معجنااتي طريقتها وصورها جووا حيااكم

السلاام عليكم ورحمة الله وبركاته
كيف حالكم كلكم ؟؟
بصراحه مافحالي أكتب الموضوع بس قلت إمكن وحده صايمه تسويها وتدعي لي
طبعا ولله الحمد والمنه قدرت ألقى العجينه اللي تعجبنا انا وزوجي ومن رمضان اللي فاات وأنا ماأسوي غيرها
>> طبعا ضاعت الورقه اللي فيها الطريقه وضيعتها بس ولله الحمد والمنه إني رجعت ودورت ع الطريقه في النت لين لقيتها
وطريقتي ^_^
المقااديرر . .
3 أكواب صغيره (أنا أستخدم كأسة الجبن ) دقيق فااخر
4 ملاعق كبيره حليب بودره
1 فنجال شاهي زيت وسكر
1 ملعقه كبيره بكينج بورد و خميره
1 ملعقه صغيره ملح
بياض بيضه والصفار خليه حتى تمسحين ع المعجنات بعد ماتشكلينها قبل لاتدخلينها الفرن
ماء دافي للعجن
الطريقه . .
حطي المقادير كلها ماعدا الماء في العجاانه وشغلي عليها شوي حتى تنخلط مع بعض بعدين حطي عليها مويه شوي شوي بس
لين ماتجييك ماهي قاسيه مرره ولا لينه مره الي تقدرين تشيلينها وماتنفلت من يدك لأنها كل ماكانت عجينتك لينه كل ماكانت معجنااتك طريه وحلووه
وخليها تعجن 10 دقاايق وأكثر إذا فحاالك
طبعا أنا هذي عجاانتي قلت أوريكم صورتها هدية أم ي وأب وي لما تزوجت
لأني مره صلحتها في الكبيره طلعت مرره معدوومه
وبعدين خمريهاا سااعه
وشكليها ع اللي تبغينه وبعدين دهنيها بصفاار البيضه وحطيها في فرن تكوونين مولعته من قبل حتى يحمى بس من تحت وبعد ماتستوي ولعي النار اللي فوق حتى تحمر
أنا هنا سويت بيتزاا بس إني حطيت جبنه كرفت سائله وصارت كأنها محروقه بس ترى طعمها حلو
وسويت بجبنة طعمه >> أنصحكم تجربوونها مره روعه مع المعجناات
وسويت شكل ثااني بس بعد ماطلعته من الفرن حشيته ( جبن سائل+جزر مبشور+شووي كمون+بقدوونس )
>> هذي كنت مسويتها لزوجي لأنه يحب الحشوه هذي قلت بس بأخذ لي قطعه بذوقها طلعت مره روعه
وهذي صور معجنااتي حيااكم يالغواالي
وياسلام لما يكوون معها فنجاال شااهي
إن شاء الله تسووها وتعجبكم وتقولوا لي رأيكم فيها ..^_^..
تقبلووا مني خاالص مودتي وإحترامي