الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
الفجر الاتي
06-12-2022 - 10:41 pm
هلا بنوتات كيفكم يارب تكونو بخير
انا دوم اتابعكم وادعي لكم دايما وحبيت انضم لكم
اليوم صار لي موقف غريب مدري كان تصرفي صح ولا غلط
اليوم انا كنت رايحه السوبر ماركت اللي قريب من البيت بس مو في حينا يعني قريب بس مو اللي جنب البيت
المهم دخلت البقاله واشتريت لي وجيت احاسب الا بنت تمسكني
تقول لي انتي من هالحي قلت لها اي
قالت لي من بيت مين ؟ قلت لها ليش تسالي
سكتت شوي بعدين قالت ابغى اجي بيتكم
قلت لها : اعرفك تعرفيني ؟ وجيت امشي وامسك الباب بطلع
الا تقول انتي متزوجه مارديت عليها وكانها قالت ابغى رقمك
بصراحه مو متعوده اتكلم معحد غريب واقول له عن معلوماتي
رجعت البيت حكيت الموقف لامي تقول زين سويتي مدري وش قصدها
اختي تقول لي يالخبله هذي بتخطبك وانتي طيرتي العريس
انا بالحالتين لو هي بتخطب مو كذا بصراحه يعني لا اعرفها ولا تعرفني تخطب من بقاله
وادا هي نيتها شينه على العموم انا ماعطيتها اي معلومه
بس في اخت قالت لي يمكن لحقتك وانا بصراحه مدري مشيت بسرعه وماشفت مين يمشي وراي
والحين قاعده افكر الموقف اللي تصرفته صح
ولا لا ؟
انا عمري 27 سنه ومانخطبت بس بصراحه
ماحب انخطب من ناس مانعرفهم
على الاقل في معرفه بالعائله او كدا
يمكن تفكيري غريب بس ماارتاح للي يخطب عشان الشكل
يعني شلون بتخطب مثلا واول مره ادخل هالبقاله واول مره اشوفها
واختي الله يهديها تقول يمكن هي تشوفك بس اول مره تكلمك
مدري انتو شنو رايكم
دعواتكم لي بالزوج الصالح والله يوفقكم يارب


التعليقات (8)
انا قلب خالد
انا قلب خالد
ما اتوقع انو في راسها خطبه
لو كنتو في فرح او مناسبه نقول يمكن بتخطب
اما انتي ماشيه في الشارع بعباتك ما حد داري اصلا اذا انتي مرتبطه و لا لا
تلقيها وحده ما تخاف الله و تبغى رقمك عشان تبتزك و لا شي
و الله اعلم

أم دلع 1
أم دلع 1
فعلا هذي مستحيل تكون خطبه
احمدي ربج الي الله فكج منها
بعض الحريم ما يخاافن الله

باغية خير
باغية خير
زين سويتي
سلامات اصلا كيف بتعرف ملامح وجهك وشكلك وانتي لابسه عبايه
كيف بتعرف اخلاقك وسمعتك من نظره في بقاله !
انتبهي واحرصي على قراءة وردك بالصباح والمسا
وفي كل مره تطلعي من بيتكم
اقرأي المعوذات و استودعي نفسك
ورزقك الي ربي كاتبه لك بيجيلك
عليك بالصلاة والصبر وكثرة الدعاء والتسبيح والإستغفار والصدقة
وربي يحفظك ويستر عليك ويعوض صبرك

الحنان 1
الحنان 1
تصرفك عين العقل والارزاق بيدالله سبحانه

J u m a n
J u m a n
الله أعلم ما أحط في ذمتي
بس وآضح إن لها غاية آخرى الله أعلم بها
الله يحميك

ساندي 88
ساندي 88
زين سويتي
بعرف وحده طلبت مساعدتها بشارع
وهي البنت مسكينه ساعدتها لحد سياره
وكان اخوها موجود متفق معها وخطفو البنت وهي ماتدري
لاتأمنين لآحد رزقك بيجيك لحد بيتكم
الآرزاق كلها من الله مو من البشر انتبهي لحالك
ونبهي اختك مدامها تنصحك بكدا يعني صغيره وماتعرف الدنيا كيف الآن

الفجر الاتي
الفجر الاتي
مشكورين خواتي على الردود
والله تصدقون للان افكر بالموضوع
خايفه اروح للمكان نفسه والاقيها او انها تراقبني او شي مع اني مااطلع لوحدي
بس الموضوع كله خوفني

ـآآلكآآعب
ـآآلكآآعب
شي يخوف الله يحفظك

بنات انافوق ال25 وابي اتزوج مين تقدر تساعدني باي طريقة
بأسلكم عن الضمان الاجتماعي