الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
المنتظره الفرج من الله
10-12-2022 - 02:38 am
من العايدين والفايزين
تذكروني
ولا لا
باختصار انا طلقت قبل سنه
اول عيد لي مطلقه لحالنا لاروحه ولاجيه
احس بسكاكين بصدري فقدت كل شي رجعت لهمي وحزني ووحدتي الدنيا ضضايقه فيني
ماحسيت بالعيد
ابد
فيه احد مثلي فقد كل شي
عايشه لحاله بحسره والم
تعالوا واسوني وادعولي حسبي الله ونعم الوكيل


التعليقات (9)
Wink
Wink
الله يسعدك يارب
ويفرج همك وييسر أمرك
وكل سنة وأنتي بألف خير
ويارب السنة الجاية تكوني في بيت زوجك يارب

المنتظره الفرج من الله
المنتظره الفرج من الله
مشكوره اختي الله يجبر بخاطرك

Lonely Bride
Lonely Bride
نفس وضعك
بس الحمدلله على كل حال .. اروح واجي مع اخواني وماراح اقعد ابكي على نفسي والناس مبسوطه
طلعي نفسك من هالجو .. مرت سنه من عمرك لا تضيعي ولا يوم زياده

مشاعر88
مشاعر88
كل عام وانتي بخير
لا تجلسي وتقولي كذا اطلعي وانبسطي وشوفي الناس
الحزن والبكاء مايرجع الي راح
والله يعوضك بالزوج الصالح

ساندي 88
ساندي 88
نفس وضعك من يوم انولدت خروج فقط للمستشفى او سوق لضروره
لاروحه ولا جيه حتى ملابس العيد تبقى في دولاب جديده
لاحد يزورنا ولا نزور احد
الله يعوضنا ويعوضك

كلي أمل برحمت ربي
كلي أمل برحمت ربي
الله يعوضك خير و يرزقك الزوج الصالح
يا قلبي حاولي تطلعين و عيشي حياتك
انسي الي فات انتي بنت اليوم
وخلي املك بالله كبير و كل يوم تصبحين قولي انا اليوم عروسه و حمدي الله ع الصحه و العافية
انا بنت تقدم فيه العمر بس كل يوم اصبح اقول في نفسي انا عروسه
الله يرزق كل وحده الي تتمناه

المنتظره الفرج من الله
المنتظره الفرج من الله
مشكوره لكل وحده ردت الله يجبر بخاطركم انتو المتنفيس لي
وين اطلع اخواني مع زوجاتهم واختي مع زوجها وابوي مع مرته وعياله والله مارد علي لمن ارسلت اعايده اصلا له سنه ماشفته
مو مصدقه وضعي فوق الوصف
والصديقات اعتزلوني كلهن مازوجات اللي طيبه منهن تخاف العين واللي نجسه ماتقصر بالتجريح ولمن اروح استراحه او اجتماع يتكلمون بالهمس والدس يخافون من العين
صرت افكر اوافق على اي احد بس افتك من هالتجريح بس المشكله احب طليقي
والمجتمع ظالم كل اللي تقدملي شياب ب40 ويبوني الثانيه وانا توي عشرينيه حسبي الله ونعم الوكيل تعبت كل يوم بكا ادعولي من جد اللي يزيد على الواحد مصيبته الناس اللي ماترحم وتشمت

بريق الماس 26
بريق الماس 26
و انتوا بخير ... اعتبروا طليقك هم و انزاح.. والله يسهل دربكم.. اعتبروا الدنيا استقبلتكم مرة ثانيه..
و حطوا في بالكم الواحد ما يدري متى يموت..يعني خلوا همكم الاخرة و القبر و ان ربي يراقبكم و يسمع دعاكم.. ادعوا و استيقنوا الاجابه..
الله يزوجنا بالايام القريبه الجايه امين.
و المنتظرة الفرج من الله اقبلي بالاربعيني ترى والله صغير حتى لو الثانيه. بس اسالوا انه قادر يفتح بيت و يتحمل هالزواج.
البنات وصلوا الثلاثين و مو لاقين اللي بالعشرين .و لا اللي بالثلاثين راضي بهم .
انا عني باخر العشرين و انا وخواتي قريبين بالعمر كل عيد اتمنى لو متزوجات و نعيد باحفادنا.كل عيد اتفشل من نفسي و من وضعنا صراحه ههه اللي حوالينا بعيالهم واحنا محتفظين برابطتنا و عددنا بالاسرة خ.خخ
استغفرك ربي واتوب اليك اللهم لا اعتراض.
ربي لاتذرني فردا و انت خير الوارثين.

Bride en sha2 allah
Bride en sha2 allah
اهلين منتظره الفرج اكيد فاكرينك ولو
والله حنيت لايام تجمعنا مع توفي
السنه الي فاتت كنت مخطوبه و عيدي كان هم وغم واعفن عيد مر علي في كل حياتي من النكد
هالسنه انا منفصله و انا الحاله الوحيده في العيله الي طلاق قبل الدخول اصلا انا المطلقه الوحيده
تخيلي في العيد اسمع طراطيش كلام ونظرات استغراب وشماته وكل انواع النظرات ههه
والمشكله هم عارفين ان انا الي طالبه الطلاق لكن مايرتاحوا لازم ينكدوا عليكي لكن مع نفسهم اهم شي راحتي
قعدة البيت طفش والخروج عند الناس صراحه معاناه
الله يعوضنا في الوقت المناسب بالي يستحقنا ان شاءالله

المطلقات انتم مثل حالتي
كيف يستجاب دعائي