الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
وصف مشاعر@
18-12-2022 - 02:24 am
السلام عليكم ورحمة الله وبركاته أخواتي القارئات يسعدني ويشرفني مشاركاتكم وآرائكم
وسوف أعيد قصتي من جديد وأنتم الحكم....
وأشكر صديقتي (سماخير) فهي التي شجعتني ووجهتني فجزاها الله عني كل خير.....


التعليقات (9)
لبنانية متميزة
لبنانية متميزة
• •
::.:: ::.::
..
بإذن الله نتابع هنا ^^
..
. , ,
,,
• •

وصف مشاعر@
وصف مشاعر@
'.'..' .'.كما تدين تدان'.'.'. !
{مَنْ عَمِلَ صَالِحاً مِّن ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً
وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ * }
تدور قصتي عن إستهتار شاب مغرور بنفسه!!
أسلسلها وسوف يفهم القاريء عندما يتوسط القصة
ماذا أعني وأكتفي بهذه العبارات و حذفت مقدمتي حتى
يفهمني القاريء بالتدريج ولا أريد حرقها تفضلوا معي
يسعدني ويشرفني رأيك أختي سماخير ..
قصه من خيالي مقتبسه من الواقع رتبت كلماتها من صميم القلب
وأيضاً لا أنسى أشكر الدكتوره عزه على تشجيعي في عام1423ه
فلها مني التحيه والمعزه والشكر والتقدير والإخلاص..
أبطال الحدث جمانة و سعودوساره
وأب لايستحق أن يكون أب
الاسم عبدالله
(تزوج من إمرأة ميسور ة وصبورة نعرف في نهاية القصة على ماذا صبرت بل سنعرف في أوائل صفحات القصه أنها إمرأة رأئعةٌ جداً
وتستحق أن تكون أم بمعنى هذه الكلمه الساميه)
****الفصل الأول****
--تقول جمانه لدكتور فهد بعد تردد--
أنا ما اذكر بالظبط متى جيت عند أمنا ساره
لكن اللي أذكره بس أني أول ما دخلت عليها
وأنا مفجوعة يمكن يكون عمري 5سنين وشوي
أهم شيء كنت أشوف بنات كثير وأختي نرمين كانت
في اللفه ما أدري كم عمرها
وأخي سيف كان يمكن 10سنوات
اللي أذكره كنت ماسكه فيه ومغطيه وجهي وأبكي
ومرعوبه وهو حطنا وراح تخيل يادكتور
فيه أب يرمي أطفاله بهذه الطريقه دون ما يتأكد هل قبل أولاده
أو رفضوا هذه العائله الجديدة،،،
(الله يسامحه)
((شكله واثق من اللي حط فلذات كبده عندها))
أذكر أنها ودت سيف عند البنات وقالت:
وسعوا صدره وعطوه العاب وأخذتني
وودتني لمكان جنان وقطفت ورده وعطتني وقالت:
%% وش اسمك%%
أنا كأني إطمئنيت ،،،
بكيت أقل من أول وقلت عاوزه ماما ياطنط..؟
%%قالت:أمي ساره وشو!!!! وش قلتي حبيبتي %%
طبعاً إستغربت لهجتي؟؟؟
لكن عدتها ما يهمها ...أميره في أخلاقها ...؟
وضمتني ،
وبعدها ودتني في غرفه حلوه مره أذكرها العاب،
وجلست تقرأ علي حتى نمت وبعدها من إسلوبها حبيتها،
ونسيت أمي وأبوي كمان؟؟؟
طبعاً حنا من عائله تعتبر ثريه
أبوي يرسل لنا مصروف حلو وهي تصرف علينا بالمعقول وكانت تخاف
علينا لدرجه الوسواس
حنا كنا نبي كل وحده في غرفه لوحدها ترفض دائماً
مع أن البيت فيه 22غرفه تحت عشر والدورالثاني 7وفي السطح خمس ،
وأزيدك من الشعر بيت عندها حديقه زينتها هي،
ورعتها بيدينها الطاهرتين،
وما كانت تبخل علينا تغير أثاثنا كل سنه بس بشرط ما تبذر،
ولا ترمي تصلح وتشتري على كيفنا وتعطي الناس الأثاث،
وتتصدق كمان وأحياناً تقول:
يابنات أبي لكم مستقبل مو تصرفون الآن
ولما تكبرون ما تلقون شيءوكمان اخواني الصغار ينامون عندها
في جناحها الخاص
وحنا من المدينه المنوره ولا نعرفها !!!
لكن أبوي تاجر ولا أدري عن تجارته لأنها ما تحب نذكره
لا في خير ولا شر هي كذا قالت ،،،
وكانت هي وأبوي يتنقلون من ديره إلى ديره حتى إستقروا في الشرقيه،
وجاورت خالتي صفيه صارت لها أروع صديقه لو لا الله ثم هذه الصديقه
ما أدري كيف كانت تتصرف هي كذا قالت..............
هذه مقدمه خفيفه من قصه طويلةٌ جداً!!!
وإليكم القصة
يقول عبدالله:
عزيزتي سارة لي معك سنوات وما عندي ريحة طفل!
أنا عطشان لبيبي واحد منك؟
سارة؛أصبر ترى ماهو بيدي ولابيدك وش تبيني أسوي ؟
عبدالله بصراحة أبي عيال لاتزعلين إذا أعرست!
--المسكينة تخفي دموعها فهي مثل باقي النساء لها إحساس وغيرة؛--
--بعد حوارهم هذايختفي عبدالله ثلاثة شهور،
وساره مرت بوعكة صحية، وأتت لزيارتها جارتها صفيه وقالت:--
سلامات وش فيك ياخيه لازيارة ولا أشوفك مع جاراتك؟
سار:أنا تعبانه مدري وش فيني عندي غثيان ودوخة وما أشتهي الزاد وزوجي مختفي .
له ثلاث شهور وأنا ما أقدر أعلم عليه أخوي شرير يذبحه،
وأنا أحبه لو يحرقني.
صفيه:خلي عنك هذا الحكي وامشي أنا أوديك الدكتور
والله أنك متغيرة شفتي نفسك مختفية يله إجهزي
وأنا أروح لزوجي وأطمئن على توأمي!
ساره: مين ؟؟؟؟؟ ولا ميار،وماجد؟
صفيه:ميار وماجد ولا الكبار ما عليهم عندهم مدرس يراجع لهم؟
ساره:وش أخبارهم ليتك جبتيهم معك؟
صفيه:يسلمون عليك حطيتهم عند أمي
وجيت أشوفك خلاص اجهزي.
ساره:الكبار الحين كم أعمارهم والصغار الله يعينك من جد كيف تلحقين؟
صفيه:الكبار عشر سنين؟
وماجد وميارسنتين!
يله خلينا نروح نطمن عليك
وبعدين أجيب لك توأمي يخربون عليك؟
--وذهبا لدكتور محمد وقال لهم:--
يمكن تكون أختك حامل بدكن فحوصات لازم في المشفى عنا مافيه إمكانيه!
سارة:الله يجزاك خير حولنا
د/محمد بإزن الله رح أحولكن للمشفى الحكومي أفضل وتريدون أنا أتابعها مافيه مشكلة لكن كل شي عنا غالي هيك بده مديرنا؟
--فز أبوسامي متبرعا وقال:--
أنارقبتي سدادة جيراننا وصديقة زوجتي من زمان صح صفيفي،
صفيه :تكرم حبيبي طول عمرك شهم
سالم:عشان عيونك تكرم مدينة.
--وأنا أقول يازين من يكتمل فيه الزين الشهامه والرجوله والحنان والرومانسيه؟؛وقالت صفيه:--
طلب صغير ودي تسأل عن زوجها جارك عبدلله هج وخلاها
بسبب أنه يبي عيال والدكتور يقول يمكن تكون حامل وش رايك؟
سالم :وأنا أقول وين ذا الجار لا سيارة ولاحس ولاخبر إخس ع الرجال خلاص روحي لها وخليك جنبها.
--صفيه ذهبت لساره وقالت:--
ها يا قلبي وش أخبارك خلصنا يله نروح البيت
سارة:ما قال لك الدكتور وش فيني أنا قالي إن شاء الله خير.
صفيه:يقول احتمال حامل.
سارة: معقولة بعد ذا السنين ولما يختفي عبدالله
والله لو يطلع من جد لأعطيك هدية!
صفيه:الله على كل شيءٍ قدير.
--رجعوا لبيوتهم وسارة عايشه بوحدة تتألم وتقول:--
%%كيف حصل ومتى،،يارب لك الحمد؛%%
--والخبر يتأكد وتساندها جارتها الوفية حتى الأخير،
وتمر الأيام ويأتي حضرة جناب عبدالله
مُفاجئة قائلاً:--
صباح الخير ياروح الأمل ما بينك وبيني!€
--ساره باستغراب وتعب لأنها على وشك—ولادة،وقالت:--
مين عبدالله وينك؟
أناباقيه على العشرة وصابرة ولا كنت علمت أخوي بس خفت عليك منه؟؟؟
وليه تتركني في ذا الدنيا الواسعة لوحدي ليش؟
أنا وش سويت ووش ذنبي اللي أقترفت؟
عبدالله:سامحيني وانت دائماً الأكرم
وتكفين فكيني من أخوك لاتفقدين واحد فينا
وبعدين وش فيه بطنك منتفخ؟
سارة:سؤالك غبي ويجرحني!
عبدالله: آسف يا عمري لاتكوني حامل متى وكيف ومني؟؟
--ساره بكت وقالت:--
%%صبحك يدوم لنا
أنت متى تركتنا
عسى الله يصبرنا
وبالحب حنا ابتلينا
تكفى لا تتهمنا
والله في غيابك ما خنا
ولا في فرص تعاونا
حرام عليك تجرحنا
وبكلامك القاسي تأذينا
ولا ترى بعدك يساعدنا
لكن نخاف من اللي يراقبنا
وهو كفيل يعاقبنا%%
--تقول آبياتها وهي تذرف الدموع وتتألم.
دم ينزل على ملابسها لا تعرف أنه هو المخاض؟،وقال:--
آسف يا حياتي والله ما أقصد بس حملك جا متأخر
وأنا شكلي غلطت وأبي منك العذر وشكلك عندك ولادة أوديك المستشفى؟
سارة:آه ،ياعبدالله بطني يوجعني،،،
مدري وش رايك تروح لأبو سامي أبي أم سامي تعودت عليها!
عبدالله:لا يا روحي أبي أوقف معك أنا مايكفي أني أهملتك شهور غصب عني؟
سارة: ليه وش اللي حادك تعذبني؟
عبدالله: بعدين أقولك وسوي فيني اللي يرضيك
يا بعد كل من لي!
لغز اليوم: عبدالله يريد أن يخبر ساره بحدث ومتردد !
ماذا يريد أن يخبر ساره وهي لا تفسح له المجال؟؟
الحقوق محفوظه؟؟؟؟
عند رب العالمين
قصه تحكي عن سارة وجمانه شخصيات تعجبني
كتبتها في 5/10/1430ه تقريباً //للكابتة///وصف مشاعر؟؟؟؟؟؟؟؟؟؟؟
وقريباً سوف أشرح لكم إشاراتي أو علاماتي الترقيميه

وصف مشاعر@
وصف مشاعر@
جواب الحلقه الماضيه:-
(عبدلله يريد أن يخبرها بتعدد زوجاته ولديه بنات ولكن هي لا تعطيه فرصه)
********
عبدالله: بعدين أقولك وسوي فيني اللي يرضيك
يا بعد كل من لي!
من السابق
****الفصل الأول****
*****الحلقه الثانيه*****
--لا يريد أن يسم بدنها بخبره التعيس لأنها تعبانه جداً وذهب بها للمستشفى ورزقهم الله بفتاه نسخة مصغرة منه
{سبحان الله}
حتى لايرى حبيبته مثل طبعه... وقال عبدالله:--
الحمد لله على سلامتك يا مهجة قلبي
--وفي نفسه يقول:--
ليتني صبرت ولا سمعت كلام صديقي وتورطت!
سارة:الله يسلمك جتك بنيه عساك تكون سعيد!؟
عبدالله:إيه يا روح قلبي وش نفسك فيه أطلبي تدللي أجيب لك لو تبين طيارة!
سارة:ما عندي إلا طلب واحد،،،
لاتخليني أعيش بدونك!
يانور عيني؟
--عبدالله لا إجابه... وأنزل رأسه ينظر إلى الأرض،وقال:--
سارة ما تستاهليني بس وش أسوي باللي إقتحموا حياتي؟
--وتمر الايام سريعاً...يغيب إسبوع ويرجع بكذبة...ويقول:--
عندي عمار وعمال لازم أسافر وتتحملين؟
--كذب سنة سنتين ما تحمل فهو يريد مساعدة.
وساره صار معها سوسن وسلوى وسامي طبعاً بسامي ولد صفيه اللي كانت لها أكثر من أخت
آتى الأخ في يوم من الأيام،،،وقال:--
أنا عازمك تصرفي مع عيالك!!
ساره:أفآ وأنت تدخل مثل الحرامي وتخرج مثل اللص ماندري عنك،،،
ووين أودي عيالك أنت ماكنت مجنني عشانهم!
عبدالله: بس أنا ودي بخلوه بعيد عن أجواء البيت والأطفال...
ودي أبوح لك بسر..
--وقلبه يخفق بقوة--
سارة:ما فيه إلا أم سامي الله يصبرها علي!
-- وتمت ليلة وكأنه يودعها،،،قالت ساره: --
قول سرك لأن عيالي عند جارتي يكفيها عيالها.
عبدالله:أبوح لك وتسامحني سبب هجري شهور وإهمالكم سنة.
سارة:بالعكس أنت ما أهملت تودي وتجيب وتشتري كل اللي نفسنا فيه بس شوي تغيب
وأنا عاذرتك بسبب شغلك.
--المرأة مسرورة بالدعوة التي لم تأتي الابعد سنةو شهورو6ايام--
عبد الله:قلت لك ماتستاهلين رُجل مثلي أنت تستحقين أفضل مني؟
سارة:بسم الله عليك وش صاير معك خوفتني فيه رجال يقول لحبه مثل هذا الكلام الله يسامحك.
عبدالله:أنا غلطت وتماديت في الغلط!!!
سارة:عفى الله عنك ياعمري يعني وش، كل الناس تغلط بس أهم شي تتوب.
عبدالله:شوفي ياساره أنا بأقول ولوحسيتي أنك مارح تتحملين ممكن ننفصل،
وتلقين أحسن مني بكثير لأني من جد ما أستحق تضحياتك وبأظل حامل جميلك على راسي ماحييت!
--وطاح على صدرها ويبكي وينشج مثل طفل ضال،،،قالت:--
حبيبي أنا مسامحتك وأنا كريمة.
--وقلبها يرجف من الخوف وتقول في نفسها:--
%%وش فيه الرجال؟ وش سره ووش سوى
!!ممكن قتل%%
--وجلست ضامه رأسه وتبكي معه--
--وين يا الخبلة--
--وصف مشاعر تعتذر على اللغة:قصدها (ماهذه البلاهه ياساره)--
--عبدالله رفع رأسه ومسح دمعاتها وقال:--
أنت كريمة وأنا ما أستاهلك ياست الحريم اللي عرفت؟؟؟
--يريد بعبارته هذه ((الحريم اللي عرفت)) تفهمه ولكن هي باقي مشوشة
--
--قالت أختنا ساره:--
تكفى إحتفظ بسرك لا يفرقنا لأني ما أقدر أستغني عنك مهما سويت أحبك وهذا شعوري الآن،
وترى أخوي طردني بسبب أني كنت أدافع عنك...
قلت له: خلي أبو سوسن في حاله زعل مني،وقال:
كلما جيت عندك مالقيته وش فيكم ليه دايم خارج المنزل؟؟؟
وفي يوم قلت خليه في حاله ما علينا فيه...
زعل مني وطردني من بيته وما لي غيره وأمي الغاليه.؟؟؟
--عبدالله قاطعها معترفاً:--
حبيبتي ساره اسمعيني للنهايه وإذا ودك تكملين معي في عيوني,
وفي قلبي ولا أزعلك أبداً واسمع كلامك مثل قائدي،،يأمرني وأنفذ؟
--ساره قاطعته،وقالت:--
خوفتني أكثر شكلك مصمم تكفى لا تصدمني؟؟؟
عبدالله:عندي عيال!!!!!
و زوجات!!!
مابقى على ذمتي إلا إثنتين!
--ساره شبه جنون تدك عظامها مع زغلله في النظر وتنظر اليه بدهشةٍ وعينيها تجف حتى الحرقان--
---أنا عن نفسي شعرت بألمها وصعقت لصدمتها ولكن هي كانت السبب---
-- وحدث بعد ذلك،،،،صمت رهيب مافيه الا أصوات قطرات الماء المزعجه؟--
ساره:وبكل هدوء رجعني لعيالي!
--عبدالله بدموع غزيره:--
سامحتيني ولا ما أستاهل؟
--ساره صدمة قوية أعصاب تخفي مشاعر، ذهبوا لأولادهم--
صفيه:يا هلا ومرحبا نيمتهم بسم الله عليهم.
--ساره تتكلم وتتألم بشده،وتقول لصديقتها:-- الله يجزاك خير...وينهم؟
صفيه:وش فيك كأنك غير راضيه،،،
خليهم نايمين لا تزعجينهم خليهم ولا قاموا جبتهم لك روحي وسعي صدرك؟؟؟
--ساره أخذت أطفالها بصمت غريب على صفيه وذهبت الى بيتها ولا كلمة واحده؟
ذهبت بأطفالها إلى غرفهم ولازمت سجادتها تقرأ وتركع وتسجد وتتلو وتردد قوله تعالى:--
{إن مع العسر يسرى} يارب دلني الطريق الصحيح ...
--عبدالله دخل عليها وسمعها وحزن لما سمع دعائها الصامت !!!
كلما دخل عليها وجدها على ذا الحال مايقارب ساعات؟قال:--
أنا آسف ياليتني ماعلمتك,,,,,,
ياساره أرحمي نفسك وارحميني والله لا أنفذ اللي تبين بس ارفعي راسك
وردي علي ، وش هذا؟؟؟
(دم) !!من وين يابعدهم كلهم أنا السبب يله أوديك المستشفى.
ساره:روح بس هذا دم قلبي خله يطلع لاينحرني ويحرم أطفالي مني! اللي أنتظرهم 8سنوات؟؟؟
حتى لو كانوا منك أحبهم
عبدالله:طيب سامحيني وش أسوي وأرضيك
ساره:أبعد واخرج من حياتي واتركني مع بنتيني وولدي أعيش معهم في ذا الفضاء الواسع!
عبدالله:عاتبيني عاقبيني سوي أي شي اذبحيني أنا راضي!
ساره:بس ودي أسألك كم عندك عيال؟
عبدالله: تقريباً!؟؟
ساره:حسبي الله ،كل هذا وما حسيت كيف ومتى وين انا عايشه على ذكراك
ياليتني علمت ابو شنب الحين ما اقدر بيقول تستاهلين ويحرمني من عيالي؟
ومين يتمت من عيالك!
عبدالله:كيف ؟؟
مايتيمت أحد سمر ماتت طبيعي ما موتها أنا
والباقي أمهم وأبوهم عايشين.
ساره:
......
عبدالله:أنتِ قلتي مهما كبر خطئي فأنتِ مسامحتني وأنتِ كريمة؟؟؟!
ولا ماتشوفين أني أستاهل؟؟؟؟
****الفصل الثاني****
سارة: أنت تشوف أنك تستاهل؟؟؟؟
5 حريم وأنا ما أدري ياجبان,,,,
مارح أعتذر طول عمري معك مؤدبة مافاد,,,
وأنا الآن باكون لعيالي ما أبي أكون معك زوجه أرجوك تطلع بأدب بدون أبو شنب؟؟؟
عبدالله:خلاص لك ذلك!
ماودك تفكرين !! !!
أطلبي مني شيء يسعدك طول عمرك؟؟؟
ساره:شي واحد فقط,,
هو،،،لا أشوفك واصرف على أطفالك وهم معي وتعال عندهم كزائر أنا ما أبي أشوفك أبداً......؟
--والقلب ينزف ألم ولم يظهر عليها تتظاهر بأنها الأقوى--
--عبدالله وهو يبكي بحرقه قال:--
بااعطيك هذا البيت لك ولعيالك وش رايك
ساره: ما يخالف بس بعدك عني خله سر بيننا؟؟؟
عبدالله:طيب بس إذا؟؟؟؟
-- متردد --
سارة:قول وش تبي ترى القلب ماعاد مثل قبل ؟؟؟؟
عبدالله: اطلب منك طلب بس بكيفك ممكن ترفضين!!
سارة:هات أتحفنا !
--وهي رافعه حاجب المنتقم المسكين.--
عبدالله: وش بلاك ماكنك ساره اللي أعرفها؟؟؟
ساره: هو أنت خليت فيها ساره أخلص علي أطفالي قاموا أسمع حسهم .
عبدالله:عندي تسع بنات ما تحملوهم حريمي فضطريت أوديهم عند أمي وأمي ماهي قوية بالحيل وش رأيك؟؟
طبعاً مع شغالاتهم عشان ما أتعب أحد فيهم وأمي بعيونها ترعاهم .
سارة : وش القصد ترى أنت مالك خاطر عندي
عبدالله:أبي قلب حنون يضمهم ويعلمهم تعاليم دينهم الصحيحه؟
ساره:ليه قالوا لك أنا معلم؟
عبدالله:وسيد المعلمين؟
ساره:وين أمهاتهم؟
عبدالله:أم ريم توفت وسمها سحر،وجابت لي أربع بنات؟
ووفاء طلقتها وجابت لي أربع بنات منهم سجى،وشذى توأم طبق الأصل؟
أكيد بيعجبونك؟
ساره:أحب التوأم من زمان بس ما الله رزقني وما عاد أبي منك أحد؟
عبدالله:والثالثه إسمها سلاف كرهتني من أول يوم لأني رفضت أسكنها في الرياض في العليا وحضرت جنابها تبي كاديلاك وفيلا بإسمها؟
عموماً أنجبت البارح
(بنت حلوونه)
وحنا شبه منفصلين ما جلست معي الا إسبوع ما جا بحق السفر وخسايري
جبتها من قريه وجتني فارده عضلاتها الله يهديها،
ويعوضها حلو مثلها؟ (مثل ما قالت)
تخيلي تسع بنات أعمارهن قريبه وهاذي مولوده،،،
مدري وين أروح بهن وأنا مشغول؟
ساره:تصدق قلبي خفق لهن!
ولا أنت مالك خاطر عندي؟
عبدالله: من جد أجيبهن عندك! ؟؟
وأجيب شغالتينهم,,,,
وأجيب لهم مربيه عشان تساعدك في مذاكرتهم,,
أعرف مصريه وزوجها مره كويسين ومتدينين وهم ما يردون لي طلب جايه خياطه وزوجها سواق كبير في السن ويخاف ربي؟
فكرت فيهم يساعدونك وش رايك؟
والبيت واسع بس بأخليه بإسمك,,,,
وعشرة ألاف توصلك كل شهر غير عن رواتب الخدم ,,,
ومصروفك اللي تامرين عليه من خمسة الى مليون ومصروف عيالك الوحده مثل إخوتهم عشرة ااألاف.,,,,,
--وحدث صمت رهيب،وساره مندهشه مما قال؟وقال عبدلله:--
وش فيك ردي!!!
ضايقتك جعل قلبي يضيق دامني تسببت في ضيقك,,وضيمك..
سارة:متى صرت مليونير وحنا غافلين لكن ما تنلام اللي يخون يقدر يخبي!!!!!
وبرأيك إذا قبلت بهذا كيف ماتخاف على أطفالك أني أنتقم لهذه السنين,,,,,
وبعدين كيف تصرف على 3نفس 9 ماتشوف أنك ظالم ومجنون .....
عبدالله : لا ياعيون عبدالله لأجلك تهون,,,
وبعدين أنا واثق فيك أنك تقدرين تتصرفين
وقلبك يحب ولا يمكن أشك فيه أنه ممكن يطعن..
سارة أقول: أها بس هين...
--وقالت:--
خلاص غابت لذة الصبح وياه .. بل بالعكس أنتظر حتى أمِل و‘‘أنام’’
لكن صباحي كان غير كيف بعدك أصبح؛؛؛؛؛
الله عليك أقوى ،،،،؟ولا الله يسامحك.
و يخون | فيني | تعبيرك ،, حبيبي ،،
ماعاد بعدك حبيب
بأرعى عيالي وبناتك وأعيش من أجلهم وعسى في الجنة عيشي يطيب..
--قال عبدالله:--
صباحي أنت مو غيرك ،،،،،كل يوم ذكراك عني ما تغيب,,,,,,
حتى لو عندي ألفين ""حبيب""
--ساره تنظر بعين حاده وفي ضميرها تقول:--
&& شاعر وكذاب تكذب علي هذه السنين والله ما أعاتبك وماتستاهل مني عتاب&&
عبدالله: قلت لك يابعد قلبي ما أستاهلك
وبحس بقصور طول عمري شايل لك جميل مدى الحياة.
سارة:ليتك تمشي من قبالي وهذا بحد ذاته جميل..
***************************************
---وتمر السنين---
--وساره أم ل 11طفل لافرق بينهم في الحب والعمر ..
وكل شهر عبدالله يمون؟؟؟
يأتي بطفل ويزيد في المصروف!!!!
--ساره سعيده وتنتظر كل شهر كأنه مكتوب لها تعيش مع الأطفال سعيده ولا تأبه بكلام صديقاتها الناصحات--
وبعد مرور8سنوات=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-
صفية:سعود حبيبي متى تبي تعقل وأزوجك أخواتك وإخوانك أعرسوا الا أنت وأخوك متى أفرح فيكم وأطمئن ويرتاح بالي.
سعود:أمي الحبيبه كل ما أجي عندك تطرين زواجي!
صفية:قلبي ودي أطمئن عليك.
أنت ما أدري عن حياتك الا شيءٌ قليل
وأخوك خارج الدوله يدرس مدري دراسة ولا ؟؟
سعود:حبيبة قلبي لاتشغلين بالك فينا أهتمي بصحتك وهذا يهمنا؟؟
صفية:يا سعود أنت تدري كم صار عمرك؟
سعود:عادي يالغاليه وش استفادوا أهل العوايل؟؟؟
صفية:سكن وأطفال حلوين مثلك ومثل اللي في بالي؟؟؟
سعود:الله يخليك أنت الأجمل ومن اللي في بالك
أمي لا تحرجيني مع أحد ؟ ،
وأنا بصراحه ما أحب الحريم!!!!
صفية:ليش؟؟؟
سعود:ماهن وفيات ؟
صفية:لا يا ابني لا تحكم على كل الناس وأنا وفيه وصديقتي أكثر مني وفاءاً ،،
و والله أنها أشد حاجه لكل شيء
ماعمرها خانت وزوجها كان غايب عنها شهور طوال ومرة غاب 9شهور تقريباً
ماتطلع ولا تكلم أحد إلا أنا ولا كان فيه وسائل مثل التلفون أو جوال،،،،
تخيل تمرض ما تجيني لما أنا أجيها ومره من المرات جيت وهي شبه ميته...
قلت لها ليش ما جيتيني ولا أرسلتي علي ولد الجيران؟؟
قالت مستحيل أطلع وزوجي مايدري عني....
قلت:لها طيب أنت تعبانه وهو مادرى عنك حسبي الله عل،،،
ماخلتني أكمل وقالت أنت أعز الناس بس رجاء خاص لاتجيبي سيرته بسوء ......؟
قلت هذه الوفية صدق.....
سعود:أمي بالله عليك وين ألقى مثل هذه المرة....
صفية:فيه كثير بالذات اللي تحت تربيتها؟؟؟؟!
سعود:كأني عرفتها،
--وضحك ضحكةً قوية--
صفية:إذن سهلت علي المهمة....
سعود:أبشري يا لغالية،والآن إسمحي لي ودي أروح أنام عشان عندي
عمل في الرياض بس اشتقت لك قلت أجي أشوفك وأرجع..
صفية:صرفتني خلاص...
ياقلبي فكر في الموضوع ودي أفرح فيك وأشوف عيالك.
سعود:طيب
وبالعكس ما أصرَّفك يا أمي أنت أغلى من عيوني وماودي تزعلي مني
وكمان أرتب نفسي أنا عايش بحرية واسعة النساء ممكن تتضايق منها وماودي أكرر مأساة صديقتك اللي والدي مل من قصتها!!!!
--ونام وأصبح سافر ونسي والدته 3شهور--
--صفية ذهبت تزور جارتها العزيزة فهي منذ زمن لم ترها--
لغز اليوم: لماذا عبدالله فضل يصرف على أولاده 3مثل مصروف تسعه وهل يجوز له ذلك؟
ومن أين أنزفت ساره ممكن تخبروني عزيزاتي القارئات...
أتمنى من جميع أخواتي حل ألغازي؟
حتى أشعر بمتعه أكثر وأرسل فصولي أسرع!!!

وصف مشاعر@
وصف مشاعر@
الجواب:-
لأنه يعرف الإنسانه التي وضع بيدها أطفاله
كيف عاد بماله ((فهو يثق فيها ثقةٌ عمياء))
وهي تستحق الثقه...نعرف فيما بعد..
أما عن جوازه فهو يجب العدل بين الأبناء في كل شيء حتى التعامل
كيف بالمصروف ولكن هو يعلم ذلك لأنه
وضعه بأيدي أمينه يعرف كيف ستصرف عليهم بما يرضي الله,,,
إنما يريد إرضائها لأنه كسر قلبها وبقوة.
والجواب الثاني:-
ساره أنزفت من أنفها من كتم بكائها وأنفاسها
فضاقت بها الدنيا بمارحبت وهي تعلم أنه يحق له أربع
ولكن لماذا لم يخبرها وكان مقصراً جداً معها هاجراً لها بحجة شغله،،،
مما قسا قلبها فأصبح مثل نيرانُ ملتهبة....
نعود لأحداثنا....
--صفية ذهبت تزور جارتها العزيزة فهي منذ زمن لم ترها--
من السابق
****تابع الفصل الثاني****
****الحلقة الثالثة****
صفية:السلام عليكم..
فهد:وعليكم السلام ورحمة الله وبركاته ،،،تفضلي ياخالتي.
ساره:من جا يابنات:
مرجانه: أمي هذه جارتك أم سامي!
ساره:دخليها حبيبتي وحشتني ذي العجوز كانت تزورني يوم عن يوم
وبعدين كل أسبوع مره صارت كل شهر والحين خمسة شهور ياكبرها في خاطري..
صفيه : والله مانسيتك لكن كبرنا وماصار النشاط مثل قبل مثلك عارف؟
ساره:لا ممكن تكوني زعلانة مني لأني ما أجيك مليتي من ذا الحال
وأنا المفروض أتغير بعد(،،،،،،،،،)
--وصمتت قليلاً،،،وقالت:--
الله يذكره بالخير...
صفيه:
باقي تذكرينه بالخير وهو مايستاهل ظفرك !!
ساره:ماعليك ؟؟ بس قولي وش أحوالك وعيالك أخبارهم.
صفيه:الحمد لله أحوالهم زينه سعد هو اللي قاهرني مدري عن أحواله 7سنوات؟؟
معقول ما خلص طب؟؟
سارة:ممكن ليش لا......الله يهديه ما يدق عليك؟؟
صفيه:الا يدق بس أحياناً ممكن في الأعياد لكن واحشني كل ما أشتقت له أروح ل الصور وأصيح.
ساره :الله يكون بعونك أما أنا راح سامي الله يجعله شفيع
-- وبكت--
! لا وكمان سيف فقدناه شاب الله يرحمه..
صفيه:( L يوه) أنا ما جيتك عشان أنكد عليك لا تبكين ياقلبي....لله حكمة في ذلك يمكن كان غلبك مثل أبوه؟؟؟
--ساره تتحدث بدموع الحزن،وتقول:--
لا تقولين كذا ترى يضايقني؟؟؟
صفيه:معليش اعذريني أنا مدري ليش زعلانه من أبو جيشك بسم الله عليهم...ما يحق لي صح؟
ساره :أبشرك
صاروا24بنت منهم4أولاد؟ شفتي أولاده أقل،،،
؟
صفيه:قلت لك لله حكمة في ذلك .
ساره : تكفين يالغاليه لا عاد تقولين مثل هذا!!!
صفيه:آسفة والله ماعاد أعودها أنا مثلاً أبوهم رائع الله يخليه لعجوزه. وشوفي أبنه مايدري عنا الله يحفظه لنفسه شكله شاف الشقر المقر وتزوج وما درى عن أبوه وأمه...
ساره :أتركي الولد في حاله ما عندك غيره أدري أن عندك واجد الله يبارك لك فيهم..
صفيه:بس لأنه بعيد يختي أمريكا ما تلعب..
شوفي أخوه بالرياض عايدي عندي؟؟؟؟؟؟؟؟؟
--لا تعرف أن العاقل اللي بأمريكا!؟؟؟--
--دخلت عليهن جمانه--
صفيه:من هذه من بناتك؟
--جمانه سلمت عليها،،،وقالت:--
أنا مها ياخاله كيف حالك.
ساره :ماتذكرينها بنتك نسيتيها.
أنا ما عجزت مثلك معليش العتب على النظر ماعاد تشوفين.
صفيه:لاتذكرتها اللي يسمعك يقول أنا القاطعة لا يكون رضعتها بس ؟
ساره:أنا اعتذرت منك كثير و،و تعودت على الوحده...ولا ما رضعتيها ليش ناوية على وش،،،،؟
صفيه:ما أقصد صرت أخبط،،، من جد عجوز,,,ويمكن خليها لما تروح.
ساره:حبيبتي روحي شوفي دروسك.
جمانه:حاضر يا مامتي الحبيبة...
صفيه:ليش قالت أنا مها وأنتِ تقولي جمانه وأذكر ها وهي صغيرة تنادوها جمانه؟؟!!!
وأعتذر على وضع صفحتين فقط لضيق وقتي وشكراً أختكم وصف مشاعر

وصف مشاعر@
وصف مشاعر@
****تابع الفصل الثاني****
****الحلقة الرابعه****
صفيه:ليش قالت أنا مها وأنتِ تقولي جمانه وأذكر ها وهي صغيرة تنادوها جمانه؟؟!!!
من السابق
ساره:مستحييه من اسمها ...أبوها سماها جمانة وأمها سمتها مها مع أن مافيه أحد قالها أن جمانه مهو حلو بس هي حساسه وترى أختها أكبر منها ب5سنوات إسمها مرجانه تذكرينها صارت معلمه توها تداوم لها إسبوع؟؟؟
صفيه:من سماهن أبوهن... وهل وهن شقيقات؟,,,
ساره:لا ،،،!! ما هن شقيقات يمكن أبوهن سماهن على عماتهن والا بينهن وقت جت مرجانه عام 1411ه،
وعمرها كان8سنوات ،وجمانه1416ه ،
وكان عمرها5سنوات تقريباً
صفية:يوه فعلاً العمر يمشي ولانحس وكم عمر جمانه الآن؟؟؟
ساره :عمرها 15سنه تقريباً،،،ليش ناويه عليها أعلمك عنها؟؟؟
صفيه:أعرفها يالغاليه ولا صدقتي أني عجوز ترى باقي عقل نقدر نتذكر اللي نبي ...
ساره :معقول تذكرينهن وأنتي لك مني وقت طويل ماقعدنا مثل ذا القعده من زمان .
صفيه:نعم أذكرهن وكنت أشوف جمانه وهي ممتازه، وعندها10سنوات تقريباً تساعدك دائماً وطباخة صح
ساره :أكيد ممتازه تربيتي الله يصلحها ويصلح أخواتها وجميع أبناء المسلمين.
صفيه:بصراحة وبدون مقدمات ودي فيها لولدي سعود.
ساره :معليش سعود أكبر منها بكثير؟
صفية:مايعيبه عمره29،،،30،،،،31 أها،،،أها؟
ساره :أنت تتكلمين من جد بينهم فرق يمكن مايفهمون بعض وبعدين لازم أسأل أبوها قبل,,, لأنها صغيرة باقي ماتعرف أمور الزواج!
صفيه:ياشخة ماعاد فيه صغار وأنت حبيبتي متى تزوجتي ذا الأقشر وأنا متى تزوجت؟؟وهذا العمر عمر الزهور...
ساره : 17سنه بس حنا غير ياختي!!
صفيه:كيف حنا غير؟؟؟؟خليها تشوفه وبعدين قرري!
ساره :إذا كان ولابد من زواج جمانه يكون أكبر منها من سنه إلى خمس سنين مو15سنه والله حرام؟؟
صفية:من حرمه هاه هاه ،،،قولي؟؟ وبعدين ولدي رومانسي وبإذن الله يسعدها.
ساره :شوفي حبيبتي والله يسعدني نسبكم لكن ليه ماتكون مرجانه تناسب عمره والرومانسي مشكلة؟؟؟
صفيه:عادي هو جميل وأبي له مها وبالعكس الرومانسي أفضل من الجلف..
ساره :الرومانسي هبلني لكن ما تهبلت الحمد لله باقي فيني عقل؟
صفيه:مو كل الناس مثل عبدالله.
ساره :خلينا منه وقولي لي محمد كم عمره أعتقد هو يناسبها.
صفيه:الله يسامحك أصغر من سعود بثلاث سنوات وقد عنده ولدين؟؟
زوجت عيالي كلهم نسيتي مابقى الا سعود وأخوه وآخر عنقودي سارونة..
ساره :مانسيت بس تناسيت .
صفيه:ما أللومك كم في الشهر يجيك عيل ؟
ساره :ممكن 4إلى5والآن نقصوا لانه كبر يمكن واحد أو مافيه أحد أقصد وحده نادر لو جاب ولد وتصدقين أني تعودت ودي بطفل مع أن البيت مليء بهم ؟
صفيه:شايب الغفلة باقي أحد يرغبة؟؟
ساره :مدري ماعلي منه يرغبونه يكرهونه مو مشكلتي!!
صفيه:السموحة ياقلبي شكلك تضايقتي من كلامي الله يؤجرك.
ساره :أنت كذا تعجبيني أنا والله ما أحب سيرته لابخير ولابشر ودي تفكيني وخلينا في عيالنا؟
صفيه:وش قلتِ عن سعود وجمانة.
ساره :أقولك شيء ولا تزعلين؟
صفيه:عادي قولي أنت أعز الناس عندي.
ساره :سمعت أن ولدك طايش وبنتي ترى شبه يتيمة ماودي اضيعها.
صفيه:مين ذا الواشي اللي شوه سمعت ولدي وهو ولدك كمان... هو شوي دلوع لكن ممرض وتاجر بالرياض؟؟؟؟؟؟؟
ساره :آسفة بس خايفه على بنتي صغيره وتبعد عني وهو مايناسب سنها والجارات لازاروني يحكوا عن مغامراته لأنه وسيم
وغني وكلهن يتمنوه مير الحض تعداهن أشوفها بنتي بتموت قهر انسي أنه أبنك وقولي وش رايك؟
صفيه:ماعليك من عجايز القايله،،،
وهو عايش في الرياض كلن في بيته ما أحد درى عن الثاني خلينا نسأل الجميع وش رايهم أنا حاطه عيني عليها من زمان .
ساره: .خلينا نستخير...
--ومر شهر على هذه الأحداث--
--وآتا سعود لزيارة أهله محملً بالهدايا--
سعود:السلام عليكم ..
صفيه:ولدي حبيبي وعليكم السلام ورحمة الله،،، وينك (من طول الغيبه جاب الغنايم) هلا كيف حالك يا أبني كذا تنسانا أنا وأبوك اخوانك نشوفهم مره في الأسبوع وأنت 3شهور؟؟؟
حتى سعاد اشوفها وسامي معذور؟بعيده الجنوب؟
سعود:معليش يمه عندي شغل ماينتهي تركته وجيت سامحوني ياعسى ربي يسامح.
صفية:أسامحك بشرط؟
سعود: والله أني فاهم.
--أبو سامي ضحك ضحكة قوية،وقال:--
وش فيها يا إبني ترى سنة الحياة
--والتفت إلى زوجته،وقال:--
فاهمك صفصوفة؟؟
صفيه:ترى كلمت أمها؟؟؟
سعود: أمي ليه ماقلتي لي قبل؟الحين وش أسوي وكيف أنحاش يمكن تتعقد البنيه؟
****الفصل الثالث****
--صفيه تتحدث بعصبيه:--
البنت ما تدري والأم تقول أنك عود يعني كبير جداً عليها وأو؟؟؟؟؟
سعود:وش فيك يمه عصبتي اللي تامرين عليه يصير قول رأيك يبه؟
أبو سامي : أهم شيء رأيك وأنا ما أعرفهم وأمك تبي لك الخير.
--والأم تدّعي الزعل وهي تدعو ربها من داخل قلبها،،،وقال سعود:--
خلاص شوفي الوقت اللي يناسبك ويناسبهم أنا عندكم 3أيام.
صفيه:الليلة باروح لأمهم؟
--ذهبت تستعد--
سعود:يبه ما ودي في النساء تكلم وقول دام البنت صغيره نستناها لما تصير 20 مثالاً.
أبو سامي: ياولدي أنت كم يصير عمرك لا صارت 20على ما أعتقد 35ترى كبير ماعاد تقدر تربي ولدك ومتى تخلف وهي 15ماشاءالله سن الزهور تلعبها وتعلمها على طبعك لا صار عودها يابس يقسى عقلها عليك ،،،
وعلى كيفك بس لا صارت كبيرة ما تقدر فيها توكل على الله وخلك جيد معها وحنون ولطيف المرة ما تخلي بيت أهلها عشان سواد عيونه الا ودها برفق وصون.
سعود:أعرف يبه لكن مدري وش أقول؟؟؟!!!
--صفيه فرحةً جداً،،،وقالت:--
أنا جاهزة.
--سعود يبدو عليه التوتر،،،وقال:--
ماشاء الله عليك أنا باقي.
صفية:بأسبقكم عشان أعلمهم .....زين!!!!
--وذهبت صفية لصديقتها تزف فرحتها وهم لم يكن لديهم علم بقدومها،،،فقال سعود:--
يبه أنا جاهز بس ماسألت أمي أجي بيدي فاضيه!!!
لا أشوف مايصلح.
الأب: عادي ياولدي ممكن تشتري معك أي شيء وحطه في السيارة وإن وافقن نزله وإن رفضن عطنيه؟؟؟
سعود:ههه أبشر يبه وليه حضرتهم رافضيني وأمي مشغلتني في ملكة جمال العالم....
أبو سامي:لاتقول ذا الكلام على بنت الناس وهم رافضين عشان فارق السن ومدري عن أمك تقول البنت مؤدبة جداً حتى أكثر من اخواتها...
--اشتروا الهدية طبعاً الولد مثقف اشترى شي مغري،وجذاب--
صفيه:شكل ولدي وأبوه وصلوا وين أولادكم يستقبلوهم؟؟
ساره :الله يهديك ياصفيه سويتيها وانا باقي ما علمت أحد الحين وش أسوي ماعندي الا محمد وعنده13سنه وش يتصرف قولي ؟؟؟
صفية:عادي كل شيء
ينفع محمد مهو رجال .
--واستقبلهم محمد وقام بالازم وأحرجه سعودوقال:--
وين بابا؟
--مارد محمد وعاش بصمت لمدةٍ قصيره--
--نرجع للنساء،،،قالت صفيه:--
قلتي لأبوها لا يزعل؟
ساره : ليه مصدقة نفسك وأنت تقولينها ماتدرين (إنا) كنا نشوفه أقصد يشوفونه أولاده صار يرسل مع أحد عماله مصروف عياله وأقول زين وهو باقي يذكرهم!
صفيه: نتوكل على الله ونتقدم مارح يزعل؟
ساره :لا مارح يزعل هو يثق فيني
أجل يتركهم ذي المدة في أحضاني ولايدري عنهم قلت لك كان يمر كل شهر الآن صار يرسل الناس يمكن تعبان أو شيب؟
صفيه:خلاص طولنا عليهم روحي إسألي بنتك شوفي وش ردها ولا تقولين أكبر منك علميها بمحاسنه وبعدين باللي تشوفيه عيب تكفين يا ساره أبي نسبك وإلا أنت قريبة مني ما أبي قربك لأنك أصلن قريبه وفي قلبي لو يغيب عنك الجسد؟
سارة:يعني بذا الكلام تبيني أغصب بنتي؟
صفية:لا والله ابداً!
--ساره دخلت على بناتها وهم فوضا،فقالت:--
ياجمانه قومي غيري شكلك وابيك في كلمة راس؟؟
--قامن البنات جميعهن بلا استثناء (وبصوت واحد):--
ياسلام حنا قلوبنا وحده وش فيه جاها عريس قولي وحنا نسمع عادي؟؟
جمانه:لا يا أمي ماعليك منهن يله نطلع.
--وأشرت لهن بلسانها(حركات بنات مهما كبر عقلهن)--
وحدة من البنات:أكيد صديقتك جايبة لجمانه عريس قولي لهايممه عندك عشرين وش معنى جمانه؟؟؟؟
مرجانه:حرام عليكم يابنات شوفو،،، وش فيه أول وبعدين خمنو يالطيف من ذا العيون
أمي وش علمتكم ذا السنين؟
جمانه:يمه وش فيه ليه ساكتة لنا خمس دقايق شكل العبرة في عينك خوفتيني.
ساره :حبيبتي بدون مقدمات ولأنك عاقله وكاملة الأوصاف خالتك صفية تبيك لولدها والخيار لك حبيبتي؟
جمانة:بس يمه،،،،،،كذا محزنه
،،
ساره :وش بس عادي ياقلبي إذا متبينه مارح أخسر صديقتي أنت خايفة من كذا صح؟!!
جمانه:لا يا ماما المشكلة أخواتي اللي أكبر مني11بنت يمكن يزعلن مني .
ساره: أهم شيء أنتي كل شيء قسمة ونصيب وهم إختاروك أنت.
--صفيه توجهت إليهم وهي تنادي:--
وينك يا صديقتي الغاليه إذا جمانه ما ودها خليها تكلمني وعلى كيفها عادي يمه مرح يتغير شيء من محبتنا وأنتم أغلى من (هلي) يابعد كل أهلي!.
جمانه:نعم خالتي كيف حالك؟
صفيه:أنا بخير دامكم بخير...،،
شوفي يا بنيتي أنا أدري أنك صغيره لكن شوفي سعود وإن ما أرتحتي له بإمكانك الرفض الفوري وش رايك.
جمانه:بس بس ب؟؟
ساره :خليها تلبس؟أول!
صفيه:عادي والله أنها أميرة حتى في قميص البيت!
--ذهبت صفية تزف فرحتها للمجلس،وصلت والأب قد نام من التأخير اللي حصل، أماسعود بنا قصور في الخيال؟--
صفيه:سعود سالم العروس جايه استعدوا وأنت أطلع شوي انا بأقعد معهم ولا وش رايك سعود؟
سعود:أمي اللحقيني أنا أرتعش وأتصبب عرق في عز الشتاء؟؟؟؟
صفيه:أرخي أعصابك البنية صغيرة وما تخوف والله مثل البدر..وكاملة الأوصاف وربي ما تندم.
سعود: مو أول مرة أشوف ب؟؟؟
--وأغلق عينيه من الإحراج فهو بدء يخرج عن الموضوع ويورط نفسه--
الأم،والأب وش يعني؟؟مو أول مرة أشوف ب!!!
سعود:مشوها لي ذا المره أنا مرتبك؟؟؟
صفية:تفضلي جم،،،،، مها ..
--دخلت جمانه وهي منكسةً رأسها من الخجل وتقول:- -
$من فيهم من العيال هل هو مؤدب ولامشاغب؟؟$
--وقف سعود على طوله وقال:--
ماشاء الله آيه من الجمال ولكن تلبس حجاب يمه ليه قولي لها أنت في نظره شرعيه....
--صفيه أشرت إليه تعني:--
إثقل؟
--عادسعود يسأل ولا يعرف ماذا يقول فشخصها أربكه :--
من أنت وش تدرسين تفضلي شي بسيط وبعدين أجيب لك شي حلو؟؟
--جمانه ولا كلمة وسعود يقوم ويجلس ويقول في نفسه حلوة يا أمي عندك ذوق أحسن مني أحلى وأأدب من أللي عرفت...وهي لم ترى الا ثوبه الأبيض وشعره حين ما يجلس ليسرق النظر إلى وجهها النير،،،فقالت جمانه:--
خلاص خالتي بأروح أسمع أمي تناديني.
سعود:خليك شوي؟؟؟!!!!!!!!!!
--جمانه بنضرة خفيفة ومشت على استحياء،وقالت:--
مع السلامة.
--وذهبت--
سعود:وش فيها كل ذا خجل؟؟
الأم:إيه ياوليدي متربيه صح أمك ماتكذب وبكره تقول صفية على حق....
--وتفرق الجميع إلى مضاجعهم--
مرجانه والشلة كامله : جمانه أقصد مها قولي وش حصل تكفين؟
جمانه:ناموا وبكره أحكي لكن على خير.
صفيه:تكفين ياجمانه كيف ؟؟؟؟
أرتحتي له أرجوك وافقي عشان أخواتك يمشون.
جمانه:يعني لاتزوجت مارح تزعلن مني.
صفيه:أبداً من ذا الغبي اللي قال لك إنا بنزعل بالعكس بتحسسينا أن وحده في بنات أبوك مرغوبة؟ِ شوفي حالنا وكم أكبر منك وكم أصغر؟؟
جمانه:هو شكله شخصية ورزة بس يا خوفي أنه مو مثل شكله؟
ريم:تفائلوا بالخير تجدوه...
ناديه:نعم نعم نعم أتحفينا أساذتنا الغاليه؟؟
ريم:بلاش تريقه وأنا وجهة نظري أن من يرى الخير لنفسه يراه خيراً
ومن يسبق بحدوث الشر يأتيه شر عشان كذا لازم نتوقع الخير دائماً..؟
جمانه: هوه مريح ومرح بس..؟
سوسن: بس وش قالت لك الأستاذه ريم توقعي الخير وأنا أقول توكلي على الله.....
ووكيف شكل وجههه وعادي بكرة تتعودين عليه بس قولي لي سر شكله جذاب ولا عادي؟
جمانه:تبين الصدق ماشفت وجهه لأني مستحيه وهو أظن طويل جداً،،،
وما أعرف الرجال الا سواقنا صافي القديم ,, و العم فتحي؟من عرفت نفسي وهو مساعدنا الله لا يحرمنا منه ولا من زوجته اللي تساعدنا؟
وأبوي ما أعرفه الا في الصوره اللي سرقتيها من أمي وسواق المدرسه وذكريات الملثم عساه الموت والهجران من أغلى أحبابه...؟؟؟
صفيه:مين قلتي مين. بدت اختي تهوجس.؟
جمانه: لا ما قلت شي بس شوي متوترة...و من اللي قالي أنكم بتزعلن صديقتي الغبية اللي هي مسوية صديقتي اللي أتعبتني وكان من وصايا اخوي سيف (الله يرحمه)لا تعطينها وجه وأنا والله ما أعطيتها كلمه واحده,,,,,,
لكن وش تقولين للغثه وأمي ترحمها وأنا ما أنسى كلام سيف عنها وباقي رنات حديثه في دماغي أنين
((الله يرحمك ياسيف جعلني أموت على خير والتقي بك))
--طبعاً سيف كان شقيقها من الأم التي لم تتحمل والدهم.... ولكن أولادها أصبحوا قمه في الأدب يمكن يكون رحمةً للي قامت على تربيتهم ((ساره المضحيه))--
صفية:
,,, ومن تقصدين قرموشة متى جت من زمان ما شفناها؟؟
جمانه:جت ألبارح والجميع نايم وأنا أساعد أمي اللي مدري كيف أطلع من جزاها؟
سلوى:هي وش عرفها أنك بتنخطبين قبلنا وحنا ما درينا الا اليوم؟
جمانه:مدري؟يمكن هم علموها؟
صفيه:إيه كيف كلنا نجازيها يا لبا قليبها الحنون لو لا الله ثم الغاليه لا ضعنا مع أبونا اللي نسى شكلنا (ووالداتنا) اللي مايسألن عنا قال إيش يرسل فلوس ما نبي فلوس وش يعني أكل وملابس ومدارس بدون أب وأم؟؟؟
---مرت ساره في ممر البيت متجهةً لبناتها لكي تطمئن عليهن فوجدت جمانه،وصفيه وسوسن على الأريكه لوحدهن يتسامرن فسمعت مايدور بينهن..؟فقالت:---
آفا يا ((سميت)) الغالية ليه هذا الجحود أنا أحس أني أبوكم وأمكم قصرت في شيء .
البنتين :لا يالغاليه،
جمانه:لا ماقصرتي بس مجرد سواليف تريحنا....
ساره : لا يا قليبي لا تجيبون سيرة والديكم وكنها سواليف عاديه واللي تبي أبوها من عيوني بس مرسال أنا لي مكانة عند أبوكم وبينفذ اللي أبي!
صفيه:متأكده يمه؟؟
ساره :ليش حبيبتي تشكين في من ربتك وأرضعتك وكمان سمتك؟؟
صفيه:لا يالغالية بس ودي أقول؟؟؟
--قاطعتها قائلةً:--
ساره : تبين تجربين إن كلمتي مسموعة جيبي ورقة وقلم !!
--صفيه،وجمانه غلبهم البكاء--
ساره: لا تبكون حبيباتي بس ودي أكتب له أن جا بنتك عريس وإن حياتي راضية أنا وافقت بس مستحيل أفرط في وحده فيكن أنتم أملي في هالحياه ومستقبلي اللي راح أشوفه فيكم ياعيالي؟
--سلوى تستمع وهي تعلم أنها إبنتها فلذلك مطمئنه--
--ووصل الخبر للأب عبدالله وآتاهم فوراً--
سوسن:أمي من ع الباب؟
--ساره وقلبها يرجف قالت:--
أبوك؟؟!!
صفيه:أمي هو أبوي كيف عرفتي شكلك باقيه على العشره؟؟
ساره :روحي استقبليه وخليك من ذا الكلام الخبال،،،،،يابنتي أبعدي عني وروحي مع أخواتك وشوفي جمانه،،،ساعديها.
سوسن:ليه يمه هو بيرفض؟؟؟
لغز اليوم: ساره مع من أرضعت البنت صفيه وسمتها بمن؟

*empress*soso*
*empress*soso*
لي عودة باذن الله بعد الاختبارات لمتابعت روايتك ياالغلا

وصف مشاعر@
وصف مشاعر@
*empress*soso*
أهلاً بك =*empress*soso*;
سعدتُ بتواجدك أختي سوسو
وإن كنت طالبه فالله يوفقك وإن كنت أم الله يوفق أبنائك وجميع أبناء المسلمين
ونفرح جميعاً بنجاحهم!
غاليتي فرحت بمشاركتك وبعد الإختبارات أتمنى تساعديني بحل الألغاز فذلك يزيد متعتي أكثر
وشكراً ,,,,,

وصف مشاعر@
وصف مشاعر@
جواب الحلقه الماضيه:-
أرضعتها مع ولدها سامي الذي توفي،،وسمتها على صديقة عمرها صفيه.
ساره :روحي استقبليه وخليك من ذا الكلام الخبال،،،،،يابنتي أبعدي عني وروحي مع اخواتك وشوفي جمانه،،،ساعديها.
سوسن:ليه يمه هو بيرفض؟؟؟
من السابق
****تابع الفصل الثالث****
****الحلقة الخامسه****
ساره :لا بالعكس ترى أبوكم متفاهم جداً!!!!
صفيه:تعالي أمي لاتسمعني والله انها تحبه بس تكابر؟؟
سوسن: روحي يا شيخه لو أنا مكانها والله لأقطعه كره؟؟؟؟؟أمشي بس نستقبله مع البنات يمكن ما يعرف سوسن من سلوى ولا جمانه من مرجانه ولا محمد من فهد؟؟؟؟
--ولما دخلوا عليه وجدوه يبكي،، ويقول:--
سامحوا أبوكم وقولوا لأمكم تسامحني وتخليني أسلم على راسها شكر وعرفان؟؟؟لأن مافيه مثلها إمرأة با العالم كله.
صفيه:كيف حالك أبوي أنت واثق من نفسك أن أمي بترضى أنك تقابلها ترى وحرام ؟؟
عبدالله:أنتي مين؟ ووش أسمك يا حلوه وكم عمرك.
صفيه.ههه،،، ليه تبي تتعرف عيب والله لأعلم عليك أخوي يا محمد شوف يبي يتعرف علي وش رايك؟
--والدمع تحاول تخفيه!!؟؟--
جمانه:عيب ياصفيه هذا أبوك مو أي أحد؟؟؟؟
--بصوت منخفض--
---والجميع في سكون محزن---
--عبدالله والدمع ينهمر من عينيه... قال:--
خليها تقول اللي بخاطرها ما عليه،،،وعادي... كلكم قولوا اللي بخاطركم أنا جيت وأنا مستعد لهاذا الكلام؟ وأنت عرفيني على إسمك ونعم التربيه؟
جمانه:أنت قول من انا وإذا عندك إحساس الأبوه تعرفني ؟؟؟؟
عبدالله:أحرجتيني وعندي شعور أنك بنت الغاليه؟؟
جمانه:مين الغاليه ؟؟؟
--وقاطعتها أختها صفيه، قائلةً:--
شوف لاتذكر امنا لوهي تخلت عننا وتزوجت كان مارضى أنك تجيب سيرة حبيبته؟؟؟
--عبدالله غضب قليلاً وأخفى غضبه لأنه ماعرفهم له منهم سنين فقال:--
من حقك تقولين مثل هذا الكلام بس أنا ما طلقت أمك عشان كذا أبيك تسوين خير فيني وتخليني اقبل راسها لأنها ربت ؟؟؟
أنا كنت أبي منها تختار حياتها بس هي رفضت ليه ما قالت لك!!
صفيه:أقول لايكثر بس وحسبي الله عليك ماطلقتها عشان تربي ذرك ترى ربي بيعاقبك .
جمانه:خلاص ياصفيه يا تجلسين بأدب ياتطلعي برا ولا أنادي أمي لك؟؟
عبدالله:أنت مين وليش أنتوا ساكتين.؟؟
جمانه:قلت لك أبيك تعرفني بنفسك وهذا يثبت وجودك؟؟؟؟؟؟؟؟
--عبدالله غير الموضوع وقال: --
أنت محمد صح ؟؟
--محمد ضحك،وقال:--
عرفني يابنات بدون م ؟
--وفجر المجلس بالبكاء--
صفيه:لايكثر أنا قبل شوي أشرت عليك وشكيتك منه مسرع مانسيت؟؟؟فرحان الدرج...
--عبدالله ينظر إليها بإعجاب ،،،ويقول:--
%% هذه مثل أمها شريره بس بنت مين فيهن ودي اسألهم وخايف من لسانها لا ينهل علي لوم... ولا هي بنت ساره
ماهي بنت ساره،؟؟%%
سلوى:أنا بأنادي أمي يمه ،يمه،يمه تعالي خذي الملقوفة وأدبيها شكلها ماتبي الليله تمر على خير؟؟
ساره :
وش فيكم يابنات وش اللي صار راح أبوكم؟؟
سلوى: لايمه بس صفيه تقل أدبها عليه،،،تقل أدبها على أبوها؟
ساره :تعالي يا صفيه؟؟؟
--عبدالله لما سمع صوتها تنادي قال:--
لحضه يانور هالدنيا أبي أكلمك؟
ساره :قولي له معليش وتعالي أبي أسولف معك؟؟؟
--صفيه إقتربت عند أُذنيه وقالت له بهدوء: --
أمي ماتبي تكلمك حل عنها لو سمحت؟؟
--عبدالله بصوت منخفض لا يسمعه الا هي: --
أنا عاذرك لأنك بزره؟!
--وآتا دور جمانه ،،،إقتربت هي أيضاً منه، وقالت:--
ما قلت لي من أنا؟؟
--عبدالله إقترب منها قليلاً ورص على يدها، وقال:--
لا تحرجين أبوك وغششيني كذا تصغريني عند باقي إخوتك تكفيني ذيك المهبوله مدري وش اسمها؟
--جمانه بكت وهي مستحيه من كلامه وقالت:--
كنت ودي تعرفني من نفسك!!
أنا جمانه بالرسمي ومها يقال؟؟؟؟؟
--جمانه مسحت دمعاتها وفكرت في عدم إحراج والدها أمام إخوتها،،،وقالت:--
شميت ريحتي وعرفتني صح؟؟؟
--وكان ذلك بصوت عالي--
--عبدالله وهو خجلان من نفسه،،، قال:--
عرفتك مها كل الأدب؟
سلوى:ترى كلنا مؤدبين يبه بس شوي صفيه عصبية لكنها مؤدبه!
عبدالله:أنا عارف ليش حطيتكم بأيدي أمينة وكنت مطمئن؟
سوسن:طيب مين أم مها أنت قلت قبل شوي بنت الغاليه مين الغالية عندك؟؟
---تقاطر العرق من الإحراج وقال:---
تصدقين أني توني أصير ذكي وأعرف أنك أنتي بنت الغالية.
---وضحك الجميع---
---وبمكر من جمانه:---
زين بأسألك من هاذى إذن؟
عبدالله: يعني تختبريني
--وقال:--
هي سوسن.
الجميع:صح عليك يبه،،، يعني حسيت أنك أبونا.
****الفصل الرابع****
عبدالله:آفا...وش هذا الكلام؟
--جمانه إقتربت منه وتكلمت بهدوء--
يبه كيف عرفتها من نفسك هذه قويه صراحه أنا زعلت؟
عبدالله:لاتزعلين يابعدهم كلهم ! أعلمك كيف عرفت بس تعلمين أمك خلاص تكفين علمي أمك؟؟
جمانه: OK .بس قول؟
عبدالله:ما لاحضتيني وأنا مركز عليها من قبل تشبه أمها وبقوه
(العيون، والكلام، والجسم والحياء) وكل شيء؟؟
جمانه:أقولك شيء ولاتزعل؟؟
عبدالله: قولي مرح أزعل.
جمانه:دامكم تحبون بعضكم لذي الدرجة ليش تخليتم عن بعض؟
--عبدالله بكاء ولم يستطيع الرد..--
--سوسن قطعت عليهم،وقالت:--
أمي تقول جا لمها عريس،،، ولد جارك وش رايك فيه أضن أنه ولد سالم أبو سامي الولد أسمه سعود
وهو ساكن بالرياض وعمله ممرض ويعمل كمان بالتجاره ويدير أعمال أبوه وتاجر محترم وأهله محترمين وطول عمرهم يتعبون معنا.
عبدالله: أهم شيء جمانه وأمها إذا وافقن أنا مالي رأي أساعد وأفرح لهم كمان.
أنت موافقه ياجمانه؟
جمانه:اللي تشوفه لي خير يبه أنا أرضى فيه!
-- وحمر وجهها من الحياء.--
عبدالله: سبحان الله لي 27سنه وأنا أخطب جا من يخطب مني يارب تسعد بنتي وكل بناتي يارب.
--نذهب لأهل سعود قال سعود:--
يمه متى نخطب رسمي؟
صفيه:وش فيك مستعجل وكنت أول ماتبي ولا على بالك.
سعود:بعد ماشفتها تزعزع كياني؟
صفية:سمعت أن أبوهم عندهم أنت مستعد نروح .
سعود:إيه تكفين ؟
صفيه:يارب تسعدون مع بعض طول العمر بس تكفى لا تزعلها أبداً وعوضها عن حرمان أبوها.
سعود:إن شاء الله إطمئني أنا أعرف للحريم بس ياويلهم إذا زعلوني وشكل مها مؤدبه مرح تزعلني صح يمه.
صفية:امش أنا جاهزه ،،وقل لأبوك يروح معنا.
--وذهب الجميع واستقبلوهم--
ساره:ياهلا بالغاليه تفضلي ...
--صفيه دخلت بالهدايا أجمل ماختار سعود.--
عبدالله:أهلاً وسهلاً بكم وش اخباركم أنت سالم؟؟؟ صح!! وهذا مين من عيالك.؟
أبوسامي: نعم أنا سالم وهذا أبني سعود.
عبدالله:حياكم الله .
أبوسامي: الله يحيك كيف أحوالك ماعاد نشوفك وين مختفي عساك مستانس؟
عبدالله:الحمد لله كل شي تمام أنتم وش أحوالكم.
أبو سامي:حنا بخير ..؟
--وبدون مقدمات--
طالبين قربكم وش رايكم.
عبدالله:الله يحيكم عندي خبر والكل راضي واللي تآمر عليه أم سامي نفذوه لها أنا مالي طلب،ولا أبي ريال؟؟؟أبي سعادتها؟
سالم:بس هذا من حقك.
عبدالله:خل أم سامي تسأل أم سامي وبكيفهم؟
صفيه:آمري يالغاليه فوضوني الرجال أنك تدللين وش تبين يكون مهر بنتك والذي منه؟
ساره:ما أبي شي أهم شي عندي سعادتهم ما تهمني المظاهر؟
ولنا لقاء قريب إن شاء الله.

وصف مشاعر@
وصف مشاعر@
**** تابع من الفصل الرابع ****
**** الحلقة السادسه ****
(( ساره:ما أبي شي أهم شي عندي سعادتهم ما تهمني المظاهر؟ ))
من الحلقة السابقه
صفيه:عمري ترى مقتدر وهو مستعد يدفع من مئه حتى مليون؟
ساره:أنا عطيتكم جوهره لا تقدر بثمن ولا مال الدنيا يكفيني فيها
مالي طلب الا واحد فقط إنه يرعاها مثل الحبيبتين؟؟؟أظن أنك تعرفينها؟
صفيه:
مايقصر يالغاليه وفعلاً ما تقَّدرون بكنوز الدنيا وحنا مرح نقصر،،،، ومالك الا بياض الوجه ،،،،وأكيد أعرف الحبيبتين مين ما يعرفها؟؟؟
-- وبعد إسبوعين --
-- إتفق الجميع وتم الزواج من أجمل وأروع ليله في حياة سعود وساره وصفيه (بالذات) والبنات أسعد الناس (أما جمانه كانت تبني في الهواء قصورٌ ترى نفسها ملكتها وهو رئيسها،،،)
والزواج تم في مزرعة ساره وحضر جميع أحبائِهم وصديقات الأم ساره وصفيه ووزميلات البنات كنَ أكثر من مئه،،،، المهم أنهم كانوا جميعاً أسعد الناس ذكوراً وإناثا في هذا الزواج ،،، دخلت على العرسان سعاد أخت سعود التي هي أصغر منه بسنتين،،،وقالت :--
مشاء الله كل الناس تناظركم من الشباك وش رايكم أزفكم مع بعض وشوفوا كامرتي جاهزه تكفى لا تستحي ياسعود أدري بك جريئ.؟
-- سعود سعيد وعينيه لم تتوقف عن النظر إلى عروسه وقال لسعاد :--
لا تصيرين مطفوقه وشوفي أمي وأمها وش يسوون خلهم يساعدونك ...
جمانه:أنا مابي أطلع . ؟؟
سعود:اللي تشوفيه ( عيوني).؟
سعاد:وش هذا لا مايصير يعني خايفين ترى كلهم شايفينكم وشوفي يامها ذيك المهبوله كل دقيقه عينها على الباب وكانت تبي تدخل عندكم بس أمي منعتها وأختك صفيه قالت :--
ما دخلنا حنا عليها تجين حضرتك وتدخلين والله لا أكسر رجولك ..؟
-- ضحكت جمانه وقالت :--
ياحلوك ياصفيه ماعندها وقت..؟
سعود:مين هاذي المهبوله...؟
سعاد:ماعليك منها أكيد مها عارفتها صح.؟
جمانه:صح.؟
سعود : لا ما أبيك تعرفين ملاقيف لأنك ناعمه وما أبي أحد يخدشك؟
-- وضحك --
--قالت جمانه :--
$ يا حلو ضحكته $
-- سعود إقترب قليلاً منها وقال :--
تبين تعرفين سر.؟
-- جمانه هزت رأسها --
سعود:عرفت وش قالت عيونك.؟
-- جمانه إبتسمت وأن زلت رأسها للأرض --
سعود:أحبك وحلوه وزادت الحلا الإبتسامه مثل ترته مرصعه بالسكر وحولها توت أحم،،،
--قاطعته سعاد :--
خير ...ها أنا هنا بعدين إشعر في غرفتكم بأروح لأمي وخالتي ..؟
سعود:إيه ياليت تكفين طالبك الساعه صارت 12ص وأنا تعبان من أمس ما نمت يسرونا صح حياتي انت تعبانه...؟
جمانه:لا عادي.؟
سعاد:عن إذنكم.؟
-- وخرجت للساحه فرأت الناس (يتناولون وليمة العشاء) مما لذ وطاب فقالت :--
مشاء الله وحنا وين عشانا ولا تعشيتوا ونسيتوني،،،،
وين امي وخالتي..؟
صفيه:لا ياسعاد بس عشينا الضيوف وحنا شوفي طاولتنا آخر الحوش لما تخف الزحمه نأدب زي ما يقول فهد صح فهودي،،،
سعاد:طيب وين أمي وأمك نبي نزف العرسان.؟؟
سوسن:لا جمانه ماتبي زوجها ينزف هي زفوها شوي عشان صديقاتها يسلمون عليها وترجع لزوجها وعلى السياره للفندق..؟
سعاد:مو على كيفها وين أمي أبي أصورها فيديو بكره تشوف نفسها تقول يا الله تغيرت.؟
سوسن: كيفكم بس لا تظغطوا عليها في ليله من أجمل لياليها.؟؟
سعاد:يمه وينك ووين خالتي.؟
صفيه:نعم يمه نسلم ونستلم ونستقبل ونودع وش فيك ليه خليتي العرسان يمكن يبون منك شي ,...
سعاد:لا يمه ساعديني أنت وأمها أبي أزفها هي وسعود،،، وهي رافضه..؟
صفيه:ياساره تعالي نشوف عيالنا...؟
-- دخلوا عليهم وجدوا سعود مايل برأسه على الكنب ويده حولها،،، ويقول:--
ماكنهم طولوا علينا وش رايك نروح من هذا الباب وماعلينا فيهم..؟
جمانه:شيل يدك عيب شوف أمي وأمك وجارتنا الملقوفه،دخلوا..؟
--سعود إعتدل،وقال:--
مو عيب أنتي حليلتي لا تخليني انام في حضنك عشان يعتقونا لوجه الله ....
-- الجاره الغثيثه دخلت مع أمه وأمها وسعاد واقتربت منها وقالت :--
(ميمي) مبروك ياحلوه،،،والله وعرف يختار ،،،
-- وإقتربت من سعود وخمارها خفيف جداً والمكياج كأنه3علب؟؟؟ وقالت:--
حبيبي عرفت تختار أصغر منك بكثير،،،،؟؟ وحلوه الله يخلف علينا..؟
سعود:الله لا يبارك فيك وش جابك إنقلعي؟؟؟؟ (والله لا أوريك بعدين)؟؟؟
-- سعاد إقتربت منه وقالت بهدوء :--
وش فيك عصبت ،،،
سعود:ذي الخبله مسويه نفسها؟
من جد حقود ضايقتني ,,,,
سعاد:ما عاش من يضيق صدرك وأنا موجوده ،،،،
-- والتفتت إليها،،،وقالت :--
أنت يا قرموشه إطلعي ممنوع أحد غريب يدخل عليهم..؟
قرموشه:حرام عليكم صديقتي..؟
سعاد: بنزفهم وتشفينها،،، وأما صديقتك وأنتي أكبر منها (ب20سنه) كثري منها..؟
قرموشه:ليه أخوك في سنها ولا ظلمتوها وبس.؟؟؟
سعود:سعاد الله يخليك طلعيها حامت كبدي.؟؟
جمانه:وش فيكم وش اللي صاير.؟؟
سعود:لا ياقلبي بس مصدع من التعب..؟
صفيه:وش فيك ياقلبي ليه ه الدموع هي فرح ولا حزن؟؟؟
ساره:لا،،، إن شاء الله فرح بس سمعتيها وش قالت لي...؟
صفيه:ماعليك منها ترى هي ولا خليني ساكته..؟
ساره:لا قربت مني وقالت ظلمتيها لأنها مو بنتك.؟؟؟
-- سعود وقف وطاح العقال ،،، وقال :--
لا ياخاله والله لا أحطها بعيوني لا تخافين عليها وهاذي الخبيثه ناديها ياسعاد أعلمها هي وش بالضبط......وش تبي التعبانه،،،نكدت علينا الله ينكد عليها ومين عزمها هاذي ماتنعزم..؟
ساره :أنا ما عزمتها.؟؟
سعاد:خليك منها قاطه في الحياة،،،وخلونا نزفكم تكفون..؟
جمانه:لا يمه ما أبي سعود يخرج عند الحريم بعدين يصير غضب من ربي أنا سمعت أستاذتي اللي في المصلى تقول ما يجوز العريس يخرج على الحريم يصير الزواج فاشل..؟
سعاد:ما عندها سالفه معلمتك نبي نفرح بأخونا..؟
ولا وش رايك يا سعود .. ؟
سعود:أنا ملك لمها إذا ودها أطلع ما عندي مانع؟؟؟
جمانه:يمه ياخاله قولوا شيء ما ابي سعود،،يطلع وحتى أنا انسدت نفسي..؟
صفيه:خلاص ياسعاد خليهم على راحتهم..؟
ساره:إيه يمه خليهم على راحتهم..؟
سعاد:خلاص أنا عندي حل لما تخف الزحمه،،،، أزفكم؟؟
سعود:أنا ما ودي ننزف والشيطانه موجوده؟؟
ساره:مين قصدك قرموشه هاذي ما تطلع لو بنفسك تخرج لها الحين وتقولها (برا، برا،،برا،،،) تحلف وتجلس..؟
-- وضحك الجميع --
سعود:
،،، شوفي ياسعاد الساعه كم تبون تسرونها ولا لا..؟
سعاد:عادي الساعه وحده؟؟؟وش صار أنت دجاجه،،اللي أعرفه أنك سهير وفلالي؟؟
سعود:أس ((فضحتينا)) الله لا يفضحنا!!
ولا تكثرينها؟؟؟وأنت عادي عندك حنا تعبانين صح ياخاله؟؟؟
ساره:إيه والله ذكرتموني يمه خليني اجلس آه يارجليني مع ظهري.؟؟
صفيه:ها وش رسيتم عليه والله كلنا مهلوكين ولا لا،،، يمه خلصينا الله يهديك يا سعاد..؟
سعود:أمي وين السياره خلينا نخرج من هذا الباب وما علينا فيها ..؟
ساره:الباب هذا يودي للطاولات الطعام وهذا الي على اليمين يودي للسياره عادي بكيفك بس ودها تفرح فيكم ( مسيكينه) ..؟
سعود:أنت ياخاله وش رايك ننحاش شوفي مها تنعس،،،
-- ذهبت سعاد ورجعت بسرعه،وهي تقول لهم :--
-- ولنا لقاء قريب --
لغز اليوم:ماذا تقصد (ساره) بالحبيبتين؟
أحب أن أعتذر لعزيزاتي القارئات على أني سوف أنزلها يوم كل أربعاء أو على حسب الوقت المناسب لي أو على حسب الردود وشكري وتقديري لكل من يقرأ لي

اقوال وحكم رائعه
إذا تم كسر بيضه