الموضوع اليوم عن الأستهزاء باللي ما تزوجت و الأستهزاء بأنها كبيرة

لا حول ولاقوة الا بالله
الله يعوض صبرك
بالزوج الصالح
ربك كريم
معلكي منهم الرزق مو بيدهم
بيد ربنا الرحيم الكريم

الحمدلله الرزق مو بيدهم
ايوا اتشرط واطلب واتمني وادعي بكل شي نفسي فيه مافي شي صعب علي رب العباد والله هيا الي امرها عجيب ... اشبو الرزق بامرها ؟
لاتعليق علي دي المواقف صراحه ولا افكر اقهر نفسي لان الي تتشمت علي بالها ضامنه نفسها .. محد يدري بكره ايش يصير
وبعدين مو شرط انتي يا فلانه متزوجه او مخطوبه و انا لا يعني انتي اسعد مني ؟؟
الزوج مو هو السعاده المطلقه !!
وسعي صدرك وعيشي حياتك ^^

النصيب يصيب زي ما يقولوا
يعني الوحده ما تدري وين نصيبها وايش الله كاتب لها بس دايم الحمد الله ع كل حال وامر نؤل اليه
يا عمري انتي بس حساسه حبتين انتي قلتي انهم خطابات يعني هذي شغلتهم وياخذوا عليها فلوس ويمقن هي صادقه كل الطلبات الي عندها تجبرها انها تقولك هذا الكلام
بعدين يا قلبي انا سمعت معلومه من فتره ما يصير الواحد يتحسب ع احد الا اذا كان ظالمه ظلم شنيع انا اشوف انه كلامها ما يخليكي تاخذي ذنب بسبته
يا قلبي والله ما تدرين وين السعاده ومن قالك ان كل المتزوجات مبسوطات با العكس في حريم ما كلت تبن
وتتمنى انها ما تزوجت وع قولة الاخت الي قلبي السعاده مو بزواج
السعاده براحة البال وهذا اهم شي
وتاخرك بزواج ما تعني انك في هم او ناقصه با العكس
وكل تاخيرها وفيها خيره
والله بنت خالي عمرها 35 وتزوجت العام بشاب عازب وكانت تنخطب للشياب ومتزوجين وكانت ترفض لين ربي رزقها
شفتي كل تاخيرها وفيها خيره
خلي عندك حسن الظن با الله
انتي احمد الله ع كل حال وادعي ربك الخيره في كل امر
سهل الله امرك ياربي

ليش الحق يزعل ؟؟؟
اختي هي صادقه وترا انا مثلك لي سنه اتشرط واخرتا رضيت بالامر الواقع
وبعدين ليه تشرطين مافيه اطفال وش فيها لاتزعلين بس مااخبر تجارب
وحده اخذت مطلق باطفال شايلها من الارض شيل دلع وهي كبرك
لازم نقدم تنازلت البنات مو سوا ولاحضوضنا سوا بالنسبه لي رضيت بالتعدد لو يجيني معدد وافقت لان هذا الواقع للاسف

لآتلتفتي للآستهزاءات والسخرية اللي يرمونها عليك الناس
سبحآن الله عجيبين كأنهم وآثقين إن حآلهم مآبيتغير ووآثقين إن
رزقك خلاص آنقطع آستغفر الله
يآحبيبتي الأرزآق بيد رب العالمين
وش يعني تعديتِ ال30 تتزوجين اي وآحد ؟؟؟
ترمين نفسك بس عشآن الناس حكمتِ عليكِ إنك كبيره
لآ وألف لآ
مآآآافيه شي بالدنيا مستحيل إلا الاستحآلات الكونيه
والأشياء اللي ماتقبلها عقولنا ولايقبلها المنطق عند الله تتحقق
في قول كن
وآلله الذي لاإله إلاهو إني أعرف وحده حق المعرفة
تزوجت وعمرها 53 سنه!!!!
بوآحد مطلق من بعد الملكه
ووسط آندهاش الناس بس ليه ؟
لأن هذا رزقها اللي الله وعد إنه يجيها قبل ماتستوفي أجلها
قآل تعالى (وفي السماء رزقكم وماتوعدون
فورب السماء والأرض إنه لحق مثل ماأنكم تنطقون )
أقسم سبحانه إن الرزق في السماء عنده
مو بيد آحد غيره وبيجيك بيجيك اليوم وإلا بكره وإلا بعده
مآحد يدري متى يجي ولآوش نوعه كله بعلم الغيب..
لآتخلي الناس تهز ثقتك بربك بكلام مآآآله دآعي
(لاتموت نفس إلا وقد آستوفت أجلها ورزقها )
ثقي بآلله وآحسني الظن به وآطلبيه يرزقك رجل مناسب لك لأنه سبحانه أعلم باللي يصلح لنا
الله ييسرلك أمرك ويرزقك الزوج التقي الغني

المنتظره الفرج من الله
لو حابة مطكلق بدون اطفال و اهلك يرضون عن طريق خطابة في كثير مطلقين بالأطفال انا ما اعترضت علي الأطفال بس اطفال الغير مسؤولية كبيرة و حتي لو صار لهم شيء انت المسؤوله عنهم
و يمكن اهل الزوج يحرضون الأطفال عليك
بنت جيرانا تزوجت واحد عنده بنتين 5 و 6 و ربتهم و لما وصلوا المتوسط سمعت البنت الكبيرة تكلم رجال و لما قالت لأبوها الأب ما شاف علي البنت شيء و قام يضرب في بينت جيرانا و هي خايفة علي بناته و طبعا طلقها اكثر من مرة بسبب بناتها غير انه اهله يحرضون البنات عليها
يعني اطفال غيري مسؤولية

طيب لين متى راح استني وش اسوي يعني ؟؟؟؟كلامك صح رزق بيد الله لكن نظرات ناس ما ترحم وكانو فيك عيوب الأرض وبصراحة كمانت الأهل ما يرحمون يطلعوك انت سب في حال عدم عودة عريس طيب وش اسوي ؟؟؟؟ والخطابات حسبنا الله عليها ترمي كلام ليك ومو عجبها تقولي استني يلي يعجبك وانا كمان ما ابي مطلق بأولاد ولا متزوج ولا اتخيل نفسي صراحة متزوجة نوعية هادة لأنو مطلق باولاد ورطة ومتزوج ورطتين هاي اقعد استني احسن

للاسف هذا اللي حاصل
و ان كان موجود رجل فوق ال 30و لم يتزوج بعد فهم قله
لنكن واقعيين
الخطابه قالت اشياء من اللي تشوفها هي ادرى بطبيعة عملها و طلبات الناس
لكن
اسلوبها بالرد بقسوة غلط
كذلك الاهل من قهرهم على بنتهم ممكن يقولونه
الله يسامحهم
و الاقارب و الناس لا يهمونك انتي جالسة على قلوبهم؟؟

للاسف انها صادقه انا مره خطبني واحد فوق الاربعين ومدحوا فيه ومو هو اللي خطب قريبته كلمتنا وماتدري انه عازف عن الزواج وتعذر بعذر تافه الخلاصه اللي عزاب
ومتاخرين رافضين الزواج والمطلقين يبغون خدامه للعيال والمتزوج يتزوج اليوم ويطلق بكره وحسبنا الله سيويتينا الله من فضله