رواية بنات المليونير بقلمي

طفوله معذبه .. عيون دامعه .. الام واحزان .. هذه حياتهم هم *(( بنات المليونير ))
البارت الثاني
رجعت حور من الجامعه وشافت الهيثم يطالع التلفزيون
حور بمزح : ياخي كأنك بنت جالس في البيت لا شغله ولا مشغله
الهيثم ناظرها بنص عين : يكفي اني ماخذ اجازه وتارك دراستي عشانكم
حور: اممزح امززح شفييك
نزلت حلا من الدرج مسسرعه وضمتت حور
حلا: اششتقت لكك يابنت
حور : اقول فكيني تحسبين اني مانسيت سالفة الصباح
حلا : يووه شفيها اذا غبنا؟ سوينا جريمة قتل يعني
قطع كلامهم هيثم : حلاي روحي جيبي لي مويه
حلا : الحين حور واقفه قدامك من ساعه وماقلت لها ويوم جيت انا عطشت؟
هيثم : خلاص خلاص حشى ماصارت مويه انا بجيب لي .. وقام
حلا تذكرت شي : لا لا شدعوه ياخوي انا بجيب لك اجلس استرح
الهيثم : اقص يدي اذا ماكانت تبي شي
راحت حلا وجابت له مويه على دخلت ام سامر : يلا يا حلوين الغدا جاهز
حلا : بابا ما جا ؟
هيثم : الا جا بس راح يرتاح
ام سامر : يلا روحوا ع غرفة الطعام وانا بدي اناديه للبائين < الباقين
راحوا وجلسوا شوي ونزل ابوهم ووراه مهند الي فيه النووم وغلا وديم وريم
جلس ابوهم بمكانه المعتاد في راس الطاوله ويمينه هيثم ومهند وديم وريم ويساره حور وغلا وحلا
سمو وبدوا ياكلون
قال الهيثم : يبه انا يمكن ما اجلس في جمعة عماني لين الليل
ناظره ابوه باستغراب : ليه؟
الهيثم : مواعد وليد صديقي ع الساعه 9
حور تذكرت : اييه يبه صح اليوم اتصلت وحده قالت تبي تقابلني في موضوع خطيير وتبغاني اجيها في مطعم ... الساعه 8
ابو الهيثم: ماعرفتي شتبي او هي مين؟
حور : لا
ابو الهيثم : على خير ان شاء الله روحي مع الهيثم شوفي شتبغى يمكن محتاجه مساعده واذا خلصتي خلي الهيثم يرجعك ويروح مع وليد
كملوا اكلهم بهدوء وابو الهيثم شاغل باله الاتصال الي جا لحور
بعد الغداء ديم وريم يدورون في البيت وشافوا ام سامر تنظف وراحوا لها
ديم : يعطيك العافيه
ام سامر ابتسمت : الله يعافيكون
ريم: خالتو وين اهلك ساكنين
ام سامر: اهلي بسوريه في حلب
ريم بخوف: وهم في سوريا الى الان
ام سامر : لا لا هم راحوا ع تركيا قبل الثوره
ريم:اهاا
ديم: طيب ماشتقتي لهم؟
ام سامر: والله يابنتي انا عايشه هون صار لي زمان ربيت ابوكون لحتى كبر وتجوز وهلأ بربيكم ومابقدر على فراقكم واهلي بيجوا يزوروني من فتره للتانيه بس هون اهلي الحقيقيين
ريم: طيب انتي تزوجتي ابو سامر هنا ولا هناك
ام سامر: تجوزتوا هناك وجبت سامر وسحر هوون
قاطع عليهم حديثهم صوت غلا تقول وقت المذااكره
الساعه 7 المغرب
مهند : حور غلا تعالوا يلا تااخرنا
حور نزلت وهي لابسه تنوره سوداء وبلوزه بيضاء شيفون مزمومه من قبل الكف بشوي وفيها حزام سخييف اسودماسكه عبايتها بيد والشنطه باليد الثاني وجوالها ومحتاسه وقفت عند المرايه وجلست تضبط اغراضها
مهند: انا نزلتك من فوق عشان تجلسين لي تحت يلا انزلي واركبي السياره
حور : طيب طييب
نزلت غلا بهدووء وهي مخلصه لابسه فستان لونه ابيض ساده وفوقه جاكيت قصير احمر وصندل احمر واكسسواراتها تنوعت بين الابيض والاحمر
مهند : حلا وديم وريم وينهم؟
نزلت حلا ترككض وهي لابسه مثل غلا ومعها ديم وريم الي لابسين فستان وردي كمه جبنيز وقصير لنص الساق وفلات وردي وشعرهم فاكينه وماسكينه بالمغاطات مثل كذا
مهند يوم شافهم نزلوا ركب السياره ولحق ابوه والهيثم الي رايحين قبلهم
وصلوا بيت عمهم وديم وريم نزلوا وراحوا عند الحديقه مع لانا الي بعمرهم اما الباقين دخلوا وسلموا
تعريف بإخوان ابو الهيثم
ضاري (ابو تركي ) الولد الثاني ربي منعم عليه ومعطيه خير بس متككبر ومغروور ويعامل الناس كانهم حشرات
ساره ام تركي : مثل ابو تركي همها اللبس والموضه والكشخه وعيالها اخر همها
تركي :23سنه مثثل ابووه بالضضبط شايف عممره والمشكله انه مو مملوح بقوه بس مادري على ايش متكبر
تولين :18 سنه عيونها واسعه وفيها من الجمال والجاذبيه شي كثير بس طبعا مثل الي فوقها الغرور والتكبر جزء لايتجزء من شخصيتها
تمارا:10 سنوات الدللع والغروور كله
صقر (ابو نواف) شخصيته قويه وحازمه مايبتسم ابدا و عمليي درجه اولى
تماضر (ام نواف) شديده على عيالها في امور الدراسه وتبغاهم دائما متوفقين بس حنونه عليهم وتحب ديم وريم موت
نواف:18سنه ثالث ثانوي انسان استهباالي درجه اولى دايم يضحك ويستهبل يععشق المقاالب بالذات اذا كانت في حلا وغلا خ
لمار :15 سنه صديقه حلا وغلا الرووح بالرووح صار لها حادثه فقدت النطق بسببها وبنعرف هذي الحادثه بعدين ان شاء الله
لانا :10 سنوات شخصيتها مثل شخصية ديم وريم وهذولي الثلاثه داائما مع بعض
بدر(ابو قمر ) ماتت زوجته وهي تولد قمر وجلست امه على راسه ليين تزوج ثانيه عشان تساعده في تربية قمر انسان طيب وحبووبودايم يمزح مع الشباب وهم يحبونه
مضاوي : زوجة بدر عقيم ماتجيب عيال << وهذا شرط بدر تمووت على قمر وتعاملها كانها امها بالضببط
قمر: 20 سنه اسم على مسمى ماشاء الله تبارك الله جميله وشخصيتها المرحه زادتها جمال*
وطبعا ماننسى الجد والجده (ابو خالد وام خالد )*
دخلت حور وخواتها وسلمو وجلسوا
حلا جلست عند لمار وطلعت لمار الايفون وفتحت ع الملاحظات وكتبت : وحشتوني من زمان عنكم
حلا لما قرته طالعت في لمار بنص عين وقالت: مين القاطع والي اذا جينا بيتهم لينها نايمه واذا ارسلنا مسج ماترد
لمار ابتسمت وسوت نفسها بريئه وهزت كتفها <يعني ما ادري>
حلا : ماتدرين هاا طيب انا اعلمك
وقامت حلا تركض ولمار تنحاش منها وهم يضحكون<<او بالاصح حلا الي تضحك لمار لا
طلعوا برا عند المسبح ووقفت حلا وصرخت :لمار خلاص تتعبت
لمار جت عندها وهي تبتسم وجلسوا عالطاولات قدام المسبح
حلا وهي تطالع المسبح: اقول لمار بما ان مافي الا انا وانتي هنا قولي لي ماصار جديد
لمار نطقت : لا
حلا : طيب الى متى
لمار : الله اعلم
حلا ناظرت لمار والجديه في عيونها: لمار لازم نتحرك مايصيركذا نجلس وننتظر الى متى
لمار نزلت راسها وماردت
جتهم غلا وهي تتحرطم سحبت الكرسي وجلست بعربجيه :اوف
حلا: خير شفيك؟
غلا: ذي السخيفه تولين رافعه ضغطي قلنا انتي حلوه بس مولهدرجه عااد
حلا ولمار: ههه
غلا تكمل مقهوره: قالت ايش قالت(وهي تقلد صوت تولين الدلوع )غلامتى يجون اهلك مو كأنهم طولوا وبعدين عيب تجلسين مع ناس كل هالمده يعني
حلا ولمار طارت عيونهم وقالوا بصوت واحد : حقيره
غلا عدلت جلستها بحماس وقالت: اصبروا ماتدرون وش قالت لها جدتي قالت الحين وش عليك منهم شاكين لك الحال؟ وبعدين غلا بنتنا وراضعه مع احفادي يعني حفيدتي والي يتكلم عنها يتكلم عن احفادي وانتي مالك دخل فيهم والله لو انك توكلينها وتشربينها وتلبسينها ترا هذا كللهه من خير ابوها مو انتي
حلا ولمار صرخوا بفرح: واو
لمار: قسسم بالله احب جدتي
حلا : وخروا بس بروح احب راسها
وقامت تركض تدخل
غلا ولمار لاحقوها وهم يضحكون ولما وصلوا عند الباب اختفى صوت ضحكات لمار واكتفت بابتسامه وهي تشوف حلا جالسه تحب راس جدتها عشرين مره وهي تقوول احبك الله لا يحرمنا منك
عند الشباب
الهيثم ومهند ونواف جالسين يسولفون وتركي يطالعهم بطرف عينه وماعجبته الجلسه
رن منبه الهيثم وشافها 7:50 دقيقه وقف وقال بصوت جهوري: اكرمكم الله والسموحه منكم عندي موعد ومشغوول
الجد: اقول اجلس بس وين رايح
هيثم: باخذ حور وبروح عندي موعد ياجدي
الجد : بس تعشى معنا
هيثم: ان شاء الله بلحق على عشاكم يلا مع السلامه
الجميع :في امان الله
مهند همس باذن نواف: ابو مهند طلبتك
نواف : امر
مهند : حلا وغلا سووا مقلب فيني وتبي ارجعه لهم
نواف: شسووا؟
مهند : ...... قال له السالفه*
نواف: ام طيب شرايك لوو .........
اما هيثم طلع واتصل على حور الي كانت تسولف مع قمر
ردت : الوو
الهيثم: اهلين يلا حور لاتتاخرين عن موعدك
حور شافت الساعه : بس تو الناس
الهيثم : على مانوصل هناك بتكون 8 يلا
سكرت حور ووقفت سلمت ع الحريم وقالت عندها مشوار ضروري تخلصه وترجع
ركبت مع هيثم وحرك للمطعم ودقات قلب حور تزيد كل ما قربوا لما وصلوا كانت 8 بالضبط جت حور بتنزل بس مسكها الهيثم
الهيثم بحنان: خايفه؟
حور: اول مره اقابلها وما اعرفها وما اعرف شتبغى كيف تتوقع يصير شعوري
الهيثم: لاتخافين انا هنا واراقبك اي شي يصير بتلقى نفسها في القبر
حور: يوه لاتخوفني زياده خلني انزل وبس
ضحك الهيثم ونزل هو وحور اتصلت حور على البنت بس البنت ماردت شوي وجت وراها وحده
البنت:حور؟
حور التفت مستغربه كيف عرفتها وهي متغطيه*
البنت ما انتظرت ردها سحبتها وجلسوا في طاوله بعيده عن الناس ومسكره والهيثم جلس في الطاوله الي قدامهم وساكت عشان يسمعهم
البنت : ايش تشربين
حور : عصير ليمون
ابتسمت البنت وفهمت قصد حور -تبغى تهدي اعصابها- وجاهم الجرسون وطلبت عصير ليمون وعصير فراوله
جلسوا ساكتين لين جا العصيروتكلمت البنت اخيرا
البنت: طبعا انتي اكيد تسألين مين انا ومن وين جبت رقمك وايش ابي فيك
حور ابتسمت وماعلقت
البنت مدت يدها : معك دانه فيصل ال...
الهيثم وقف قلبه لما سمع اسمها اما حور ما اهتمت للاسم مدت يدها وقالت : والنعم تشرفت
دانه : حور اسمي مايعني لك شي؟
حور تحاول تتذكر بس ماقدرت هزت كتفها وقالت : لا
دانه : انا بنت فيصل
حور : فيصل مين؟
دانه : فيصل الي
قطع كلامهم الهيثم الي دخل فجأه
الهيثم بعصبيه: حور قومي نطلع
حور طالعته باستغراب وهي مو فاهمه شي
الهيثم : حور قوومي
دانه لما شافت الهيثم حست انه يعرف السالفه راحت مسكت يده وقالت : سامحه الله يخليك ابوس ايدك سامحه
الهيثم سحب يده بقرف وقال : باقي ثمان سنوات وبعدين نعرف
حور: الهيثم انت تعرفها؟
الهيثم: حور امشي
سحبها وطلعوا وخلوا دانه تبكي وحور مو فاهمه شي اول مره تشوف الهيثم معصب
وصلها هيثم بيت جده وشخط بسيارته بسسرعه لبيت وليد
اما عند الاطفال
لانا : مالي دخل باسبح يعني باسبح
امها : لاترفعين صوتك يالانا وقلت لك سباحه مافيه ماجبنا ملابس ماتفهمين
ديم: خالتي احنا جايبين معنا ملابس زياده نعطيها من عندنا بس خليها تسبح معنا الله يخلييك
ريم: خالتي لو سمحتي اذا تحبينا خليها تسبح معنا*
ام نواف ماقدرت تقول شي وهم يترجونها بهالشكل ماكان قدامها الا تقول : خلاص اسبحي
ريم ولانا وديم صرخوا مع بعض : واو
وراحوا يركضون يبدلون عشان يسبحون في المسبح
لفت ام نواف لتمارا : وانتي تمارا ماتبين تسبحين مع البنات
تمارا بدلع : لا
ام نواف: براحتك
حلا وهي منسدحه على رجل جدتها وتطالع التلفزيون
حلا: اقول يمه
ام خالد: سمي
حلا: سم الله عدوك الحين ليش ماتسافرين معنا في الصيف
ام خالد انتفضت وشالت راس حلا عن رجولها: اعوذ بالله باسم الله علي انا اروح لديار الكفره برجليني لا ان شاء الله اعوذ بالله
حلا: الحين انا قايله انتحري عشان تقولين اعوذ بالله بعدين مين قال بنسافر دول اوروبيه
ام خالد : ياللي ماتستحين *تتكلمين مع جدتك كذا
ام تركي: ماعليك منهم ياخالتي لاتواخذينهم مالقوا الي يربيهم
حلا انتفضت هي وغلا ووقفوا بعصبيه
حلا : شقصدك ياخاله
ام تركي: بعد شقصدي ماعندكم ام مين الي بيربيكم
حلا وغلا جلسوا سااكتيين وهذي عادتهم اذا عصبوا يصيرون هاادين والي بايع عمره يكلمهم
ام نواف: عيب هالكلام يطلع من وحده متفهمه وعاقل مثلك وهذولي بناتي وغلاهم بغلا بناتي وانا امهم واذا قلتي عليهم شي تراك تتكلمين عني
الجده بهدوء:ساره
ام تركي:نعم
الجده:اطلعي
ام تركي بصدمه: نععم!!
الجده: اطلعي برا بيتي ياللي ماتستحين تسبين تربية ولدي وفي بيتي تسبين المرحوومه الغاليه -ودمعت عيونها-في بيتي اطلعي حسبي الله ونعم الوكيل فيكم الله يجازيكم انتي وعيالك بكل حرقه وكل غصه جت في قلوب هالعيال الله لايوفقك انتي وعيالك برا بيتي برا
مضاوي وتماضر خافوا على الجده الي معصصبه وتتكلم من قللب وام تركي اخذت عبايتها هي وبنتها وقالت
:اصلا مايشرفني اجلس في هالبيت من زينه ومن اليووم انسوا ان عندكم مرت ولد اسمها ساره
.......بصرخه :وقفي هنا قبل ماتروحين
Stoop
شفيه الهيثم؟
ومين دانه؟
وليه باقي ثمان سنوات؟ على ايش؟
الجده شبيصير عليها؟
ومين صاحب الصرخه؟
الاطفال في المسبح؟ بيكونون بخير؟
يلا ياحلويين تفاعلكم وردوودكم ابي اككثر من البارت الي قبله *و سمحتوا^^
مجنوونة(ديم)أخووها

طفوله معذبه .. عيون دامعه .. الام واحزان .. هذه حياتهم هم *(( بنات المليونير ))
...... بصرخه: وقفي هنا قبل لاتروحين
وقفت ساره وطالعت باستخفاف مهند الي جاي معصب: خير يادلوع الماما شعندك
الجده: مهند اطلع عيب تجلس عند الحريم
مهند ماتحرك من مكانه : اسمعي ياساره كلامك على اخواتي ما راح انساه وبيوصل لعمي وبقوله انك رفعتي الصوت على امه وساعتها بيطلقك وتاخذين لقب مطلقه في كل العزايم الي تروحين لها ههه
ساره انتفضت لما فكرت انها بتكون عند الناس مطلقه لكنها كابرت : اعلى مابخيلك اركبه ياولد العنود
وطلعت هي وبناتها ومهند يطالعهم بنظرات خلت قلبهم يدق بسسرعه وكانهم في سباق الماراثون
عند الوليد والهيثم
وليد: هيثم والله فاهم شعورك بس حاول تنسى
هيثم بقهر وحرقه: تقول سامحني كذا بكل بساطه بعد ماحرمونا
وليد قاطعه: هيثم حسام جا
حسام ادشر شاب في السعوديه ماخلا بنت في الععالم /واقول العالم مو السعوديه/ مارقمها
جلس على طاولتهم: كيفكم شباب
وليد : بخير
الهيثم: كنا بخير قبل ماتجي
حسام تغير وجهه هو عارف ان الهيثم يكرهه بس ماتوقع انه يبين الكره حتى عند الناس
الهيثم وكانه قرا الي في راسه: هذا الوليد واغلى من روحي ويعرف كل شي عني
حسام : ايه ماشاء الله يلا عن اذنكم جيت اسلم عليكم بس
وراح
الوليد : هيثم احرجت الولد شوية ذوق لو سمحت ياخي
هيثم بطفش : اقول قووم خلني اوصلك بيتك وارجع انا وعدت جدي اتعشى عندهم
وليد هز راسه بأسف ولحقه
في بيت الجده الاجواء متوتره والكل ساكت فجأه تكلمت غلا
غلا: مو كأن البنات طولوا في المسبح
ام نواف : انا قايمه اشوفهم
حلا وقفت: خليك خالتي انا بروح
راحت وشافتهم يسبحون هاوشتهم وطلعتهم وقفلت الباب ورجعت على دخلة جدها
ابو خالد بصوته القوي والجهوري : السلام عليكم ورحمه الله وبركاته
وقفوا الحريم والبنات وردوا السلام وراحوا له وحبوا راسه ويده
ابو خالد بعد ماجلس: حلا غلا لمار لانا ديم ريم لانا قمر حور
البنات مستغربين ليه نادى كل وحده باسمها بس قالوا كلهم-باستثناء لمار- : لبيه
الجد : تعالوا جنبي
وجلسوا البنات يمينه ويساره والصغار بملابسهم حقت المسبح بس لابسين فوقها الروب
ابو خالد: اسمعوا ياحريم هذولي بناتي والي بترفع صوتها عليهم مالها جالسه هنا بيت ابوها يضفها
ام نواف: ياخالي هذولي بناتنا ومانزعل منهم
ابو خالد: عاد انا علمتكم اغلى ماعلي هالبنات غلاتهم بغلاة جدتهم -وابتسم بمرح
قمر: اوه اوه حركات
صفقوا البنات وصفرت حلا وصاروا يصارخوون
الجد ضحك عليهم وبعدين قال: ماخلصت كلامي
سكتوا البنات
الجد: هالمره كلامي ل ال خالد-يعني عياله- زوجة عمكم غلطة عليكم وانتوا من حقكم تقولون وش الي يخليكم ترضون طلاقها اعتذارها اي شي
سكتوا البنات وناظروا بعض وتكلمت ديم فجأه: جدي لاتخليها تجي ابدا ما نحبها
الجد: اجل تضل في حكم ضاري بس ماتجي اجتماعاتكم زلا تشوفونها ولا تشوفكم شرايكم؟
حور: بس ياجدي هذا قطع رحم
الجد: الرحم بناتها ولا هي مو من الاقارب وانا بقول لضاري البنات يحضرون الاجتماع والام لا موافقين؟
البنات مهما كان صعب عليهم يتحكمون في مصير وحده اكبر منهم مهما كان هذي لها احترامها بس شافوا ان هذا هو الحل الانسب والي بيخليها تكف شرها عنهم
الجد كرر كلامه مره ثانيه: موافقيين؟
البنات بصوت هادي: موافقين
الجد: على خير ان شاء الله يالله انا استأذن مع السلامه
البنات والحرم: مع السلامه
طلع الجد وام نواف اخذت البنات الصغار تلبسهم ومضاوي جاها اتصال وراحت للصاله الثانيه تكلم والجده راحت للمطبخ وما بقى الا الثلاثي المرح خ
حلا: قوموا اطلعوا خل نشم هوا
جاها اتصال من <<سوبرماني الخاص>>
حلا:سلاام بو حلا how are you؟
مهند بابتسامه: انا ابو حلا وابو غلا وابو نواف وابو حور كم ولد تبغوني اجيب انتم؟
حلا: ههه
مهند : المهم حلوو روحي انتي والبنات للملحق الي برا الي قريب من قسم الشباب
حلا: ليه؟
مهند: ابي اتكلم معكم عن ام تركي يلا بسرعه انتظركم
سكر وحلا قالت للبنات وراحوا للملحق الي كان بعييد عن الفله دخلوا وكان ظلام شغلوا النور مايشتغل
فجأه
تسكر الباب وتقفل وصارت تطلع اصوات غرييبه وصرخوا البنات من الخوف بعدين تشغل نور احمر من الزويا ومسلط ع الجدران شافوا صور اشباح واشياء مرععبه بعدين تشغل نور ازرق خفبف جا من السقف للارض وشافوا الارض فيها فار وصارور
هالمرره صرخوا بقوه : ا
غلا ولمار صاروا يبكون وخايفيين وجالسين فوق الطاولات والصارور صار من النوع الطيار يعني<عليهم السلام> صرخووا صرخههه فزعت الدنيا
من شافت الاشباح وهي تتذكر منظر تدفع كلل عمرها بس تنساه وقفت وماتحركت وهي تطالع في ذاكرتها كل صور الماضي التعيس الصور تتدافع في عقلها وتتقاتل وكل صوره تبي تاخذ نصيبها في البقاء لفتره اطول وهي تتمنى تشيل عقلها ومخها من راسها وترتاح بس مالقت حل الا الاستسلام غمضت عيونها وتحول وجهها للون الازرق واخر ماسمعته صراخ
وصل الهيثم عند جده وجلس وهو مااله خلق ناظر المجلس مافيه الا مه ابو قمر وابو نواف جالس ع اللابتوب وشكله يشتغل
التفت هيم لعمه : اقول بدر وين الجماعه
ابو قمر بعصبيه خفيفه: هي انت شايفني اصغر عيالك تقول بدر
هيثم : احمد ربك ماناديتك بدير
ابو قمر : بععد!!! طيب ياهويثم نشووف مين الي بيعطيك بنته اذا خلصت دراستك
الهيثم نط وحب راس عمه : لا ياعم الا قممر خلاص خلاص ولا تزعل عممي الغالي العزيز ابو قمر القمر وين الجماعه
ابو قمر : الله كلل هذا عشان الزواج
الهيثم في نفسه /لا والله مو عشان زواج الا عشان قمر حبيبه قلبي/
ابو قمر: هييه هيثم وين رحت
هيثم انتبه : هااه هاا هلا امر سم
ابو قمر : لاه انت الزواج لاعب فيه من نجيب طاريه وتسرح ولا تفكر فينا
الهيثم: اقوول ياعم ليه المجلس فاضي
ابو قمر : اخوك ونواف راحوا يتمشون برا وابوك يكلم وجدك راح يهاوش العالم لانه ما اهتم في الحديقه وماتت وردتين وهذا عمك ابو نواف وانا اما عمك ابو ترك
قاطعه الهيثم بمزح: ماشاء الله ماشاء الله لا اله الا الله ولا cnn
ابو قمر : احترم نفسك ياغلام
الهيثم : ههه
دخل ابو الهيثم مبتسم: ان شاء الله دووم الضحكه
الهيثم لما شاف ابوه تذكر وضاق صدره بس حاول مايبين: يبه ذكرني اذا رجعنا البيت ابيك بموضوع
ابو الهيثم : في البيت ان شاء الله
ابو قمر بمزح: يااخي قوول ما ابي عمي يسمع وخلصنا
الهيثم ابتسم وماعلق
ابو الهيثم ناظر ابو نواف بضيق: ياخي وانت دايم شغل شغل شغل ريح نفسك لو مره
ابو نواف :لارد
ابو قمر تنهد وهز راسه بأسى وهمس: ماعليك منه هذا هو وماراح يتغير
ابو الهيثم تنهد : ااه بس الله يهديه
الهيثم عشان يغير الموضوع وبعد شافها فرصه يقول لهم على فكره من زمان في باله : يبه عمي طلبتكم
ابو الهيثم : عطيتك
ابو قمر: اممر
الهيثم ابتسم وانحرج بس شجع نفسه : اا ااحمم ااحمم ا
ابو قمر قاطعه بمزح :وشو ا ا مافهمت
الهيثم بعصبيه خفيفه: يوه ياخي اصبر خلني اتكلم
ابو قمر : ومن متى انا اخوك هاا؟
ابو الهيثم: خلاص يابدر خل نشوف الولد وشعنده
الهيثم سمى بالله وغمض عيونه ونطق بسرعه: ابي املك على قمر
انتظر
ثانيتين
ثلاث
مافي رد
فتح عيونه بخوف وشاف عمه و ابوه يطالعونه منصدمين
الهيثم خاف: وش قلت انا وراكم تشوفوني كذا تراها ملكه مو زواج
فجاه ابتسم ابو الهيثم وضم ولده بقووه وقال : مبرووك ياولدي انا عن نفسي ماعندي مانع الشور لبنت عمك
ابو قمر :ياسلام يعني انا مالي شوور
ابو الهيثم : ههه لا محشوم ياخوي
ابو قمر تحولت ملامحه لجديه : بس وانا عمك البنت توك حتى ماخطبتها يعني بس متكلمين عليها اما عند الناس هي مو مخطوبه ويمكن تغيير رايها فيك
الهيثم:خاف وصرخ : فاال الله ولا فاالك لا ان شاء الله
ابو قمر : اسمع ياولدي انا بشاور البنت واذا وافقت خليناها ملكه بس واذا رجعت ان شاء الله يصير الزواج بس
الهيثم قلبه صار يدق: بس ايش؟
ابو قمر: ياولدي انت ضامن الوظيفه؟ انت عارف الوظايف هذي الايام صعبه
الهيثم باستهبال: الله يخلي حافز يسلفنا الفين كل شهر لين نلقى وظيفه
ابو قمر : ووشو!!!!!!
الهيثم : ههه امززح ياعم -وتحول الى الجديه- ياعم انا طب وتخصصي دقيق ومطلوب في كثير من المستشفيات والوظيفه مضمونه ان شاء الله- وابتسم باستهبال- واذا ممرره مافي شي الله يخلي جيب البابا
ابوه ضربه على راسه بخفيف وبمزح قال : اقوول انا من تتزوج مافيه ولا قرش يطب جيبك اعتمد على نفسك
الهيثم بصدمه وعفويه :يااشيخ وش ذا لهدرجه بخيل
ابوه ضربه هلى راسه ضربه اقوى هالمره: ياللي ماتستحي تقول عن ابوك بخيل
الهيثم وهو يتألم : ااه اح بالغللط والله باللغلط
ابو قمر قطع عليهم : ع العمووم انا بشاور البنت واذا وافقت يصير خير
الهيثم : ياعم انا ابي املك قبل لا اسافر وسفرتي بعد ثلاث اسابيع يعني عجل علينا لو سمحت
ابو قمر : الحين خل البنت توافق ع الخطبه بعديين نشوف الملكه
الهيثم في قلبه :ياارب توافق يارب توافق
دخل عليهم حارس من حراس القصر :طويلين العمر المعزب ينتظركم في صالة الطعام
قاموا كلهم وراحوا يتعشون ونسوا مهند ونواف نهاائيا
برا الملحق وعند نواف ومهند الي جالسين يضحكوون على اصوات البنات وصراخهم
نواف يمد يده : هههاي ككففك يارجال انا قايل لك مايجيب راس البنات الا كذا
الهيثم ويصقع يده : والله انك خطير يااشيخ ههه
سمعوا تخبيط البنات ع الباب وصراخهم
مهد : اقول خل نفتح الباب رحمتهم
نواف: اي والله افتحه لايصير لهم شي ونبلش بهم
فتح الباب وشغل الانوار الي كان مطفيها من الكهرب من برا
وانصصدم من الي شاافه !!!!!!!!!!!!!!
في مكان ااخر ودووله اخخرى
جالسه على فراشها تتقلب وهي حاسه بملل ودها تطلع بس خايفه من زوجه عمها وهي مالها خلق تهزيء
قالت بملل: ياازيه يازيه
يازيه بنوم: ها نعم شو تبين
قامت ماريا من فراشها وشغلت الابجوره الي عند سريرها : شو رايج نتسلل ونروح المطبخ يوعانه
اليازيه : اف من يوعج انتي شحقه ماتاكلين زي الناس شو هالبطن وبعد ماهما كليتي مايبين فيج
ماريا: اعووذ بالله قل اعوذ برب الفلق بسم الله علي قوولي ماشاء الله
اليازيه انقلبت للجهه الثانيه: ماشاء الله ماشاء الله اسكتي وخليني انام
اليازيه: اوف
تقلبت وحاولت تنام بس الجوع مايرحم
قامت ولبست شبشبها الفرو الي بلون بجامتها السوداء/ لونها المفضل/ وفتحت باب الغرفه وطلعت بهدوء
نزلت تحت وفتحت باب المطبخ وشافت الثلاجه واول مافتحتها
واو
الاكل انواع واشكال
اكلت لها كم قطعه حلا وخذت معها قارورت مويه وصحن عبت فيه كل شي تشتهيه ورجعت لغرفتها بنفس الهدووء والخفه والسرعه وشعرها الاشقر الناعم الي يوصل لنص ظهرها يتحرك معها واول مافتحت باب غرفتها تنهدت براحه واكلت الصحن كله وخبته تحت السرير ورمت القاروره الفاضيه في الزباله ونامت
Stoop
انتهى البارت مين الي اغمى عليها؟
وايش سالفة الماضي الي عاشته؟
ام تركي ؟بينفع كلام الجد ولا لا؟
قمر والحب المفاجئ من الهيثم ؟
بتوافق او ترفض؟
شخصيات جديده ظهرت
اليازيه وماريا ؟
هل لهم تأثير في حياة بنات المليونير ؟
مجنوونة(ديم)أخووها
سب ح ان الله .. وال ح مد لله .. ولا اله الا الله .. والله أك ب ر ..

وين الردود؟؟؟

مجهود رائع وروايه آروع تسلم الآنامل

رواية رائعة ويسلمو وفي أنتظار المزيد

سيغلق الموضوع إلى ان تعود كاتبه الروايه ..&