الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
سالتك ربي :(
10-12-2022 - 04:38 pm
السلام عليكم
ربي يسعد اوقاتكم ويبلغكم رمضان .. كثير ترددت اسجل او ان اعرض مشكلتي لاحد
انا البنت الوحيده بين اخواني الشباب احتجت لاخت تنصحني ومالقيت غيركم اخوات
انا عمري 35سنه الحمدلله مو ناقصني شي لكن مثلي مثل اي بنت تحلم يكون لها حياتها الخاصه
ويكون لها بيت وزوج واطفال .. لكن الحمدلله على كل حال ما كتب لي الزواج للحين
وكل مره اقول لنفسي ان هذا قدر وراضيه فيه .. لكن لما اشوف اخواني مع زوجاتهم وعيالهم
يوجعني قلبي نفسي اكون مثلهم .. والله مو حسد هذولا اخواني واتمنى لهم الخير ويارب
ما يغير عليهم .. من فتره كلمتني صديقه عن شاب عمره 34 سنه متزوج لكن لمشاكل بينه
وبين زوجته وامور خاصه بعلاقتهم الزوجيه قرر يتزوج طبعا هي قالت له عني ورحب بالفكره
وهو ما عنده مانع .. تعبت من التفكير افكر اوافق واعيش حياتي واشوف نفسي وافرح امي وابوي
اللي اشوف حسرتهم بعيونهم علي .. واحيان اقول ابني سعادتي على تعاسة زوجته
صديقتي تقول فكري بنفسك ولا تفكرين بغيرك الرجال بيتزوج اذا مو انتي في غيرك مستعده توافق
تكفون ساعدوني انا عندي فرصة لبعد العيد واحسم الموضوع يا اوافق او ارفض
وفي نقطه ثانيه هو عنده مشكله بسيطه برجله من ولادته يعرج "خلع ولاده" .. اخاف لو اوفق
يقولون وش اللي حادني اخذه .. تفكيري مشوش ساعدوني


التعليقات (9)
الزهوووور الورديه
الزهوووور الورديه
يااختي استخيري واطلبي من الله المشورة اذا ارتحتي فخلاص توكلي على الله
بس اخذي قاعده مو معناته اني كبرت بالعمر ومالقيت خطاب اي واحد يجي اوافق عليه علشان اطلع من هاجس العنوسه فكري بنفسك اهم شيئ بالزواج التوفيق من الله سبحانة ياكثر اللي تزوجوا كبار مثل حالتنا بعدها رجعوا مطلقات ليش لانها مافكروا زين اهم شيئ علشان مااحد يقول ليش فلانه للحين ماتزوجت !!!!! تفكير خطأ صراحتن الزواج عشرة عمر وراحه نفسيه قبل كل شيئ لازم يختار الشخص المناسب قبل مانندم بعدين
برايي المتزوج دايما يبحث عن المتعه فقط ويكون زواجه نزوه ويتحججون بااعذار واهيه اللي ماتنام معه واللي متهاوش معها واللي مو مهتمه بالبيت واللي يبي يقهرها حتى تتعدل معه بعد مايتزوج مرده يحن لام العيال ويرجع لها ويترك الثانية وترجع لاهلها بااسم مطلقه !!!!! طبعا الا من رحم الله بعضهم مثل بنت عمتي تزوجت متزوج ومبسوطه معه ومريحها اخر درجه بس ماينطبق هالشيئ على الكل !!!!! بعضهم يخاف الله وبيقوم بزوجته وبعضهم لا اهم شيئ ينبسط وبس بدون مراعاة مشاعر زوجته الثانية !
انا مره تقدم لي متزوج وبيحطني بشقه جنب اهلي وهو مع زوجته ببيته ولا وبعيد عني يعني سافر معها راح جاء ماادري عنه ممكن يكذب علي عكس لو كنت جارتها بنفس الحي وتخيلوا هدفه يوسع صدره ومتعه جنسية لاعيال ولاشيئ طبعا ماوافقت انا مو مرميه بالشارع ولا ماعندي اهل ! حتى اوافق على مثل هالاشكال !
انتي حكمي نفسك وشوفي ايش تستقرين عليه
اللي ربي كاتبه بتاخذينه اللحين او بعد حين مو شرط كل كبيره مرفوضه انا اعرف وحده عمرها 45 ومافقدت الامل تعرفين تزوجت واحد عمره 35 سنه عازب ومو مطلق ولا متزوج واصغر منها يعني بالعربي الزواج مو مربوط بعمر كلن بياخذ رزقه بهالدنيا من زواج واعيال
الله يعجل برزقنا وتكون زواجاتنا زواجة عمر من رجال صالحين يعوضونا ويموتون فينا ويرزقنا منهم الذرية الصالحه يارب وكل من قالت آمين

بنتevil
بنتevil
انا مع الأخت زهور ورديو ماشاء الله ردها وفي وكافي وش حدك تاخدين أعرج ومتزوج لو اعرج وعزابي او مطلق او ارمل كان مشينا لكن لا استهزاء بخلق الله لكن انت صيامة وتفكري على بصل وإذا تبيه وأستخرتي وفكرتي افضل انو يكون كل اهلو عارفين وزوجته كمان ويفحص قدرة وانجاب وش دراك ممكن يكون هو يلي فيه العيب

Wink
Wink
الله يكتبلك الخير
وييسر أمرك يارب

خزامى 2012
خزامى 2012
الزهور الورديه
كلام سليم وجميل
وفتيتي وكفيتي
وصاحبة الموضوع الله يوفقك ويسعدك ويكتب لك الخير
ويرزقك بزوج صالح التقي مخموم القلب

العفو يارب
العفو يارب
لو انا وافقت بس استخيري يا اختي
الله يكتب كل خير وويسر لك ولي وكل العزابيات يارب

سالتك ربي :(
سالتك ربي :(
ربي يجزاكم خير .. ويكتب لكم السعاده بدنياكم واخرتكم
بس حابه اوضح ان الحمدلله راضيه باللي ربي كاتبه ..

~ رحلة عذاب ~
~ رحلة عذاب ~
الله يكتب لك الخير

rorita.mohammed
rorita.mohammed
::
ياقلبي فكري بلي يريحك انتي ويناسبك بس اذا ظالم زوجتو لاتظلميها انتي كمان
تاكدي عن الاسباب الي بينو هو وزوجتو خلاه يبغا يتزوج لو حاجه بالمنطق
استخيري .. وترا كلام الناس عمرو مايخلص لن نموت وهما حيهرجو علينا
يعني لما تفكري بالموضوع شوفي الي يناسبك والي يريحك انتي الي حتعيشي معاه
مو الناس ..
ربي ييسرلك كل أمر عسير
::

العهد1404
العهد1404
استخيري واستخيري واستخيري اذا ارتحتي وافقي
اخذته زوجته الاولى وهو يعرج وهي بنت ما عابه هالشي ويوم اخذته بيعيبه معاك !!
الرجال بيتزوج بيتزوج انتي والا غيرك
متردده تصيرين الثانيه !!
كم باقي ويصير عمرك 40
قولي بالاصح كم باقي ويصير عمرك 50
ترا الباقي 15 سنه (وعمرك 50 اكبر عيالك عمره 14 سنه )
هالحين تفكرين بالعيال بعد كم سنه بيبقى حلمك ببيت خاص اكبر احلام
تزوجي ولا تفكري بالرجال فكري بيصير لي ممكلتي بجيب اطفال
الي يجي يحاول يثنيك عن قرار الزواج تاكدي انه حاسد لك (خصوصا بعد صلاة الاستخاره)
انا صار عمري 29
وهالفتره مكلمتني وحده عن شخص عمره 52 سنه مطلق وعنده اطفال
وجالسه احسبها
كم واحد تقدم لي ؟؟
كيف اخلاقهم؟
اطلق واحد فيهم وش شهادته؟؟
وظيفته؟؟
لقيت هجري الرجال افضلهم
.................
صديقتي خطبها واحد مو سعودي ووافقت
تقول بعض صديقاتي يهمزون ويلمزون وانا جالسه وتكلمو معها كم مره انه وش الي حادك على
واحد مو سعودي
كانت نصيحتي لها
اي وحده تفكر تخرب بيتك قولي لها
لو سمحتي ما اسمح تتكلمي عن زوجي
والي طول الوقت بس تدقك بالكلام
مو مجبوره تجلسين معها او تصادقيها

قصتي مع الفرج ابتغي بها وجه الله تعالى
تقدم لي شاب ولكن