الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
قلب الماجد ونبض الفيصل
10-10-2022 - 07:52 am
تزينت وتكشخت بتروح لزواج شوفو ايش سوا زوجها
في وحده معزومه على زواج ويوم الزواج قامت الحرمه
وتروشت وتنظفت وسرحت شعرها احلى تسريحه
وسوت مكياج حلوومرتب ولبست احلى فساتينها
وتعطرت وتبخرت وبعد ماخلصت اتصلت في زوجها
وقالت له اني خلصت
قالها زوجها دقايق واكون عندك شوي
واصلا زوجها قدامها
الرجال يوم شافها اعجبته لان المسكين مايحصله
يشوفهامرتبه الا في المناسبات
المهم طلبها زوجها تترك الزواج وتقعد معاه
وقال ابي اخليها احلى ليله وراح اعوضك عن الزواج
قال لها اقعدي وياي ونستانس ونسهر ونجيب عشاء من المطعم الزوجه وافقت
قال لها زوجها ابي اروح اجيب العشاء عشان مااطلع
راح الرجل مستعجل وجاب العشاء ودخل بيته
شنو شاف قدامه
v
v
v
v
v
v
v
v
v
v
v
v
v
الحرمه فاصخه فستانها ولابسه قميص قطن وغاسله المكياج وفاكه التسريحه وحاطه
في شعرها زيت ورابطته
الرجل عصب وسألها ليش غيرتي ملابسك
وليش سويتي في نفسك كذا
قالت الفستان ضايقني وغسلت المكياج
ماله داعي وزيت شعري عقب الرغوه والاستشوار
تصدق توي احس في الراحه يوم لبست هالقميص
قام الرجل يصرخ عليها وقالها الزينه بس للناس
وانا زوجك ماتهتمين فيني
وقال لها والله ماتذوقين العشاء والحين تروحين قدامي للزواج
وتدخلين عليهم كذا وانتي في شكلك هذا والا ماراح تقعدين في البيت
حاولت فيه الحرمه ماقدرتلانه حلف
وفي النهايه مالها حيله قامت ولبست عبايه ودخلت في الزواج
كنها شحاذه وتركها الين اخر الليل وكل اللي في العرس شافوها
هي اقعدت في عبايتها مافصختها ....... (سوى احراج لزوجته ...)
ايش رايكم تستاهل ولا لاء


التعليقات (8)
همسة دودي
همسة دودي
هلا وغلا فيك اختي هههاههه ههه يوه وربي احراج مره بس هي غبيه يعني المفروض فهمت زوجها وانه اعجب بشكلها وولا ماكان قالها كذا بس في النهايه الزوج والله ظلمها مهما كان مايسوي فيها كذا يخليها تروح وهي حالتها حاله لأن اصلا اذا شافوها في الزواج بيقولون شوفوا زوجة فلان يعني حتى هو فشيله عليه

كوريه ميه ميه
كوريه ميه ميه
ام كل الاثنين غلطانين
هي غلطانه في حقه وهو اولى من الحاريم في كشختها وزينها
وهو غلطه اعظم من غلطتها وتصرفه مره سيئ ومافيه اسلوب
ولوكنت مكانها كان رحت لبيت اهلي بصراحه اصرف

ميار2008
ميار2008
تستاهل الهبله الله لا يبلانا...

ام جوان و جنى
ام جوان و جنى
ههه
شر البليه مايضحك

رجــــآوي
رجــــآوي
اللهم لاشماته

ام ريوووووف
ام ريوووووف
ههه
يعطيك العافيه اختي

خالة أنس الغالي
خالة أنس الغالي
خ يسلمو

فداكـ الروح
فداكـ الروح
تستاهل ههه

نصايحكم لو سمحتوا بشروط اللي بيخطبني
راح اجن والسبه زوجي