الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
سيوِوِف
18-09-2022 - 05:01 am
السلام عليكم ورحمة الله وبركاته
كيفك حالكم يافراشات ياحلواات ياعسولات ..
تعالوا شوي بقول لكم معاناتي مع تساقط الشعر و الهاي لايت الله لايبارك فيه ..
وكيف عالجته من التساقط .. و بما ان العلاج بانت ثماره من اول اسبوعين .. قلت ماراح ابخل على حبيباتي الفراشات .. واي زائره ..
بس ماابي منكم الا الدعاء لي ولامي الله يغفر لها يارب ..
السالفه ومافيها ياحلوات ..
انو انا شعري كان كويس مرره وكثيف .. وحمدلله ناعم مو خششن بس مو ناعم زي الفلبينيات لا طبعا بس ملمسه ناعم واقدر اتحكم فيه .. ولله الحمد ..
الى ان سولت لي نفسي ذات يوم ورحت صبغته هاي لايت ثلجي ... << توبه عقب هالنوبه
طللع علي جونان بس بعد تقريبا 4 شهور بدا يتساقط بشكل مو طبيعي وبدا يخف الشعر اللي على مقدمة الراس..
المهم انا طار عقلي .. ياربيه وش السواة ..
ف بدأت اسوي خلطات منها ماناسب شعري والزيوت مافادت ابدا مرره يتساقط بشكل جنوني ..
فأول شي وش سويت .. اشتريت حبوب هير دال من الصيدليه
+ كبسولات زيت جنين القمح ( لانها تحتوي ع فيتامين هجري وكويسه للشعر والبشره )
وفيتامينات مع الزنك ( حبه من كل نوع بعد اي وجبه )و شامبو روكلي ضد تساقط الشعر ..
ومن العطاره اشتريت زيت الحبه السوداء علبته صغيره وب 40 ريال مرره اصلي وعلبته مو قزازه لا بلاستيك لونه بني . وعسل طبيعي ..
. ومريت التموينات واشتريت زبادي تاريخه قديم شوي ..
ورجعت للبيت وبدأت اطبق الخلطه اللي انا سويتها ..
ملعقه صغيره زيت حبه سوداء
ملعقه كبيره زيت زيتون اصلي
بيضه واحده
ملعقه كبيره عسل طبيعي
ملعقه كبيره زبادي
واخلطهم في وعاء واحطهم في حمام مائي ساخن مو ع النار لاطبعا غليت مويا وحطيتها في زبديه كبيره وحطيت الوعاء اللي فيه الخلطه جواته وخلطتهم مع بعض لين ما تجانسوا وصارت الخلطه دافيه
والبس قلفزات على يداتي ..
واوزع الخلطه اول شي ع منابت الشعر مع التدليك ..
بعد كذا اوزع الباقي منها ع الشعر واطرافه ..
ولازم يكون الشعر نظيف .. مو تجين لك 4 ايام او 3 ماتروشتي وتحطيها لا طبعا اكثر شي يومين ..
بعدها احط كيس بلاستيك ع شعري مخرمته بدبوس عشان يتنفس الشعر وماينكتم .. والفه بشال او فوطه واشغل عليه السشوار ع الهواء الدافي يعني 3 دقئق بالكثير ..
واجلس 3 ساعات ..
وبعدها اتحمم واغسل شعري بشامبو روكلي ..
ومن اول استخدام اول شي لاحظته لمعه ونعومه في الملمس ..
بعد اسبوعين الفراغات اللي بالمقدمه تعبت شعر صغير ووقف التساقط بنسبة 80% ... ومع المداومه راح يكثف شعري ويوقف التساقط
وللامانه انا للان استخدمها ومرره حمدلله مرتاحه عليها
اذا احد حاب يستخدمها يستخدمها من 3 الى 4 مرات بالاسبوع لافضل النتائج حطي الخلطه بالليل ..
انا احطها من بعد صلاة المغرب واتروش الساعه 9
ونصيحه مني اللي حابه تجرب هذا البرنامج لازم تبتعد عن الشامبوهات التجاريه والكريمات التجاريه حق الشعر ..
واللي شعرتها جافه .. فيه سيروم يباع بالصيدليه .. لعلاج الشعر وكلهم كويسات اللي حابه تشتري تاخذ من الصيدليه
بالنسبه لي انا استخدم حق اطراف شعري بما انه مصبوغ زيت زيتون طبيعي بسس لان لو بزيته بيصير دهني ..
وهذي هي سالفتي كلها ادري طولت بس حبيت افصل لكم كل حاجه سويتها واتمنى لكم شعر صحي وجميل وكثيف


التعليقات (9)
marya234
marya234
مشكورة اختي
نبذه عن كيراتين كيور بايو الطبيعي BIO
-----------------------------------------
1 - هو أول كيراتين في العالم خالي تماماً من الفورمالين ويعطي نتيجة فرد قوية للشعر .
2 - يمكن تطبيق كيراتين كيور على الأطفال والحوامل لأنه آمن 100 % .
3 - يعطي الشعر لمعاناً و بريقاً فهو غني بذرات الذهب والعسل وباقة من أجود الزيوت الطبيعية لشعر صحي ( يبدأ الشعر في إعطاء لمعاناً بعد مرور يوم أو إثنين من عملية التطبيق وذلك لأن الزيوت الموجوده في المستحضر طبيعية وتتأثر بالحرارة ولكن بعد زوال مفعول الحرارة يأتي الشعر بلمعان لم تريه من قبل ) .
4 - يقضي على الهيشان ( النفشه ) ويعالج الشعر المقصف ويعالج الشعر التالف من آثارالصبغة والفرد .
5 - يمكن غسله في نفس اليوم .
معلومات هامة جدا ً
-------------------
1 - عدم إستخدام الكيراتين أثناء أيام الدورة الشهرية .
2 - يمكن غسل الشعر في نفس اليوم دون الحاجه لإنتظار أربعة أيام .
3 - يوصي بإستخدام مكواه السيراميك ماركة ( سينما ) المخصة للكيراتين حيث أن درجة حرارتها عالية جدا ً .
4 - في حالة إستخدام مكواه من نوع آخر يجب أن تكون حرارتها 230 / 450 .
5 - بعد عملية الكيراتين يجب إستخدام أنواع الشامبو و البلسم الخالي من الصوديوم أو كلوريدالصوديوم أو سلفات الصوديوم يفضل أن يكون من نفس نوع الكيراتين .
6 - عمل الصبغة يجب أن يكون قبل الكيراتين وليس بعد الكيراتين ويراعى الإبتعاد عن الصبغات التي تحتوي على أمونيا .
7 - ملحوظة : نزول البحر أو حمام السباحة يؤثر على الكيراتين ( يراعى إرتداء بونيه على الشعر وغسل الشعر فور الخروج من الماء بماء نقي وعمل حمام كريم الكيراتين ) .
أشتري المنتج الأصلي من الوكيل أو الموزعين المعتمدين لضمان سلامة المنتج وجودته . يخزن في مكان آمن بعيداً عن الحراره وضوء الشمس المباشر ويحفظ بعيداً عن متناول الأطفال .
الوكيل المعتمد مؤسسه الروافد الدوليه
00966502465050
كيراتين كيور الاسم الاول في عالم الكيراتين البرزايلي الاصلي

سيوِوِف
سيوِوِف
العفو اختي موفقه يارب

أهات السكون
أهات السكون
الله يعطيك العافيه ويجزاكي الجنه
ويغفر لامك وجميع المسلمين
انا حبيت خلطتك مره بس بالنسبه للحبوب لازم واذا لازم كم اسعارهم و كيف يعني اخذ حبه واحده من هير دال مثلا واليوم الثاني النوع الثاني والثالث النوع الثالث كذا تقصدين,وبالنسبه للشامبو كم سعره ومايجفف الشعر لاني انا لازم بلسم عقب الشامبو
وزيت الحبه السوداء وش اسمه ,واخر سوال ازعجتك ينفع مره بالاسبوع
وشكرأأأأأأاا
والله يكثر شعرك ويطوله وبنات المسلمين وانا بعد

سلة كرز
سلة كرز
مشكوره

سيوِوِف
سيوِوِف
اختي اهات السكون .. حياك ربي لاو ش دعوه اسألي اللي تبين انا حاضره لاي سؤال
.. بالنسبه للحبوب الفيتامينات والزنك تقريبا سعرها 20 ريال اما كبسولات زيت جنين القمح 15 ريال وهي تراها مصريه من شركة سقاله للادويه ..
حبوب هير دال ب 77 ريال
وهذي صورة حبوب هير دال
هذي حبوب الفيتامينات مع الزنك واسمها Stresstabs
وهذي صورة كبسولات زيت جنين القمح
بالنسبه للحبوب ايه مهمه لان شعرك اذا هو يتساقط فاكيد مايوصل له كميه كافيه من الفيتامينات والزنك اللزم له ولنموه ..
اذا بتستغنين استغني عن هير دال بس اما الفيتامينا مع الزنك وكبسولات زيت جنين القمح هذي مهمه للشعر ولنموه
بالنسبه للشامبو سعره 45 ولا مايجفف الشعر
وهذي صورتة
واذا انتي شعرك جاف مو مشكله تستخدمين على اطراف الشعر بلسم بس لاتحطينه على الجذور ومنابت الشعر لانه يزيد المشكله ..
ولاتستخدمينه اكثر من مرتين بالاسبوع
اذا انتي تستخدين كريم بعد الاستحمام استبدليه بالسيروم او شوية زيت زيتون حطيه ع اطراف شعرك دلكي فيه شعرك بس شوي مو تغرقينه مرره
بالنسبه لزيت الحبة اسوداء مكتوب عليه زيت خلاصة الحبه السوداء القصيميه من انتاج بن منقاش للزيوت الاصليه
وهذي صورته

سيوِوِف
سيوِوِف
سلة كرز حياك ربي ياعسل ..

أم المفهين
أم المفهين
بالتوفيق
اللهم صل على نبينا محمد

ʚϊɞ άl-jόŕεy&#
ʚϊɞ άl-jόŕεy&#
نجرب ونشوف =)
موفقه غلاي

نـوفْ
نـوفْ
ياعمري تجربتك مره مفيده الله يجزاك كل خير ويفرحك
البيض ياقلبي يقولون مو كويس للشعرر لان فيه بكتيريا ما تموت الا بالطبخ ف ما ادري اخاف تنضّرين منه

ضروري ضروري ضروري تدخلو
تهي تهي ابي أغير ستايلي وشعري الأسود موراضي يصبغ تهي تهي الصبغات متبريه مني