الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
زيزى المسلمة
15-12-2022 - 01:25 pm
السلام عليكم ورحمه الله وبركاته
اخواتي في الله انا حبيت اني انزل لكم هذه القصة ويارب تتفاعلوا معاها وتعجبكم
والقصه ديه ان شاء الله المتزوجين يستفادوا منها واللي هيتزوجوا ان شاء الله
انا هنزل اول حلقه حالا ان شاء الله
ويارب القصه تنال اعجابكم وتستفيدوا منها
لا احل لاي احد ان ينقل قصتي بدون كتابة اسمي
تابعوني


التعليقات (5)
زيزى المسلمة
زيزى المسلمة
الحلقة الاولى
وقفت سمر كعادتها في الشباك تنتظر حسن حيث انه يأتي يوميا في وقت متأخر الى المنزل ويترك سمر وحدها بالمنزل تعاني الالام الوحدة حينما هو يسهر مع اصدقائه
سمر لنفسها : يا رب يا حسن تيجي بقى نفسي اقعد معاك زي اي زوجة بتقعد مع زوجها نفسي اووي يا حسن مفتقداك اوي حينها فتح حسن الباب
سمر : حمد الله على السلامة يا حبيبي وحشني اوي
حسن : الله يسلمك
سمر : مفيش وانتي كمان وحشتنيني
حسن : في ايه يا سمر انا راجع من برة تعبان وعايز انام وبعدين ما احنا كل يوم مع بعض لازم كل يوم وحشتيني وبحبك
سمر : مش قصدي ياحبيبي انا اسفه بس انت فعلا وحشني وبعدين انا كل يوم بستناك وبترجع البيت متأخر وبتروح الشغل الصبح مش بلحق اشوفك ولا اقعد معاك
حسن : يوه ديه عيشة تقرف انا داخل انام تصبحي علي خير
سمر وقد ظهر الحزن على ملامح وجهها : وانت من اهله
دخل حسن الى حجرة النوم كي ينام وظلت سمر تبكي في الصالة وهي تتمتم ببعض الكلام وتقول انا عملتلك ايه يا حسن علشان ده كله كل حاجة حلوة بحاول اعملها علشان تسعدك وتبسطك كل ده علشان قلتلك وحشني انا زعلانة بجد منك يا حسن زعلانة اوي اووي ثم دخلت لكي تنام والحزن يعتصر قلبها
في الصباح قامت سمر من نومها وجهزت الفطار ثم ذهبت لكي توقظ حسن من النوم
سمر : سونة يا حبيبي قوم يلا هتتأخر على الشغل
حسن : هو الساعة كام دلوقت
سمر : الساعه 8 يا حبيبي
قام حسن من النوم مفزوع وقال لها : انتي ما بتفهميش مش انتي عارفة انى بصحى كل يوم الساعة 7 علشان اروح الشغل بدري
سمر : انا صحيت متأخر وعقبال ما حضرت لك الفطار لقيتها 8 معلش يا حبيبي حقك عليا انا اسفة
حسن : خلاص روحي حضري ليه الحمام علشان اتزفت اخد دش
سمر بسرعه : حاضر حاضر دقيقة واحده ويكون الحمام جاهز
يجلس كل من سمر وحسن على مائدة الطعام لتناول الافطار ويتجاذبوا اطراف الحديث
سمر : سونة يا حبيبي انا عايزة اروح النهاردة عند ليلى ازورها بقالي كتير ما رحتلهاش وصدقني مش هتأخر
حسن : ماشي يا سمر روحي عند ليلى صحبتك بس على الله تتأخري
سمر بسرعة : لا مش هتأخر ربنا ما يحرمني منك وطبعت قبله على خده
حسن : طيب انا نازل رايح الشغل
سمر : تروح وترجع بالسلامة
حسن : الله يسلمك
يتبع

حبيبنا االقرآن
حبيبنا االقرآن
بدايه نايس سجليني متابعه

وصف مشاعر@
وصف مشاعر@
سمر بسرعه : حاضر حاضر دقيقة واحده ويكون الحمام جاهز
إنسانه رائعه سمر => هل ستستمر على هذا الصبر؟

لبنانية متميزة
لبنانية متميزة
حلوة ^^نتظر ^^

البنت الكويسهـ
البنت الكويسهـ
جمييئيل ججمميل جمييئيل ••
في انتظار البقيه من القصه ••

رواية مدينة النجوم للكاتبة فرح الصماني
شما وهزاع والدكتوره ناعمه الهاشمي كوميديا ورومانسيه إلحقو لا يفوتكم يابنات