دليل الشركات والاماكن. فالويب | ريبوتا


المسافرون العرب




" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى

رومانسيه بطبعي $ رومانسيه بطبعي $
" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى
09-12-2014 - 09:28 pm

بسم الله الرحمن الرحيم
السلام عليكم ورحمة الله وبركاتة ..
فكرة راودتني من فترة طويلة وهي أن أقوم بكتابة رواية من نسج أفكاري وخيالي
مع مزجها بالواقع بالتأكيد .. فالرواية تفقد كيانها وروعتها اذا اطال الكاتب من الخيال
ونسي أننا نعيش على أرض الواقع .. وهي أول رواياتي وبإذن الله لن تكون الأخيرة
أثق إن شاء الله أن تعجبكم الرواية وتنال على رضاكم واستحسانكم ,, لأنني تعبت جدا
في حصر الأفككار وكتابتها .. أرحب بالنقد البناء والهادف .. وأؤمن بوجهات النظر واختلاف الآراء
عذرآ أطلت عليكن بالمقدمة .. ولكن كما يُقال حاجة في نفس يعقوب =) ..

إسم جديد سينظل إلى عقد اللؤلؤ الناصع لأسماء كاتبات متألقات آمل من الله أن أكون منهن


(أنجــــــAngelــــــــل)



روايتي الأولى:
(غمازتك بالخد يآهي مصيبة .. لا ورب البيت راس المصــآيب )
للكاتبة / أنجــل - Angel





~ البارت الأول ~

جـوري : يمه حبيبتي قلت لك هالمريول مايصلح علي شوفي كيف عريض والله مضيعني ومخرب جسمي
حرام عليك تكفيييين أبي أفصل ما أبي جاهز

أم جوري : يابنتي تعبتيني أنتي لو بأفصل لك بتتشرطين وبتخليني أنام عند باب الخياط بدل ماني رايحه راجعه
خذي هالجاهز وفكيني هي كلها 5 ساعات بالمدرسة وبترجعين البيت وتبدلين

جوري : تكفيييييييييييييييين يالغالية طلبتك عاد هاذي أخر سنة لي بالثانوي خليني أكشخ عدل زي البنات
وتقوم تبوس راس أمها طلبتك يمه تكفين تكفين
أم جوري : خلاص طيب أمري لله .. بعد المغرب أدق على خالك خالد أخليه يودينا السوق وياويلك لو تسوين لي قلق
أنا ماني نااقصة ياجوري

جوري : كلولولولوييييييييييييييييييييش أبشري يالغااالية كم أم جوري عندي انا وحدة بسس اموااااااح > ترسل لها بوسة طايرة بالهوا
أم جوري : يالله كمل بنتي بعقلها .. استخفيتي ادري ..

وراحت تكمل شغلها بالمطبخ ..

جوري طيرااااااااااااااان على غرفتها وفتحت الاب توب .. وفتحت المسن وحصلت صديقة
روحها لجين .. نطت عليها

~ الحياة حلوة بس نفهمها ~
لجييييييييييييييييييييييييين باركي لي


~ تعلمت أكتم العبرة ولله أرفع يديني ~
هاااااااااااه خير وشو انخطبتي مبررروك مقدما هو بيفكنا منك بس

~ الحياة حلوة بس نفهمها~
وجععع لا وش انخطبت ماانخطبت بسم الله علي .. أمي وافقت افصل مريول للترم الثاني
وااااااااااو واخيييرا بأصير كشخة بعد غربله 12 سنه



~ تعلمت أكتم العبرة ولله أرفع يديني ~
هههههههههههههههههههههههههههههه والله رحمتك ههههههههههههههههههههههه


~ الحياة حلوة بس نفهمها ~
يلا عطيني موديييييييييل أبغى شي غير وكشخه


~ تعلمت أكتم العبرة ولله أرفع يديني ~

إلا جوري شرايك نفصل مراييل مثل بعض ؟ .. ونكلم دانه تفصل مثلنا ونسير أحلى ثلاثي


~الحياة حلوة بس نفهمها~
والله فككره بطله خصوصا إن أجسامنا تتشابه .. أوووووك موافقه

~ تعلمت أكتم العبرة ولله أرفع يديني ~
خلاص أنتي يا أم الذووق صممي لنا موديل نفصله

~الحياة حلوة بس نفهمها~
طيب أوك .. يلا امي تناديني باااي

~ تعلمت أكتم العبرة ولله أرفع يديني ~
بااي

أم جوري من تحت : جووري جوووووووري وينك فيه لي ساعه أناديك الله يهديك
جوري : إيوا يالغاااالية جايه جايه
أم جوري : يلا حبيبتي الغداء جهز وبرد بعد وانتي تهذري على هالصندوق
جوري : هههههههههههههههههههههههه لا تسمعك دانه ترى ماترضى عليه هههههههههههههه
أم جوري تبتسم لبنتها : والله أنتم يابنات هالأيام ماسحب عقولكن غير هالالكترونيات لاب توب وبلاك بيري ومادري شنو
جوري : يا أمي يااحبيبتي .. الحين حنا ماعدنا زي أول صغار ولعب الملاهي يكفينا .. بالعكس نطفش ولولا هالالكترونيات
كان متنا طفش ..


جوري ترفع يدهآ " الله يخلي لنا الياباااااااان لولا الله ثم لولاهم ماندري وش سوينا من الطفش"
أم جوري : كلي بس وخلي عنك هالكلام الفاضي

وراحت تحط لجوري اكلها وتوزع بالصحون وبدأو بسم الله ياكلون غداهم ..

*****************

في مكان ثاني

راكان : أنتي وبعدين معاك ترى طفشتيني كل مره جايبه لي سوق تبغينه ماتلاحظين مسختيها
راما : راكان تككككككككككككفى أنت أخوي الوحيد لو ماتوديني مين يوديني يعني ؟ السواق ومسافر
راكان : لاحول ولاقوة إلا بالله بس ماهو يومياااااااا سوق ارحميني ياراما ماصارت أغراض مدرسة
راما : ركووون حبيبي تبغى أغراض البنات احلى من أغراضي ,, يرضيك يعني

وتبوز وتصد عن أخوهااا > تتدلع عليه
راكان : خلاص تجهزي بعد المغرب بس ياويلك لو تأخرتي والله لاروح واخليك هذاني حذررتك
راما : تبشر تبشر يا أحلى أخو بالدنياااااااااا
قامت وتبوس راسه يلا تلاقي الوالد والوالده ينتظرونا تحت على الغداء
نزلو تحــت ..
أم راكان : لا كان تأخرتوا بعد زيادة
راما : ماعليه ماما بس كنت أبي منه خدمه يسويها لي
أبو راكان : أكيد مافيه غير هالفلفه بالاسواق
راكان : هههههههههههههه وانا وش اللي جايب لي المغص غير هالموضوع تكفى يبه لا عاد تسفر السواق
أبو راكان : عاد لا جات إجازته ماني ماسكه
أم راكان : سموا بالله واكلوا لاحقين على النقاش
أبو راكان : جاتنا المديرة ترانا ماحنا طالباتك
راما : ههههههههههههههههه والله ماما شخصيتك بطلة بس ليش كذا جاادة تكت ايزي باللهي
أم راما : عن الكلام الزايد و اسكتي مافيه كلام على الطعام


*************



وفي مكآن أأخر

دانه : ميساء بليز ردي علي أشتري هالشنطة والا الوردي ؟؟
بسرعه قبل امي تنادينا واسكر الابتووب

ميساء من عز نومها : همممممممممممممممممممممم دانه ياهبلا اسكتتتتي خليني أنام
دانه : ايوااااااااااااااا ماهو حضرتك طول الليل سهرانه تكلمين حبيب القلب
ميساء قامت بسرعه : هووووووووووووووووووووو وش يدريك ؟؟؟؟
دانه : حبيبتي أنا دااانه مافيه شي يتخبى عني
ميساء : لا والله العجوز الساحرة على غفله هههههههههههههههههههه
دانه عصبت : حددددددددددددك التزمي حدودك معاي
ميساء : اقووووووول يلا يلا اقلبي وجهك عني أشوف خليني أكمل نوم
دانه تنرررررفزت : الحين أقول لك اختاري معاي شنطة وتقولين بأكممل نوم !
أمحق أخت والله

وقامت متنرفزه لقت طلال على طريقها .. مرت من جنبه بسرعه وهي زعلااااااااااااانه من أختها
وماكلمته ولا كلمه طلال مد رجله ودانه كانت مسرعه طاحت دانه بقووووووووووووووه على الأرض
وتألمت وقعدت تبكي بقوه ومن القهر تصاااااارخ وااااااااااااااااااااااااااااااااااااااااااااااااا اء اهئ اهئ اهئ
يمممممممممممممممممممممممممممه تعالي شوفي عيالك جننوني اهئ اهئ وتصاااااارخ ..

طلال : ههههههههههههههههههههههههههه قومي يا بنت الحلااال ماشفتك .. أنتي ماكلمتيني زي دايم قلت البنت فيها شي ومديت رجولي بأنبهك اني موجود الا عشانك مسرعه طحتي >>كذاااااب
دانه : اسسسسسسسسسسسكت عني مالي كلام معااااك يالحيوان اهئ اهئئئئئئئئئئئئئئ يمممممممممه
ميساء قامت من النوم مفزوعه : بسم الله وش فيه
طلال : أبد ذي مدلعه بس مديت رجـــــــــــلي وعثرت وطاحت !!!
ميساء فتحت عيونها لآخر شي وتطالعه : بسسسسسسسسسسسسسس !
طلال ضحك : ايه بس فيها شي !

جاء صوت من وراه
أم طلال : طلال والله ان ماتركت هالحركات وتركت خواتك بحالهن لأوريك الشغل
طلال : هههههههههههههههههه يايمه أمزح معها كان هالثور تطيح بقوه مين قال لها تسرع !!
أم طلال تجي عند دانه .. خلص حبيبتي قومي بسم الله عليك قومي والله لاوريك فيه

دانه : اههههههههئ اهئئئئئئئئئئئئ يمه رجلي تعورني
ام طلال : انحنت وجلست عند بنتها وتمسج رجولها خلاص ياقلب امك شوي وبيروح الألم بس لا تصيحين
ميساء : ياعيني على الرقه والنعووومه .. اقول دانوه قومي اشوف عن العيااره
طلال : يمه أنا جوعان الغداء خلص ؟ >> ماهمـــــــه شي

دانه تناظر طلال بعصبيه .. : صدق من قال ماتستحي على دممممممممممك ووقح ووو...
طلال عصب : دانووووووووووووووووه عن طولة اللسان لا اقص لك لسانك فاهمه ماهو لعبت معك خلاص
وصد عنها ببرود ونزل ..


أم طلال : يلا تعالن الغداء تجهز وتسند دانه على كتفها ونزلو الثلاثة ..........



****

بمكان ثاني

لجين : فطوووووووووووووووم وين العائلة الكريمة ؟
فاطمة بملل : أمي تشيك على الغداء .. وفارس ناايم .. و فيصل يلعب بلايستيشن .. و أسيل تتفرج على فيلم

لجين : أحسن مايناسب مودي حاليا أتفرج مع أسيل على فيلم
فاطمة : اففف طفش وش ناويه تسوين اليوم ؟
لجين : شرايك نتعشى مع أبوي بالمطعم اللي مره رحنا له
فاطمة : والله فكرة حلوووووووة بس مو يجي أبوي من الدوام تعبان ؟ ظنك بيوافق ؟؟
لجين : ماعلييييييييييك هالشي خليه عليه وغمزت لفاطمه
فاطمه : ههههههههههههههههههه .. طيب يلا انا باكلم صديقاتي اللي بالمعهد وأنزل للغداء
لجين : أووك اراكي فيما بعد

******



خالد : يمه ماليتي بالله من هالسيرة ؟؟؟؟
أم خالد : ولا راح أمل أبي أشوف عيااااااااااالك قبل اموت ياوليدي
خالد: ياأمي بسم الله عليك جعل يومي قبل يومك .. لا تقولين هالكلام إن شاء الله بس الين اتوظف ويحلها ربك ..

أم خالد : الله يرزقك الوظيفة الزينة وبنت الحلال اللي تسعدك

سديم: أمممممممممممممممممممممممممممممممممين يارب وتفكنا منه

خالد : ههههههههههههههههههههههههههههههههه والله عمري ماشفت وحده ماتستحي على وجهها مثلك ..

سديم : أدري أدري .. وش الجديد يعني
أم خالد : صكككي حلقك يامال الوجع صوتك واصل لاخر الحي
سديم : يممممه انا صوتي عاد كذا ياربي وش اسوي
خالد : كلي سكر نبات يمدحونه للي حالتهم ميتعصيه مثلك هاهاها
سديم مدت بوزها افففففففففففففففف : يعني مستحيل يمر يوم ماتتكلمون علي
خالد : البادي أظلم



*******************

الشخصيــــــــــــــــــآت :
(عائلة فهد بن صـالح بن جاسم ال ...)
أم جوري : وإسمها عايشة عمرها 37 سنــه حنونه حيل وتخاف على جوري مره مره .. ماعندها غير هالبنت ..
جمالها خليجي بحت .. طلقها زوجها لما كان عمر جوري 7 سنوات ..
وسمح لها تاخذ جوري وتربيها ولا فكر ببنته طول هالسنوااات .. بس يرسل لجوري مصروفها مع خالها خالد ..

جوري : عمرها 18 سنة .. جسمها متوازن مع طولها بيضاء وشعرها قاصته الأناناسه الى نص ظهرها
ولونه أسود .. وعيونها بني ..جذاابه حيل عيونها وساع وخشمها صغير وفمها صغيروجمييييله من يوم كانت صغيرة
وفيها غمازه على خدها اليمين ^_*.. تهتم بنفسها وكشختها حيل
بس هالشي يمنعها احيانا بحكم ظروفهم المادية .. يعني ماتلبس ماركات عالمية وكذا لا عادي لبس حلو وشيك أهم
شي عندها .. أمها مانعتها تحط مكياج و هالخرابيط .. والباقي تعرفونه من خلال الروايه ..



( عائلة أبو طلال " عبدالعزيز بن ناصر ال .." وهم جيران أم جوري ويعرفونهم من قبل لا أبو جوري يطلق أمها)
أبو طلال : متوفي
أم طلال : وإسمها نورة عمرها47 .. حنونة حيل على عيالها وطيوبة وقلبها كبييير
.. توفى زوجها وحزنت عليه كثير ..وقررت ماتتزوج وتربي عيالها ..جمالها عادي جدا ومحليتها اخلاقها
وطبيتها اللي يشهدون لنا بهالشي اعدائها قبل احبابها

طلال : أكبر عيالها عمره 24 سنه ,, يدرس بالسنة الأخيرة من الجامعة تخصصه تمريض ..
طويل وجسمه رياضي .. بشرته سمراء سمار خليجي بحت .. وعيونه واسعه ونظرته حااده اللي مايعرفه زين يقول
هذا شراني وراعي مشاكل وهو بالعكس حنوووووووووووووووووون مره بس مايوضح .. ..
يعشق كرة القدم ..شخصيته قوية حيل .. لأنه تحمل مسؤوليته أمه وأخواته من يوم كان
صغير .. باارد ومايهمه شي .. بس لا عصب أبعدو عنه ,, وغيووووووور على خواته وأمه
والباقي تعرفونه من الروايه

ميساء : عمرها 21 سنه .. تدرس بمعهد كمبيوتر .. لأنها ماجابت نسبة بالثانوية العامة ,,
ومملكة لولد خالها محمد ..وخطبتهم كانت عن حــب من طرف واحد (محمد) .. طيووبه حيل
جمالها نعوووم ,, كأنها أسبانيه ماكأنها خليجية أبدا .. شعرها طويل وقاصته مدرج ,, عيونها
صغيرة وخشمها سيف ,, لون عيونها عسلي فاتح .. وجسمها خياااااال ورومانسيه لأبعد درجة


دانه : أختهم الصغيرة والمدلعه .. عمرها 18 سنة صديقة جوري من يوم كانوا أطفال وقضوا أيام
الابتدائي والمتوسط والثانوي كلها مع بعض ,, وتعتبر جوري اختها الثالثه .. دانه ملامحها طفوليه حيل يعني
جمالها طفولي ..وناااااااااااااعمه ,, بس لا تعربجت ابعدووو عنها واتحاديه من الصمييييييييييييم مثل جوري ..



( عائلة أبو راكان .. اللي هـــــــــــــــــــو !!!!!!)





!!!!!!!!!!!!!!!!!!






















فهد بن صـالح بن جاسم ال ...


عرفتوووووووه ؟؟؟

أيوا صح أبو جـــــــــــــــــوووووووووووري
وعنده من حرمته الثانيه راكان وراما
فهد : أبو راكان وعمره 55 .. غني مررره ومو واضحه عليه علامات كبر السن لوسامته و اهتمامه بنفسه
شديد مره ولا يهمه شي .. بس همه فلوسه ومصالحه ..

أم راكان : واسمها حنان مديرة ثانوية .. عمرها 45.. جميلة مرره .. شعرها قصير و ملامحها جذاابه
وتهتم برشاقتها ونفسها .. أهم لا عندها شغلها وعيالها ..


راكان : عمره 23 .. يدرس بالجامعة سنة ثالث قسم تمريـــــــــض .. وسيييييييييييييم مره
طويل و جسمه متناسق .. يهتم بالرياضه وصحي مره .. شعره كثير وعيونه وساااع و فيه غمازه على اليمين
مثل خوااته ..
راما : عمرها 18 سنة .. تدرس بمدرسة أمها .. دلووعة حيل .. وحبيبة الكل أمها وأبوها وأخوها
حساسه مره ,, وآخذه الجمال من أمهــا .. جميله بالرغم من صغر سنها .. شعرها قصير فكتوريا
وملامحها جذابه خشمها سيف وصغير وفمها صغييير وعيونها وساع ورموشها كثيفه .. وفيها غمازه مع اليمين
مثل غمازة جوري !!! ^_*


***********************

( عائلة سعود بن سالم ال ... )
صــديق أبو راكان الرووووووووووح بالروووووووووح

سعود أبو فارس: عمره 60 سنه .. رجال غني مره وطيوب وقلبه كبير ويهتم بمسؤولياته بعكس أبو راكان
.. ويحب زوجته ويقدرها .. ويعتبر جوري من ضمن بناته .. وجوري ماتدري انه يصير صديق أبوها !!

أم فارس : اسمها فاتن ,, طيبه وعلى نياتها .. أهم شي عندها راحة زوجها وعيالها .. طويله
ونحيفة .. جمالها بسيط بس تهتم بحاالها ,, وبينها وبين أبو فارس حب ^_*

فارس : عمره 27 سنه .. وسيم وسيم وسيم أتعب وأنا أقول وسيييييييييييييييم ,, يشتغل بشركة أبوه
معه بكالريوس إدارة أعمال وهو مدير أعمال أبوه .. حنون على خواته حيل وحريص عليهم ,, بس عصــبي
واذا عصب لا حد يجي بوجهه ! ..

فاطمة : عمرها 23 .. متخرجه من الجامعه تخصص عربي وداخله معهد حاسب ..فاطمة جمالها طبيعي مره
ماتحب تحط ميك اب الا بالزواجات واساسا ماتحتااج لهالشي .. شعرها بني غاامق - صبغه- وعيونها عسلي غامق
وقصيره وجسمها روعه ..خشمها سيــف و فمها مثلث صغنون يدنن .. وحواجبها كثيفه .. والكل يناديها النجلاء
لان عيونها وســـــــــــــــــــــــــــــــآع ..
لجين : عمرها 18 سنه .. تدرس مع جوري و دانه صف 3 ثانوي .. عربجيه حييييييييييييل بس لا تنعمت أبعدو عنها
وتحب الاكشن ودايما يسير لها مواقف بسبب خباااااااااااااالها تابعونا وتعرفون كل شي ^_*

فيصل : عمره 17 سنه .. 1 ثانوي لانه يرسب وكسلااااااااااااااان ودمه بارد فوق ماتتخيلون .. يحب يعاند خواته
ودايم هو ولجين يد وحــده .. ينكدوون على أسيل .. وكل البلاوي من تحت راسهم خخخخخخخ ..
أسيل : عمرها 15 سنه .. ثالث متوسط .. دلوووووووعه وحساسه .. ودايما لجين ترفع ضغطها وتنكد عليها
هي وفيصل ,, دمعتها جااااااااااااااهزة ,, بس دلوعة فارس ومايرضى على زعلها ,, ملامحها طفولييييييييه
وناااعمه ,, لو احد يدفها تموت من النعومه خخخخخخخ .. والباقي تعرفونه بأحداث الروآية ^_*









( عائلة عبدالوهــاب بن خالد ال ... )



الجدة أم خـالد : عمرها 80 سنة حنووونه وقلبها كبير وعندها العوايد والأصول لازم تنطبق بكل بشي
وهالشي مجنن سديـم ,,
وعندها بنتين وولـد

البنت الأولى : أم جوري - سبق التعريف بهـآ-

خالد : عمره 28 سنة .. متخرج بكالريوس حاسـب من الجامعه .. ومثل غيره من الشباب يستنى التعيين .. شخصيته حلـــــــــــوة حيل .. وهو حبيب البنات ع مايقولون يعرف من وين يجيهم ,, متفااهم
مرره ,.. بس اللي بيجننه يقول له تزوج !!! شفتو هالتناقض خخ ..مقهوور على ابو جوري ويفكر بالانتقـآم !!!!
جمــاله رووووووووووووووووووووووعه ,, بشرته بيضـاء وعيونه واسعه ,, لون عيونه عسلي غامق
شعره كثير وأسود ,, طويــــــــــــــــــــــــــــــــــل بزيادة .. وجسمه خقق..

سديم : عمرها 21 سنــة ,, تدرس إدارة أعمال بالجامعة ,,دبدوبه حبتين ,, بس فيها جممال من جمال
أخوها ,, وشعرها قاصته مثل جوري الاناناس ,, وخدودها تهبل .. وعيونها وســـــــآع وعسلي غامق ,,
وفيها شبه كبير من خــآلد ..



والباقي تعرفـونه بالروآيــه ...







.....




* رأيـــكم مقدمآ بالروآيــه ؟
* درجــة الحماس عندكم وصل كم من 10 ؟؟
* الكاتبه تقبلتوني وإلا أنا ثقيلة دم ؟؟
* توقعــــــــــــــــآتكم مبدأيــآ ؟؟


وإن شــاء الله قريبا أنزل البارت الثـآني



( لآتحرموني من روعة ردودكم وتشجيعــكم لي )



أختــكم / أنجــل ..



اسعار المنتجات في السعودية



المشاركات

ولآء ولآء
" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى


مررررررره حلوهـ الله يسسسعدك


بصرآحه مششوقه ..


آديكي عليها 10/10



انتظرك يالغلا


الـــداااانــة الـــداااانــة
" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى


روووووووووووووووووووووووووووووووووووووعه 10/10

حماااس

وعوااااااااااااااااااااااااافي خييتو


رومانسيه بطبعي $ رومانسيه بطبعي $
" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى


بـــــــــــــــآكــ ..

وصــل البآرت الجديد لعيــون اللي يتابعـوني


البــــــــــــــــــــــــــــــــــــــآرت الثــآني




العصريـــــــــــــــــــة :


طلآل : أنتو الحين خلصتو أغراض المدرسة وإلا لا ؟ ..
دآنة وهي لهالحين مبوزة : مالي خللللللللق أشتري .. أبي أشتري من النت بس أنتو أعطوني فلوس
طلآل : وش فرق النت عن الأسواق العادية يعني ؟ والا السالفه نكادة ؟
دآنة : لا نكاادة ولا ششي .. بس النت أحلى وأنظف و اسعارهم معقولة وأهم شي أرررررررررررررررررريح

ميساء : طلال أنت ماتعرف دانة هذي بنت النت ههههههههههههههههههههه
دآنة وهي تضحك : هو بس يفكني من وجهكم هههههههههههههههه

أم طلال : والله إنك ماتستحين على وجهههك .. لا وتقولينهآ قدآمنآ لا حيا ولا مستحى !!
دآنة تلعثمت : يمممممممممممه الصراحة ماتزعل .. وبعدين أنا ماأقصدك أنتي دنيتي كلهااا أقصد اللي عااااااااااااااااااااارفين نفسهم
وهي تبتسم بخبث ..

طلال : قام بسرعه بيخوفها اتركووووووووووووووووني عليها قليلة الحيا امسكووووووووووووووووووووها لي
دانة وهي تجررررررررررررررري مع الدرج : ههههههههههههههههههههههههههههههههه تبطططططططططططي ماتلحقني يالزول

ميسـاء تلف على أمها : اففف انا مادري أنتي عندك بزران والا ناس كبار طافت ال 17 سنة !
أم طلال وهي تضحك : الله يخليهم لي والله إنهم زينة البيت ..
ميساء ترفع حاجبها : يممه ماكأنك نسيتي أحد ..؟؟

أم طلال بخبث : لا مانسيت أحد .. ذكريني !!!!

ميســأء وهي مسويه انها زعلانه : طيب أنا بأطلع فوق عندي أشغال
أم طلال : ههههههههههههه والله مادري منهم البزران اللي أقل شي يزعلهم !
ميساء : لا مو قصصصصصصصصدي يمه بس حسبتك جد نسيتيني !
أم طلال : أنتم كلكم بقلبي ماأنسى أحد .. ماكو أم تنسى عيالها
قامت ميساء : وباستها على راسها الله يخليك لنا وجعل شمسك ماااااااااااتغيب يالغاااااااااالية قولي أمين

أم طلال : آمييين واللله يحفظكم لي يابنيتي





*******************






أم جـوري : جوري جــــــــووووووووووووووري جووووووووووووووووري

جـوري من بين دولابها المعفوس قاعده ترتبه من جديد قبل يبدأ الفصل الدراسي الثاني


جوري : هلاااااااااااااااااااااااااااااااااااااااااااااااا ااا

أم جوري : إنزلي بسرعه أبي أكلمك

جوري : يوووووووووووووووووووووووووووووووووه يمه ماقدر اتحررك والله حواليني اغراض كثيررررررررررررررررة

أم جوري : يابنت اقول لك تعااااالي بسرعه أبيك بكلمة وبعدين ارجعي لجحرك

جوري ياربببببببببببببببببببببببببببببببببببي يالهالحوسه الحين كيف بارتب لحالي ياليت عندي اخت تسااعدني اهئ اهئ

جوري : يمه طيب جاااايه


قامت جوري تجري الين ماوصلت عند أمها آآآآآآآآآآآآآآآآآمريني يالغالية ؟؟

أم جوري : مايامر عليك عدو .. أنا عندي كم شغلة بأروح أقضيها وأرجع للبيت .. دقي على بيت جدتك وكلمي خالك خالد يودينا السوق بعد المغرب

جوري وهي تأشر على خشمها : أبشري على هالخشـــم

أم جوري : الله يبشرك بجناته .. يلا أجل بحفظ الله

جوري : الله يحفظك ياقلبي


ولفت على المطبخ وسحبت لها عصير ليمون .. وطلعت فوق لغرفتها تكمل شغلها وحوستها .. وهي بين حوستها افتكرررررررررررررت انها ماداتصلت على خآلها خـالد !!
يووووووووووووووووووووووووووووه نسييييت ياويلي من أمي .. وأنا وبعدين مع هالنسيـان اللي شغل مخي !!

أكيد فيه شي مهم أفكر فيه هو مسبب لي النسياااااااااان كله .. آهــــــــــــــــــــــــااا عرفت !!

يــــــــــــــآرب سآعدني وساندني .. نزلت منها دمعه حااااااااااااااااره على خدهـــا ومسحتها بقوه وعنف وهي تصرخ مابغغغغغغغغغغغغغغغى أبكــــــــــــي !!!
ماهو جـوري بنت فهد اللي تبكي !!


راحت عند التليفون واتصلت على بيت جدتهــا ...............


شوية وجاها رد

سديم : الوووووووووووووووووووووووووووووووووو
جوري: الوواات كيفك خالتوو ام صوت عاالي

سديم : ياليييييييييييييييييل حتى أنتي يالنتفه تعايريني !
جوري : نتفه بعيييييييييييينك .. خالو خلودي عنددك ؟؟؟
سديم : اييييييييييييييه وش تبين منه ؟؟؟
جوري : مالك خصصص واقلبي وجهك وعطيني اياه
سديم : لاااااااااااااااااااااا
جوري : سديمووووووووووووووووووووووووه
سديم : سديموه بعينـــــــــــــــــك .. إنطقي اسمي زين أول شي
جـوري : سدييييييييييييييييييييييييييييييييييييييييييمووووو ووووووووووووووووووووووووووووووووه
سديم : اااااااااااااااااااااااي اذني انفجر اااااااااااااااااااااااااااااااااه

وتنادي خالد خاااااااااااااااااااااالد خاااااااااااااااااااااالد تعال كلم الفقمه بسرعه لا تاكلني



خالد يضحك ههههههههههههههههههههههههههههههههههههه تستاهلين مايبرد كبدي فيك غيرها

سديم وهي معصبه : اهئ اهئ ياربي انتوووووووووووو ليه ماتحبوني وش سويت لكم أنا هااااااااااه !!

خالد : اقلبي وجهك هناك وهاتي السماعه

الوووووووووووو

جوري : هلا خالووو كيف حالك ؟؟
خالد : هلا بقلب خالها .. بخير يابعدي أنتي شلونك وكيف حال أمك
جوري : أنا بخير الحمد لله والوالدة طيبه ماعليها .. خالوو انت فاضي اليوم ؟؟
خالد يحط راسه : اليوووم اليوووووووم اليوووووووووم
جوري : همممممممممم ها عندك شي ؟
خالد بيرفع ضغطها : اليوووووووووووم اليووووووووووووووم ؟؟؟؟
جوري : خاااااااااااااالووو يلا عاد فاضي والا لا
خالد : ايه فاضي .. ليه .؟؟؟؟؟؟
جوري : وااااااااااااااااااااااو الحمد لله .. عشان بأرجع مريوولي اللي أمي اشترته لي أمس .. وبأشتري قماش بأفصل
خالد : أهااااااااااا طيب خير ان شاء الله ,.. متى تبغين أوديكم ؟
جوري : فديت خااااااااااااااااااااااالي أناااااااااا .. بعد المغرب ماعليك أمررر
خالد : أبشري يابنت الغالية ...
جوري : طيب يلا بااي
خالد: الله يحفظك



جوري بعد ماسكرت من خالها .. أدري ياخالي إنك تجاملنا وإننا كلفنا عليك أنا وأمي كثييييييييييييييييييير ..
بس تأكد إن سـاعة الفرج قربت !!!

قـــــــــــــــــــــربــــــــــــت كثيــــــــــــر ياخــال !!

نزلت منها دمعهـــ حــــــــــآرة على خدهــآ مرهـ ثآنيــه ..


وبدت تفكــر بجديـــه باللي ببالهــــــــــــــآ !!!





*******************************


عائلة أبو فـارس وهم جالسين بالصالة يتفرجون على لعب فيصل على البلايستيشن ..
ويشجعوونه ويتقهوون ..


لجيــن : فارس بسك قهوووووووووووووووه
فارس: مصدع يابنت الحلاااال خليني أروق
لجين : طيب اليوم توديني السوق ؟؟؟ تكفى أبي أشتري الشووز السبورت اللي شفتها المره اللي فاتت .. أخذت قيمتها من أبوي
فارس : رووووووووحي لأحد غيري يوديك والله ماناي فاضي لك
لجين بوووزت : فااااااااارس تكككفى طلبتك عاااد .. فطووووووومه ,.. أسوووووووووله ماتبغون تشترون أنتوا بعد ؟؟؟ يلا اشحدووووه معاي >> ههههههههههههههههه خبله البنت
فارس : هههههههههههههههههههههههههههههههههههههههههههه والله إنك خبله .. على الله على الله يعطينا ويعطيكم الله
أسيل تكلمت بدلع : انا واللهي أبغى مناكير لون ببالي محدد .. ماأدري أحصله عند فافافوم أو لآآ !
فاطمة : وأنا شفت بلوزه تهبل عند زارا .. وناوية أشتريها اليووووووووم ان شاء الله ,, تكفى فارس طلبتك لا تردني ودنااااااااااااااا
أسيل : فارس اش هذااا ودناااا
لجين : أسيييييييييييييل تكفين تعبتي عمرك مره .. اسكتي وصكي فمك الله يرحم والديك الحين يهون ههههههههههههههههههههههههه
أسيل ودمعتها على طرف رمشها : مالك دخل فيااا فاهمه !!!
لجين : يااااااااااااااااااااااااااااااااااي ابكي ابكي يالبيبي هههههههههههههههههههههههه والله انك بززززززززززززززره
فارس تنرفز من لجين مايرضى على أسيييييييييييل : لجيــــــــــــــــــــــــــن ! .. قسم بالله ما وقفتي مهزله على أختك ماتشمين ريحة السوق فاهمه !
لجيـن بخرعه : أوك خلاص سكتناا .. وحطت يدها على فمها بمعنى إني سكتت
فاطمه كاتمه ضحكتها وتحرك حواجبها بغيض للجيـن المقهوووووووووووووووورة .....




****************



في بيت أبو راكان كان فيه نقاش حاااااااااااااااد بين أم راكان وأبو راكان ..

أم راكان : لا والله ! .. وانا إلى متى بأظل أتحمل زلاتك وأخطائك اللي ما تننسى !
أبو راكان : حناااااااااااااااااان بس تراك فجرتي راسي .. قلت لك خلاص هذي آخر مره اسويهــآآآ .. لا تقعدين تحنين على رااسي
أم راكان بقهر : وإن سويتها مره ثانية يافهد ؟؟؟ وش أسوي معك !!!
أبو راكان بعصبيه : أشــــــــــــم ريحة تهديد!!! .. ماهو فهد بن صالح اللي يتهــدد فاهمه !
ويلا تراني عطيتك وجـه اطلعي من المكتب خليني أكمل شغلـــــــــــي ..


طلعت حنان وهي معصبه من المكتب وضربت الباب وراها بأقوى ماعندهــــــــــــآ .. إلى متى وهو مستمر بهالطريق ولا يقدر مشــأعرهآآ .. ولا يخــآف ربــه !!!


لقت على دربها راما رافعه التلفزيون لآخر صوت وتتفرج على كلام نوآعــم ..

أمها : راما وطططططططططططي على الصوت أنتي الثانيه ,, وماعندك أشغال غير تقابلين هالفارغات ؟؟
راما : ماما الله يخليكي والله طفشااااااااااااانه ويعجبني نقاشهم .. ع الافل احسن من الجلسه لوحدي
أمها رحمتها : طيب حبيبتي .. وين راكان .؟؟؟
راما وبالها مع البرنامج : ناايم عشان بيوديني بعد المغرب للمول .. تروحي معانا ؟؟؟
أمها : لالا أنا مشغوله .. أهم شي انتبهوا على نفسكم زييين ..
راما : ان شاء الله ماما ..................

ورجعت راما تكمل برنامجها المفضـل وهي متحمسه ... وقدامها أنـــــــــــــــوآع الحلويات والشيبســآت .. والرفآهـيه والـتــرف .. ومرووقه بعد ماكلفــت الشغالـة ترتب لهـآ غرفتهـــآ !!







*************************************






هارون : ماما أنتا في كلام أنا مليون مره انا كلام أنتي مافيه وقت خيط حق بنت انتي مريول
ام جوري : يعني وين باروح مافيه خياط بالحي غيرك ,, تعوذ من الشيطان بس ووافق
هارون : انا كلام واللهي مافي عيد .. انتا شوف محل كله مراييل زحمه كتير معليش ام زوري >> هههههههههههههههههههههههههههههه
ام جوري : الله يهديك بس


راحت تمشي وهي شايله هم من بيخيط لهآ ماتثق إلا بهارون .. بحكم خبرته بالخياطه 20 سنه .. والحين يقول زحمة مراييل ! ..
فكرت تكلم أم طلال وتسألها .. لانها مره سمعتها تطري خياطه أسعارها معقولـه من الجنسية الأفغانية .........................







بعد المغـــــــــــــــرب :





جـوري لابسه عبايتها وواقفه عند الباب .. افففففففففففففففف اشفيــه خالي تأخر كذذآ مو من عأأدته !!

أمها : يمكن عنده شغله وراح يقضيهــآ ,, خلي عندك صبر يابنت الحـلال ,,


دق جــوال أم جـوري .. اللي كانت لجيـــــــــــن تدق .. (جوري ماعندها جوال) .. ردت جـوري اللي كانت ماسكه جوال امها ..

جوري : هلااااااااااااااا والله وغلا
لجين : هلا فييييييييييييييييييييك يالكشيخه كيف حااالك وكيف حال الوالده
جوري : الحمد لله تمام .. أنتي كيفك ؟
لجين: بخير وأنقزززز هععععععععععععععع
جوري : ههههههههههههههه دوم النقزان .. خلصيني وش بغيتي
لجيـن : أبسألك .. رايحة للسوق اليوم ؟؟
جوري : أأه حطيتي يدك ع الجرح اهئ اهئ
لجين : جوجو بسم الله عليك اشفييييييييييييييييييييييييييك ؟؟ وتصارخ بهبال اووووووووووووووووووووف جوجو تبكي ياويلييييييييييييييييييي
جوري : ههههههههههههههههههههه وجع ياخبله تستهبلين !
لجين : اش سالفتك انتي ؟؟؟ بتروحي السوق والا لا ؟؟
جـوري : إيييييييييييييييييييه بس خالو خالد لسى مــاجـــآآء .. تآخر علينا انا وأمي قال بعد المغرب بأجيكم .. ولسى ماجــاء ..
لجيـن قلبها رق لصديقة عمرها بس ماحبت توضح لأنها تعرف جوري غلا غن احد يوريها الشفقه : جـوجو حبيبتي ماكأننا زمان مانزلنا المول مع بعض ؟؟؟؟؟؟؟؟؟؟؟؟؟؟
جوري بتفكير : ممممممممممممممممم اش قصدك ؟؟؟؟؟
لجين : فارس اخوي بيودينا المول أنا وفطومه واسوله .. روحي معانا أنتي وأمك الله يخلييييييييييييييييييييييييييييييييييييييييييييييك طلبتك جووجي الله يخليييييييييييييييييييييييك
جوري :لالالا صععبه والله مره واحتمال أمي ماترضى !
لجيـن : جوجو تكفييييييييييييييييييين وأمك خليها علي أنا اكلمها ..
جوري بقلة حيلها : أوووووووووك لحظه ...

بهالوقت جاها اتصال ثاني من خــآلها خالد .. واعطت لجين انتظار .. وردت بعتاب

جوري / الووووووووووووووووووو
خالد : هلا جوري اسمعي معليش حبيبتي اليوم ماقدر اوديكم السوق .. جاتني شغلة طارئه والله يوم ثاني ان شاء الله
جوري بزعل من غير ماتوضح لأنها تعرف قلب خالها الطيب : خلاص خالووووووووو لا تشيل هم اووك
خالد : طيب يلا انتبهوا على نفسكم مع السلامة
جوري : مع السلامة

رجعت الخط ..

جوري : لجين استني أكلـم ماما ..
لجيـن بعصبيه : وووين كنتي كل هالوقـــــــــــــت !!!
جوري : اكلم خااالو خالد ,, توه دق واعتذر انه عنده شغلـه
لجين : اوووووووووك يلا بسرعه
جوري .....

يممممممممممممممممممممه خالي خالد دق واعتذر .. عنده حـاله طارئه مايقدر يجينــا

ام جوري بتعب ,, طيب يابنيتي .. خلاص حتى أنا اليوم تعبانه يوم ثاني غن شاء الله


جـوري : لالالا يمه لجين ع الجوال تبغانا نروح معهم المول ,, هم رايحين رايحين يعني المشوار واحـد ..
أم جـوري : لا ياقلبي مانبي نكلف على النــاس ..
جوري : يممممممممممه الله يخليك .. أنا احب اروح للمول مع البنات لا ترديني تكفيييييييييييين
أم جـوري : طيب هذولا البنات زي خواتك ومااخاف عليك دامك معهم ..


نطت جوري اموووووووووووووووووووووووح تبوس أمهـــــآ ...

ردت للجوال ::::


جوري : لجوووووووووووووووووونه أمي وافقت واااااااااااااااااااااااااااو ونااســـــــــة
لجين نطت من الكنبه وتناقز بالصالة : جــــــــــد ؟؟؟؟؟؟؟؟؟؟ وااااااااااااااااااااو يلا دقايق ونمرك
جوري : أوووووووووووووووك انا ع الباب من سآعه ..






.......................






فآرس بعصبيه : وأنتي وش بلاك تصارخين زي الهبلا !!!!!!!!!!!!!!!!!!
لجين بخرعه : ممممممممممممممم جوري بتروح معنا وانا مستانسه
فارس : وجوووري بتروح معنا .. وخير !!! .. ماهو أول مره تروح
لجيـن : ادرري بس والله ياخي وناسه هههههههههههههههههههههههه
فارس: الحمد لله ع نعمة العقل !!



اتصلت أم جوري على أم فارس .. وبقلب كله حنيه على بنتها

ام فارس : هلا وغلا بأم جوري
أم جـوري : هلا وغلا فيك حبيبتي كيف حالكم
أم فارس : بخير ياخيتي أنتي كيف حالكم وكيف حال بنيتك
أم جوري: الحمد لله مانشكي باس .. بس أنا داقه ابيكم تديرون بالكم ع بنتي بتروح مع بناتكم للمول .. وخلي فارس وليدي الله لا يهينه ينزل معاهم
أم فارس: أفا عليك يام جوري وش هالكلام .. بنتك مع خواتها ولا توصين حريص ,, وفارس مو من عادته يخليهم بالسوق لوحدهن اكيد بينزل معهن ,. تامرين شي ثاني ؟
أم جوري بإمتنان : لا سلامتك حبيبتي .. الله يحفظكم
أم فارس : أمين يالغالية .. وإياكم




.................



















وانتهى البـــــــــآرت الثاني


توقعاااااااااااااااااتكم ؟؟؟؟


- وش بيصير بالمــول ؟؟؟
- وش الشي اللي ماخذ تفكير جــوري ؟؟
- الخياطة الأفغانية بتوافق تخيط لجـوري ؟؟ وهل لها حكايه معهم ؟؟؟
- وش الشخصيات اللي حبيتوهــآ ؟؟








أتمنى أعجبكم البااارت ..


وانتظروني ببارت جديد بإذن الله

أختكم أنجــــــــــــل ..











ولآء ولآء
" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى


حسسسسسسسسيت انو ام جوري بيصير لها شئ بس لا ان شاء الله


وبتصير مشكله مع راما وجوري ويعرفون انهم خوآت


حمامة الرمان حمامة الرمان
" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى


يسلمووووو


الـــداااانــة الـــداااانــة
" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى


عوااااااااااااااااااااااااااااااااااااااااااااافي خيتو روعه

اتوقع جوري راح يصير لامها شيئ و تعيش مع ابوها

والخياط راح يخيط مريول جوري

ومووووووووووووووفقه


رومانسيه بطبعي $ رومانسيه بطبعي $
" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى


المشاركة الأصلية كتبت بواسطة ولآء
حسسسسسسسسيت انو ام جوري بيصير لها شئ بس لا ان شاء الله


وبتصير مشكله مع راما وجوري ويعرفون انهم خوآت

هلا وغــلآ

امممممممم يمكن يكـون توقعك صحيح .. ليش لآ

تآبعينـى وشوفي ..


منورهــ حبيبتــي


رومانسيه بطبعي $ رومانسيه بطبعي $
" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى


المشاركة الأصلية كتبت بواسطة الـــداااانــة
عوااااااااااااااااااااااااااااااااااااااااااااافي خيتو روعه

اتوقع جوري راح يصير لامها شيئ و تعيش مع ابوها

والخياط راح يخيط مريول جوري

ومووووووووووووووفقه
حمآمة الرمــآن / الله يسلمك منورهـ غلأتي ,,


الدآنـــــــــه / هــــــــــــلا وغـــلا نورتــي دنــون
الــآروع مروركــ ومتابعتك ي قلبــي .. مممم يمكــن توقعك يكــون صحيح .. تآبعينــآ وشوفي ^_*
وإيــآك حبيبتــي




نـورتـوني


ولآء ولآء
" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى


ننتظرك والله شوووقتيني ..~


موضوع مغلق

تم غلق المشاركة على المواضيع القديمة، ولكن يمكنك فتح موضوع جديد للمناقشة او الاستفسار والمشاركة.


Share

" غمآزتكً بالخًـد يـآهي مصيبه.. ! لآ ورب البيـتً رآآس المصآآيــبُ " - روآيتي الأولـى




بشرى سارة لكافة عضوات ورواد منتديات العرب الفراشة حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق elfrashah.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وسوف يتم نشر 500,000 ألف موضوع 5,000,000 مليون مشاركة وأكثر من 2,000,000 مليون صورة ما يقرب من 5,000 GB من المرفقات وهي إجمالي محتويات منتديات الفراشة للاستفادة منها والتفاعل معها كحق اساسي لكل عضوة قامت بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, منتديات الفراشة على Facebook