الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
ساحره البشر
04-12-2022 - 08:43 am
طبعا كلكم تعرفون قصتي انا تطلقت من زوجي رغم حبنا الكبير لبعض لكن قدر الله وماشاء فعل بغيت اتجنن يوم طلق ودعيت ان الله يربط على قلبي وبعد العده بشهر تقدم لي واحد عمره 45 سنه وعنده 9 عيال ومتزوج وانا عمري 27 ووافقت على اساس انه بيربي بنتي وماراح يحرمني منها لان ابوي شرط عليه بالبدايه ووافق وفعلا تم الفرح لكن رفض ان بنتي تعيش معاي وانا مارتحت معاه احس بضيق مو طبيعي واحس اني مخنوقه ومااقدر انحرم من بنتي ادري بتقولو من انا الاوله والاخيره اللي تتزوج وتترك اطفالها بس مااقدر انحرم منها روحي فيها وهي دنيتي ومافيها المشكله ماكتبنا الشرط بالعقد ان بنتي تعيش معاي على اساس كلام رجال لي اسبوعين من تزوجت بس احس اني بموت من كثر الضيق واحس كأني بحلم واقول متى يارب اصحى نفسيتي تعبانه مره بس هو يحبني مره
بس تدرو ايش المشكله اني مازلت احب طليقي الاول واموت فيه وماقدرت انساه حسبت لمن اتزوج بنساه بس ماقدرت ويوم دريت انه خطب وقرب زواجه احس اني بتجنن وماابغاه يتزوج صحيح اني انانيه بس هذا الحب ومايسوي بس انا فكرت اطلب الطلاق مو قادره اتحمل بس اهلي رافضين وادري الناس بتتكلم علي ويقولون تطلقت للمره الثانيه بس ماهموني


التعليقات (9)
توته الهلوبه
توته الهلوبه
ياقلبي أنتي
نبدأ خطوة خطوة
شئ طبيعي تفتكري طليقك وتفضلي فترة تفتكريه .. أقل شئ راح تفتكري العشرة الي كانت بينكم
بس كدا مايصير !! انتي صرتي زوجة دحين لشخص ثاني بمجرد التفكير بشخص ثاني حتي لو طليقك هتكون خيانة !!
عارفه ليش لدحين تفكري فيه ؟
علشان كل يوم تأنبي نفسك ... أأه ياليت سويت كدا كنت أستمريت معاه !!
ياليت كان فلان ولا فلانة اتدخلو من بدري بيننا ماكان حصل الي حصل !! ياليت ..وياليت ...
أبغاكي تعرفي أن كلمة "ياليت" ماتعمّر بيت
لازم تقنعي نفسك أن هادا قضاء الله وقدره ونصيبك أنك ماتستمري معاه
يمكن يكون خيره لكي ولبنتك .. ربك مايظلم عباده ..
ووالله لو كان لكم نصيب فبعض ماكان يقدر أحد يفقركم لا أنسي ولا سحر ولا جان .. لازم تتأكدي من دا عشان تقدري شويه بشويه تتأقلمي علي وضعك
حبيبتي أعطي لزوجك فرصة .. ماهقولك أنتي غلطتي عشان أتسرعتي بزواجك دحينه,, في فترة المفروض تكون رآحه لكي ولنفسيتك
وتقدري تأقلمي حالك علي وضعك .. بس ماتعرفي ممكن يكون نصيبك الي راح ترتاحي معاه
ولو كنتي رفضتيه كنتي لا قدر الله هتتأذي أكتر .. ؟؟
نرجع لزوجك انتي لسه ماتعودتي علي زوجك وعلي طباعه مالحقتي لسه تشوفي خيره ..
أعطي لنفسك فرصه معاه
تفتكري لو لا قدر الله اتطلقتي.. وانا مو شايفة سبب حقيقي لطلاقك إلا شعورك نحو طليقك .. ولا تقوليلي بنتك
متأكده أنك تحبيها ربي يحفظها ويخليها لكي.. ممكن يكون سبب جانبي مخليكي مصره أكتر ..
ياتري بعد طلاقك لا قدر الله راح يرجع زوجك لكي مثلآ بعد ماخطب وشاف حياته وهايتزوج ؟؟؟
ولا راح ترتاحي بعد ماتفكري انه مبسوط وشاف حياته وانتي قاعده محلك سرّ فمكانك لا سند ولاعون لكي بعد الله ؟؟
فكري مضبوط في النقطتين دي وأنتي قرري ..
أما موضوع بنتك .. بصرآحة انا أضايقت لما رجع بكلمته .. أقلها كان وضحّ من أول
بس رجعت وقلت كل رجآل يحب زوجته لنفسه من غير قلق وصوت بزورة وعكننه وكدا ..
يمكن يبغاكم تنبسطو في الاول وتروقو وتتمشو علي رآحتكم وبعد كدا ممكن يفكر
وأنتي كمان لكي دور ياقلبي وخصوصآ انك تقولي ماشاء الله يحبك
أصبري شويه دوبكم عرسان حبيبتي وبعد شهرين تلاته لاتنسي أنه متزوج وعندو بيت تاني
فأبدأ أطلبيه أنك بنتك تجي في البيت بحكم انه فبيته الثاني
قلبي فكري فنفسك لا تعيشي حالك بوهّم
وأنسي طليقك الي شاف حياته وبعد زواجه راح ينساكي
ربي طيتبلك الخير فين ماكنتي
وأتمني أكون افدتك ياغالية

ساحره البشر
ساحره البشر
مشكوره حبيبتي بس الله يرحم حالي
ويكتب لي الخير

التوووونه
التوووونه
والله انك اكبر غلط سويتيه زواجك الثاني ابد 45 و9 عيال وانتي 27 ليه طيب وش كان حادك وفوق هذا متزوج والله كان جلستس عن اهلك وربيتي بنتك بلا رجال بلا وجع قلب
الله يصبر قلبك ويريح باللك ويعوضك خير

ساحره البشر
ساحره البشر
مادري احس اني كنت في غيبوبه ماستوعبت الا الحين

مرحه رغم الالم
مرحه رغم الالم
ياشيخه من باعك بيعيه لاتقولين احبه وماحبه لو يحبك ماطلقك وتزوج علليك
فكري كذا
انتي متزوجه وخلصنا وشوفي مستقبلك وحاضرك مع زوجك الثاني وانسي الماضي او تناسيه اصلا حرام تفكري فيه وانتي ع ذمه رجال
ترى لو اطلقتي ماراح تتزوجين بعدين احنا البنات محد خطبنا فمابالك بالمطلقه مرتين بيحطون العيب فيك
صح بتقولين عادي لكن واذا تطلقتي ورجعتي لاهلك وجلست شهر وشهرين وسنه وسنوات وبعدين اش استفدتي بتصيري شغاله لحريم اخوانك ووللرايح والجاي والكل يتجنبك وبنتك ماعليها تعيش مع اهلك احسن من تعيش مع زوجه ابوها واذا حابه خلي اهلك يرسلوها لك اسبوعيا تجلس معك يوم او يومين
اتمنى تفكري زين والله انا مو مخطوبه بس لو قدر الله وتزوجت باكبر عقلي واعيش لنفسي وانسى من باعني
الله يوفقك ويهديك
تقبلي مروري مرحه

نقآء روح
نقآء روح
اضيف على كلآمهم الرقية الشرعية .. لآتهملي نفسك و تجلسي تفكري بألف فكرة و فكرة و تخلي الشيطان يلهيك عن التحصين لانها هي غايته في الدنيا
يلهيك عن الرقية اللي تلقي فيها بإذن الله راحتك و شفاءك من كل هم

ام علي للمعجنات
ام علي للمعجنات
حبيبتي لا تسيبي نفسك للشيطان اذا زوجك كويس ومحترم حاولي تستمري وارقي نفسك ترا عيون الناس ما ترحم وطليقك انسيه قلبو خلاص من عافنا عفناه
بالنسبه لبنتك يعني انتي كمان لكي اسبوعين من تزوجتي اتركيها مع امك يوم ويوم وكدا مو من اول يوم رازتها بالنص بينكم طبعا هوا كمان من حقو يحس انو عريس وكدا
يمكن دا اللي ضايقو مو اكتر بس بعد شهر العسل بيكون عادي عندوو وانتي ادعي ربك يسخرو لكي ولبنتك ان كان بنفسو شي لا سمح الله مع الوقت بيروح ان شاء الله
ربي يكتبلك اللي فيه الخير يارب وانتي اصبري الحياة يبالها صبر مو من الاول تقرري ع طول لاتسرعي زي ما قرار الزواج مو سهل كمان الطلاق مو سهل بالعكس التاني اصعب
انتي قررتي وتزوجتي بسرعه وما اعطيتي نفسك وقت اصبري ولا تسرعي بقرار الطلاق مثل قرار الزواج
الحياه مو خدني جيتك الحياة يبالها صبر ثم صبر ثم صبر ثم تروي وتفكير واتخاذ قرار مصيري ما يجي كدا
ربي يستر عليكي ويوفقك يارب

سسسآره
سسسآره
ربي يفرج همك ويريح قلبك

ساندي 88
ساندي 88
كبير مره عليك حرام والله ضلمتي حالك و9 ابناء ؟
وكمان رافض بنتك وهي وحيدتك ايه هل انانيه
ربي يفرج همك ويريح قلبك

متى افرح بزواجي
جملة قالها الشيخ وكل من سمعها في البيت انصدم لتفريج الهموم