: اي ان شاء الله مو ناسي ................................................ الظهر وقت طلعة الناس من الشغل هدة طلاب المدارس سارة:شباب بتييون اليوم فهد: انه لا لانه بطلع مع ربعي ريان+بندر: حته احنه مانقدر انيي بنطلع مع بعض سارة: اووف والله سخافة طالعها فهد بنظره معناها انثبري سارة: واو عمو احمد ياييني ياحظي لطيفة:وينه خلني اجوفه هالمزيون سارة: ههه انطمي ترى عمو خاطب الماس:ههه يلا عيل نجوفج الليلة سارة:يب يلا سيو الكل:سيو لاتير ركبت سارة السياره وباست عمها على خده سارة: شعنده عمو ياييني صراحة تحطيم احمد:ههه وانه طالع من الشركة قلت اخطفج واكلج سارة:مامي الحقيني ماي انكل وانت اييت مي احمد:ههه لاتسمعج جان تكفخني احين وقعدو على هالحاله ضحك وونانسه .................................................. ...............
وراح اكمل لين جفت تفاعلكم معاي
ودي:مجروحة الدموع

ورودمنسيه
ورودمنسيه
بدايه موفقه كملي معاكي للاخر

مجروحة الدموع
مجروحة الدموع
ان شاء الله حبيبتي راح اكمل
بس بصراحه ماحسيت انه في دعم قوي يشجعني اني اكمل الرواية
لكن اسعدني تواجدج غلاتي

سلسلة قلوب عبير
كلمات مؤثرة عن الموت