حبوب منع الحمل تطول وتكثف الشعر بشكل كبير

1. وهذي الطريقة خذيتها من دكتوره جلدية مجرب...

السلام عليكم صبايا
كيفكم حبايبي
اليوم شفت وصفه غريبه شوي للشعر قلت استفسر منكم اذا تعرفونها
حبوب منع الحمل مع الزيت او مع الشامبو
وهذي بعض المواضيع اللي شفتها نسختها لكمالسلام عليكم ورحمة الله وبركاته
مابي اطول عليكم الموضوع هو ان حبوب منع الحمل تكثف تكثف تكثف الشعر طيب شلون الطريقة بقولكم الحين
تاخذون 5حبات حبوب منع الحمل اي نوع مو مهم وتدقونهم لين يصيرون مثل البودرة وبعدين تحطونهم بالشامبو
حقكم ومع الاستعمال شعركم يصير باروكة بس حاسبو لا يجي الشامبو على جسمكم عشان ما يكثف شعر الجسم

وهذي الطريقة خذيتها من دكتوره جلدية مجرب...

جربوها وادعولي سلام عليكم حبايبي شلوونكم و شخباركم ان شاءالله بألف خير ؟!؟!؟
بنات بقولكم سالفه .. انا ماصدقت عذبنا الشعر ماندري اش نسوي له كل يوم خلطه جديده وكل يوم زيت جديد نبغى شعورنا تجي مثل الهنود الشكوى لله واساسا شعور الهنود طبيعيه حتى لو مايستخدموا شي كبار صغار شيبان كلهم طبيعيه وامس شفت هنديه عجوز شعرها كانه باروكه ومااعتقد انها تستخدم شي لانها يالله حسن الخاتمه ولاتبغون شعوركم مثل هيفاء وهبي ونوال الزغبي ماتدرون انها توصيله من داخل باروكات موصله لاكن بشعر طبيعي موصناعي تنغسل وتستشور وتتفير ماتتغير المهم طولت عليكم خلونا في المهم سمعتوا عن حبوب منع الحمل مع الشامبو انا شعري طويل وكثير وخشن من تحت يوم تزوجت اهملته وحملت وزاد الاهمال وولدت وجبت العيد فيه استخدمت بعد الولاده حبوب منع الحمل وساقطت شعري ولعبت فيه قسم بالله ان اول شعري الي قدام متواصل مع طول شعري كله الى نص ظهري الحين اقسم بالله العظيم ان الي قدام مايوصل لعيني من غير التقصف والجفاف والخشونه حطيت حبوب منع الحمل في شامبو وصار لي اسبوعيين وانا استخدمه قسم بالله ان شعري رجع كثير وزوجي يقول وش مسويه في شعرك صاير شجره سدر من كثره قولوا مشاء الله ههه اسوي زي البنات في المنتدى الحمد لله ان شعري رجع كما كان وعلى فكره الشعور تختلف عن بعضها يعني مو تجربه وحده ويخرب شعرها تدعي علي انا قلت التجربه عن نفسي اللهم بلغت اللهم فاشهد واللي جربته تقول لنا تجربتها معه مع تحيات ام جبوري وهذي وحده تحذر من استعمال الحبوب
كل من استخدمت حبوب منع الحمل للشعر بنية التكثيف اقولها....!!؟ بسم الله الرحمن الرحيم
بنات الشي الي سويتوه خططير جدا
اولا حبوب منع الحمل عباره عن هرمون
والهرمونات ما ينلعب فيها يعني دكاتره كبار يقولون حق الوحده المريضه الي محتاجه هرمون يستحسن ما تستخدمينه فمابالكم انتم الاصحاء هذا يدل على انه خطير جدا وراح اقول بعدين ليش خطير عن تجربه
بنات حبيباتي
الهرمون مو الا يناخذ عن طريق الفم عشان ياثر كافي فروة الجلد عشان تنقله للجسم كله ويبتدي مفعوله
يعني الهرمون يمكن ينوجد على شكل حبوب لصقات دهان بودره اي شي عادي بس له نفس التاثير حتى لو يناخذ عن طريق الجلد
الحين نبدي بتاثيراته نبتدي بالتاثيرات الخفيفه
يعني اذا خذته وحده وكانت ناويه تحمل يمكن ماراح تحمل لانه في هرمون يمنع الحمل قاعده تحطه بالشامبو وبالزيت
ثانيا وهذا عن تجربه ما اخربط فوق راسكم
امي فيها هرمون الحليب عالي فحذرها الدكتور قالها ماتاخذين اي هرمون وخصوصا هرمون منع الحمل بجمييع اشكاله حتى لو كان دهان لان راح يادي لامراض خبيثه بالثدي او الرحم
بنات نصيحه لوجه الله هذا دوا ما فيها لعب
ومواي دوا هرمونات
الهرمونات ما ينلعب فيها لانها جدا جدا جدا خطيره
واسالكم الدعاء
صبايا وش رايكم بصراحه
انا عن نفسي احسها تخوف ومدري
تحمست في البدايه بس لما شفت اخر رد خفت والله
ولو وحده جربتها ياليت تقول لنا