دليل الشركات والاماكن. فالويب | ريبوتا


المسافرون العرب




ساعدوني بترتيب شقتى

تيرز اوف جوي تيرز اوف جوي
ساعدوني بترتيب شقتى
10-11-2014 - 12:40 am

سلام

انا والده لي شهر والله لايوريكم صرت اهمل بيتي مره مره

انا بشقه صغيره وعندي ولدين الاول عمره سنتين وشوفو انواع الحوووسه

البيت مكركب وسخ

المطبخ مايندخل الارضيه والمواعين ومو مرتب

الحمامات وانتوا بكرامه وسخه

الغساله مليانه ملابس

عجزت انظم وقتي اغلب وقتي مع البيبي

لاتقولوا وسخه والله ماكنت كذا بس تقدروا تقولو البيبي اخذ كل وقتي خصوصا الليل ماسكه بكااااااااااء

عطوني حل




المشاركات

&& ريــتــال && && ريــتــال &&
ساعدوني بترتيب شقتى


انا من رايي تجيبين لكـ شغالتين اللي بالساعه
وتخليهم ينظفوا البيت كله من الى

وبعدها تحافظي على نظافة بيتكـ وكل شي تنظفينه بوقته

مثلا طبختي غسلي الاواني اللي استخدمتيها قبل التحضير واول ما تخلصي من الاكل غسلي الاطباق..
الملابس برضه اغسليها يوميا ولو قطعتين بس عشان ماتتراكم عليك..
الارضيات خذي لك الممسحه العجيبه راح تريحكـ ..
الحمامات اول ما تصحي من النوم اغسليها ..

طبعا حابه انبهك الرجال مايتحملوا اهمال الزوجه لنظافة بيتها ولو ماتكلم
زوجي مره كنا عند اهله وكان المطبخ كله مواعين بعد الغدا قام يقول نظفوه وش ذا الحوسه
قالت له امه تو تغدينا الحين بنظفها
لكن هو متعوود انظف اول باول واذا مشغوله مره اجمعها في المغسله وامسح الاسطح واول ما افضى ارجع لها..
اتمنى اكون افدتكـ


حروف من نور حروف من نور
ساعدوني بترتيب شقتى


الله يكون بعونك ويحفظلك اولادك
ممكن مثل ما قالت الاخت في البداية تجيبي شغالة بالساعة وبعد التنظيف الكامل دورك تحافظي عالنظافة
الحل الثاني انك تبدأي اول باول الشغل مثلا
بربع ساعة تنظفي الحمام
وترجعي لولدك
وبعدها اول ما تشوفي نفسك فاضية مع نومة البيبي ترجعي تعملي شغلة ثانية وعلى هذا الحال لمدة اسبوع بتشوفي كيف بيتك صار مثل الفلة


عسل فراوله عسل فراوله
ساعدوني بترتيب شقتى


طيب انتي شوفي الي عندهم اكثر من طفل وش يسوون وانتي واحد واحايسه قرري من الحين تقولي انا اقدر وراح تقدرين وكثري من الا ستغفار والله يساعدك


shineegirl shineegirl
ساعدوني بترتيب شقتى


الله يعينك صرآآحه اشتري لك غساله مواعين ووخلي احد يجي يساعدك هالايام وان شاء الله في المستقبل رآآح تقدري تنضمي وقتك والله يوفقك يارب ويسهل لك


2010منال 2010منال
ساعدوني بترتيب شقتى


لالاتتحطمين قلبوو

لانك ام جديده هع << حلوه مو

اقصد المسئوليه جديده عليك

شوي شوي بتتعودين لا تخافي

اذا تقدرري زي ماقالوا الاخوات

او كل يوم امسكي غرفه

لمده اسبوع وبتخلصين ان شاء الله


عشووقهـ عشووقهـ
ساعدوني بترتيب شقتى


عزيزتي استعيني باحد الشغالات اللي بالساعات ..
عشان تقدري تنظمي نفسك من جديد ..
وتحافظي على النظافة ..
واذا ماتقدري نظمي لك جدول >>بورقة وقلم وثبتيه على باب الثلاجة ..
وكل يووم امسكي لك شغلة حتى تخلصين من التنظيف كامل ..حتى لو بعد اسبووعين ...

وربي يكوون بعوونك ...


ع ـــذوـــب ج ـــدة ع ـــذوـــب ج ـــدة
ساعدوني بترتيب شقتى


المشاركة الأصلية كتبت بواسطة عسل فراوله
طيب انتي شوفي الي عندهم اكثر من طفل وش يسوون وانتي واحد واحايسه قرري من الحين تقولي انا اقدر وراح تقدرين وكثري من الا ستغفار والله يساعدك
طيب هي عندها طفلين الله يعينهآ , آلكبير ابو سنتين لسه يعتبر هو براسه بيبي

ليش ماتنفستي فبيت اهلك :( لسه توك لك شهر اللي زيك يكون منسدح ع السرير مرتآح فبيت اهله , بس يالله لك الاجر ان شاءالله

المهم إذا مآقدرتي تجيبين شغآله مثل ماقالولك بآلسآعه ..

امسكي عيآلك وروحي عند اهلك من بدري وقوليلهم واعطيهم خبر من اليوم الي قبله انك بتخلين عيالك عندهم وترجعين تنظفين بيتك واذا عندك اخت تكون متفرغه تروح معآك

اول شي تسوينه تدخلين الحمآم وانتي بكرآمه وتآخذين الغسيل وتغسلينه واختك بالمطبخ مثلا وتغسل المواعين وتخلصها وتمسح المطبخ وترتبون الثلاجه وتشوفون وش تبون ووش ماتبون

ترتبين غرفة نومك اكيد بتكون مكركبه مع اغراض البيبي الجديد

واتوقع الباقي كله سهل اشياء مكركبه بالصاله او الغرف تشيلينها اغراض مالها داعي ومانتي بحآجتها جمعيها بكيس ولاطلعتي من بيتك ارميه

ارجعي لغسيلك , نشفيه ونشريه ولو لزوجك في ملابس الافضل يكويها برا لانها متكومه

وملابسك تبع البيت مولازم تكوينها , لانه الوقت مايسآعدك بس اهم شي تطبقينها زين

وتتسآعدون انتي واختك وترتبون هالدولايب

تنظفون الحمامات مآبيآخذ وقت

وهكذآ يعني .. فـ آخر شي ماتطلعين من بيتك إلا انتي مبخرته

إذا اهلك مو بنفس منطقتك , سوي كل هالخطوآت وعيآلك نآيمين حآولي تنوميهم مع بعض عشآن تتفرغين للشغل

وصدقيني اذا شفتي بيتك كيف مرتب ويفتح النفس انتي ماراح تتحملين تشوفينه معفوس وحالته حاله
راح تشيلين كل شي اول بـ آول ..

وانا وحده لاني متزوجه ولا شي وماني متعوده ع الشغل من خلقت والخدم عندنا

بس لما سآفرو .. كذآ كنت اقسم الشغل وارتب نفسي وكل شي يكون اول بـ آول مع انه تجينا وحده ساعتين إلي 4 سآعآت يوميا

وتحملي هالقرقره هع


قنديل الامل قنديل الامل
ساعدوني بترتيب شقتى


الله يكون بعونك واحد ونحتاس ونقعد بلاايام محتاسين
اجل كيف اثنين وصغار يعني كانهم توام
اصبري حبيبتي لغايه يكبر الولد شوي ويروح المغص عنه وتقدري تنظفي بيتك
او انك تجيبي شغاله تروح وتجي تنظف لكي البيت حتى يكبر الولد وتقدري تعتمدي على نفسك في تنظيف البيت
مافي حل غيره
ياتصبرين على البيت وقربعته ياتجيبي شغاله


لؤلؤة البنات لؤلؤة البنات
ساعدوني بترتيب شقتى


الله يعينا واياك


موضوع مغلق

تم غلق المشاركة على المواضيع القديمة، ولكن يمكنك فتح موضوع جديد للمناقشة او الاستفسار والمشاركة.


Share

ساعدوني بترتيب شقتى




بشرى سارة لكافة عضوات ورواد منتديات العرب الفراشة حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق elfrashah.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وسوف يتم نشر 500,000 ألف موضوع 5,000,000 مليون مشاركة وأكثر من 2,000,000 مليون صورة ما يقرب من 5,000 GB من المرفقات وهي إجمالي محتويات منتديات الفراشة للاستفادة منها والتفاعل معها كحق اساسي لكل عضوة قامت بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, منتديات الفراشة على Facebook