الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
french-coffee
16-12-2022 - 06:33 pm
  1. لاتفكرو الموضوع فيه سحر او شي زي كذا

  2. لا اناماكرهته من فراغ عشان تفكرو كذا

  3. غعلآاناجباره لماتذكر المواقف اللي صارت لي

  4. صرت اي مشكله تصير بيني وبين زوجي ادعي على ابوي واقول الله لايسامحه

  5. شخصيتهامره ضعيفه وابوي غاسل مخها غسيل مزبوط

  6. صار كل همها كلام الناس للوتسمعون كلامها علي تنجلطون


مرحبا بنات من البدايه اللي تبي تتفلسف على وتقول لي لاتتطلقين وحرام عليك وعشان بنتك رجاء تسكت
انا ابيكم تشجعوني انا قررت وخلاص لكن خايفه من الجاي وخايفه من رد فعل ابوي
فاللي تبغى تقول شي يخليني اتردد تطلع من الحين
انامتزوجه لي 7 سنوات تقريبآ وحاليآعندي بنوته عمرها 6شهور ادعولي الله يحفظهاخصوصآمن ابوها
صار لي شهرين او اكثر انام بغرفه لحالي ومن قبل هالشهرين ماكنت طايقته يقرب لي ومن زمان ماقرب لي اقصد ( المعاشرة ) وحتى لو لزم عليها كنت من برا لبرا بدون ..
لاني ماني قادرة استحمله كارهته كارهته

لاتفكرو الموضوع فيه سحر او شي زي كذا

لا اناماكرهته من فراغ عشان تفكرو كذا

هو يشرب ويشرب بهبل ويجي يبهدل فيني شتم وسب وكل شي ممكن تتخيلوه سواه فيني لو اقول لكم بالضبط يمكن تقولون ابالغ وتقولون مستحيل انك صبرتي عليه طول هالفترة لكن حتى انا بيني وبين نفسي مستغربه كيف تحملته طول هالعمر راح شبابي وسبع سنين من عمري بعيشة مادري كيف اوصفها لكم

غعلآاناجباره لماتذكر المواقف اللي صارت لي

اذكرلكم منها انه مره جاني كنت بالمطبخ اغسل الصحون انااول مايجي احاول اتجنبه لانه دايمآيستفزني استفزازموطبيعي ويعايرني بابوي وبوحده من عماتي الله يهديها سمعتهاموكويسه بس انامالي ذنب وهو مااحد جبره يتزوجني الموهم ارجع للموقف وانااغسل الصحون جاني واخذ سكين وقام يتهددني فيها وحطها قدام وجهي ماتتخيلون الرعب اللي صابني واحد سكران ومعاه سكين وقاعديهددك
موقف ثاني صدم مره وجاني يصرخ علي يقول لي انتي السبب كلهامنك ويقول الله فكني هالمره وانتي السبب وانا بعد كنت اغسل الصحون بالمطبخ >>مانتوملاحظين كل مشاكلي بالمطبخ خ
الموهم جاني ويقاميرمي علي مخدات على كنب الصاله ولماشافني مااهتميت هو يبغاني اعصب واهاوش عشان يضربني وماينلام-لماشافني كذا قام يتفل على الصحون انقرفت وكان من ضمنها صحن لاهله عندنا راح هو للغرفه ينام وانا اخذت صحن اهله وديته له للغرفه وقلت هذا صحن اهلك اناماني غاسلته اغسله انت ورحت لبنتي وجاني والصحن معاه الصحن زجاج ورماه عالارض عندبنتي وتكسروتطايرت القطع حتى بعضهاصار ورى بنتي الله فكهاماجلهاشي سبحان الله والا القطع وصلتهاوتعدتها
وكمان فيه مواقف كثير ماني ذاكرته اكلهاومابي احاول اتذكرها اتعب
كنت اقول يمكن عشاني تاخرت بالحمل الرجال تحطم وصار يسكر مع انه هذا ماهو مبرر بس هو انسان سلبي بمعنى الكلمزه فيه اشياء كثير نفسي اقولها من الكثر الكلام ماني عارفه بايش ابدا
اناماحملت الابعد 6 سنوات والحمدلله الله رزقني ببنت هي فرحة حياتي وهي اللي مصبرتني شوفة عيونها تسوى الدنيا عندي
كنت احسب الرجال بعد مااحمل يتغير لكن بقي مثل ماهوعليه وبالعكس تمادى اكثر صارلمايجي معصب يبرد فيني عن طريقها يعني يقهرني فيهاياخذها مني ويخليها عنده بالغرفه وتصيح مايجيبهاولايخليني اخذها ولمايشوفهاتمص يدهايضربهاكنه يضرب وحده كبيره تفهم وتصيح هي ومع ذلك يستمر يضربها على خفيف لكن يوجعهاويخوفهاوتصيح هي
ومره من المرات عصب علي لاني كلمت خواته عن هالموضوع عشان يتكلمن معاه وجلس اسبوع معصب ويجي حالته حاله وطول ليلي على اعصابي هواش ومشاكل لدرجة انه خلاهاتلحس رجوله نكايه فيني جلست اصيح واتصلت على خواته وجن تكلمن معاه ورجع ثاني يوم سوا نفس الحركه
اخر مره قبل تقريبآثلاث ايام جاء معصب واناكنت عند التلفزيون وسوى لي حركة التايم اوت وقلت له طيب خلاص ادخل نام ودخل بدل ملابسه وجاء اخذهامني واسمعهاتصيح جيته اباخذهاوعيا علي خليتهاورجعت للمجلس واناقلبي يحترق عليها جاني وهي تتارجح بينن يديه يقول لي ارميها ارميها ويمدهابيديه كانه يبغى يرميها اناببرود رديت قلت بنتك وبكيفك مابغيت اصرخ واعصب يروح يرميهاصدق وانزلقت من يده ومسكها بيديه وانشدت ايديهابقوة وصاحت هنااخذتهامنه وهوكانه خاف وقفلت علي الباب وعدت الليله على خير ليلتهاقلت خلاص ماعاد استحمل اكثرمن كذا استحملته 7 سنين لكن قلت اناونفسي بكيفي لكن الحين البنت صارت بذمتي ومصلحتها انهاماتعيش مع واحد زي هذا
هولمايكون صاحي كويس لكن حياته نوم يصحى ويطلع يرجع لي سكران يعني مااشوفه صاحيبس ساعه باليوم يمكن
حتى احترام ماعدت احترمه كل مسبات الدنيا اسبه فيها غصب عني مااقدر احترمه الاحترام يفرض فرض مو شي تختاري تسويه واذا هو مااحترم نفسه اناماقدراحترمه
مشكلتي ابوي للاسف مع انه متعلم لكن كلام الناس عنده اهم شي والمصروف المادي مايبي يتحملني مع انه هو نفسه سكير شايب ومع ذلك يسكر من وعيت على الدنيا وهويسكر وكنانشوفه يضرب امي وكنانعيش في رعب واحناصغار وامي تعبت نفسيتهالدرجة انهاصابها اكتئاب شديد ودخلت المستشفى اكثر من مره امي الحين تكلم نفسها وانامابي اصير مثلها من جد تعبت نفسيتي واحس اني شوي وانجن وفكرت كم مره اهرب لكن لمااتذكر خواتي والعيب اللي يلحقهم استعيذ من الشيطان واشيل الفكره
ابوي راح يحط الخطاء علي وكاني شيطان وزوجي ملاك منزل من الجنه
راح يقول انتي دلوعه وماتتحملين زعلت قبل هالمره لان زوجي كان ضاربني وقال هالكلام
لكن انا قلت اتطلق بيني وبين زوجي قبل مااقول لابوي واروح احط ابوي امام الامر الواقع لان لو دخلت ابوي بالموضوع قبل اتطلق ماراح يخليني اتطلق بس راح يسمعني كلام يقهرني وماراح استفيد شي وراح يحسسني بالذنب

صرت اي مشكله تصير بيني وبين زوجي ادعي على ابوي واقول الله لايسامحه

هو حتى لمازوجني مااخذ رايي اعطاني خبر انه ناس تقدمولي وفكري بالموضوع وجاني ثاني يوم يعطيني خبر انه وافق واستلم المهر خلاص ويوريني الفلوس هنا استحقرته واستحقرت نفسي حسيتني خروف ينباع وينشرى
ابوي مادي درجة اولى مع انه مفهمنا انه لا وكنت مصدقه هالشي واناصغيره لكن الايام اثبتت لي العكس صرت اشوف ابوي اخس انسان بالدنيا لانه شايب ومع ذلك سكير وراعي حريم ومادي يفضل الفلوس على راحة بناته وخصوصآ بعد ولدت يمكن تقولون صرت احبه اكثر بعد ماجربت الامومه لكن العكس انابعد ماولدت صرت اكرهه اكثر بعدماجربت غلاي لبنتي واني راح احاول اسعدهاقدمااقدر حقدت عليه اكثر انه كيف يقدر يسوي فيناكذا وهواب اجل لوماكان ابوي وش كان يسوي
حتى اهتمامه بنا واحنا صغار يمن علينا فيه لان امي كانت تعبانه مثل ماذكرت وهو اهتم فينا لكن هو ابونا وهالشي مسؤوليته مفروض مايمن علينا بشي هو واجبه وخصوصآ انه هو السبب في مرض امي وحرمنا من انه يكون عندنا ام طبيعيه يمكن لوماكانت امنا موجوده __والله يحفظها ويطول عمرها_ كان الوضع يمكن يكون افضل لان هذيك الحاله راح يجيك احد يحل محلها عماتك اوخالاتك يصير ينصحك عالاقل لما تحتاجي نصيحه امي مااذكر انهافي يوم من الايام نصحتني شي.. عازله نفسها من هالناحيه هي يوم تصير كويسه وعشرة لا

شخصيتهامره ضعيفه وابوي غاسل مخها غسيل مزبوط

صار كل همها كلام الناس للوتسمعون كلامها علي تنجلطون

لما اتكلم بزوجي واقول لها اللي يسكر مو رجال لان الرجوله بالعقل واللي سكران مافيه عقل تقول لي بمصخرة اجل وشلون جبتي بنتك اذا مو رجال تخيلو تقول ماكله وشاربه عنده وش تبغين بعد وكان هالاشياء اهم من كرامتي صرت بقره او خروف اهم شي اكل واشرب
كرهت نفسي يابنات كرهت نفسي واستحقرتها لاني رضيت لنفسي هالعيشه الخايسه
تعببت وماعاد اعرف وش اكتب واللي ماقلته اكثر من اللي قل
ته الله يكون بالعون بس
تعبت تعبت تعبت وابغى ارتاح لكن مو قادره اتجرأ


التعليقات (9)
صَمّتْ
صَمّتْ
_
ي مرحبا بك ي طُهرر "
أعانك الله على مَ تُعانين منه من عذاب زوجك لك ولطفلتك النقيه , يقال ب أن القران راحة وطمأنينة للقلوب فأقرأئي مَ تيسر ي رفيقه , والله كريم "
أكتفي ب قول أربع أشياءء , تفي ب الغرض وتصبح حياتك ( سعادة وتوفيق من الباري ) !
عليك ب الإستغفار , أستغفري ليل ونهار
ل حديث الرسول صلى الله عليه وسلم ( فيما معناه ) :
( من لزم الاستغفار جعل الله له من كل ضيق مخرجا ومن كل هم فرجا ورزقه من حيث لا يحتسب ) .
ثاني شيءء قومي الليل صلي ركعتين وأدعي ربك والدعاءء هو ثالث شيء بقوله لك
تحري أوقات إستجابة الدعاء ك بين الاذان والاقامه ومَ الى ذلك وب النسبة لقيام الليل معروفه فضائلها وهو اللذي قال سبحانه :
يقول النبي - صلى الله عليه وسلم -: ( ينزل ربنا إلى السماء الدنيا كل ليلة حين يبقى ثلث الليل الاخر فينادي
فيقول : من يدعوني فأستجيب له ، من يسألني فأعطيه ؟ من يستغفرني فأغفر له ؟ )
رابع شيء وأنتي تسوين كل هذا عليك ب حسن الظن ب الله وهو قال سبحانه /
قال : دخلنا على يزيد بن الأسود فأخذ بيدي ودخل عليه واثله بن الأسقع فأخذ بيده فمسح بها وجهه وصدره لأنه بايع بها رسول الله صلى الله عليه وسلم فقال له واثله , : كيف ظنك بربك
, قال : خيرا ، قال فأبشر فإني سمعت رسول الله صلى الله عليه وسلم , يقول : " أن الله يقول :
( أنا عند ظن عبدي بي إن خيرا فخير وإن شر فشر )
أختي الغاليه فرينش كوفي , /
لا تفكري ب الطلاق , سهل الله لك دروبك والله يشرح صدرك
والله يهدي لك زوجك ويرده
لك ب أحسن خُلق ودين , قريب بإذن الله ,
أسمعيني ي رفيقه ثقي ب الله وتوكلي عليه وأفعلي ب
الأسباب وستمضي حياتك ب سعاده ,
ل روحك ي عبقّ إكليل من ( )"
دعواتك لي *

french-coffee
french-coffee
صمت يسلمو عالنصيحه
لكن صدقيني احس اني كارهته ماني قادرة اناظر بوجهه حتى وهو صاحي مااتخيل اني راح اقدر احترمه او اعيشمبسوطه معاه حتى لو بطل سكر
احس طابت نفسي منه
انتي مانتي متخيله الوضع فيه اشياء كثير ماقلتها راح تخليك بالصورة وراح تشوفي ان الحياه معاه مستحيله
فرق فكري بيننا كبير جدآ جدآ جدآ
القصة مو شوفة نفس لا والله لكن ماكنت احسب الفرق الفكري له تاثير على الحياه لهالدرجه لكن زواجي اثبت لي العكس
اناحاليآ طالبة ماجستير مبتعثه وهو شهادته متوسط وحاولت قد مااقدر اني اشجعه يكمل دراسه ويتعلم لكن موراغب عاجبه وضعه كذا
والشهادة مو دليل فيه ناس معهم شهادات لكن تفكيرهم متخلف لكن قلت يتعلم يقرا يتثقف يتغير وضعه شوي
حتى لوماياخذ الشهادة المهم يتعلم
مااحنامتفاهمين على شي ابدآ ابدآ حتى اول سنه من زواجنا لماماكان يشرب لكن كان يستخدم حبوب الكبتاجون اكيد عارفتها كل الشباب طايحين فيها الله يهديهم
انا ماني قادره اروح اكمل دراستي معاه اناخلصت لغه وجبت قبول جامعي لكن لسه مارحت خايفه ومتردده من اللي راح يصير هناك حتى هناك كان يسكر وكنت كل يوم على اعصابي لمايطلع لانه يسوق وهو سكران والاجراءات في امريكا متشدده من هالناحيه ممكن يرحلونه والحين اخاف على بنتي اخاف ياخذونها مني لويمسكونه يسوق فيها وهو سكران وانامااقدر امنعه هو رجال كبير كول فعرض جسمه جبر وصوته مرعب اخاف منه مااقدر

روزةالقمر
روزةالقمر
الله يعينك 7 سنين صبر على مخلوق زي كدا بصراحة شى فوق طاقة البشر
نصيحتي لكي انسان مايصلي سكران دايمن ماعندو مسوولية ويمد يدو ويضربك ومخوفك ومعذبك ويلعب بمشاعرك ويبهدل بنتك قدامة
لا والله الطلاق اول حل ضد هذا الكائن وربي مررا مو طبيعيً اتطلقي وربي بيسهلك انتي وبنتك ويفكك منو وربي ماينعا معاه دقيقة
معليش فيه عيوب ممكن نتدارها او ممكن نضلحها هذا ميؤس منو منتظرة يجننك ولا يوم ويجي ويقتلك ولا يقتل بنتك هذا سكران مو حاسس باللي يسويه
ممكن يرتكب فيكم جرائم عظمى ولا يوم يشوهك تو يجيبلك عاهة افتكي منو الله لايردو
ورزقك ورزق بنتك على الله محد يموت من الجوع ولاحد ينام بالشارع ربك بيفرجها بس حاولي تخلصي منو سسريع الله يسهلك امورك يارب

وفاء أنثى
وفاء أنثى
الآن إنتِ قررتي آلطلآق وخلآص,,
وهذآ لكِ أساساً إذآ خطر على حيآتكِ وعلى بنتك وغير التخلخل الثقافي آللي بينكم
بس يعني الآن تبي تستعيني بأحد غير أبوكِ ويطلقك منه
وإلآ شآيله هم بعثتك أو شو بآلضبط عشآن نفيدك أكثر
آلله يكون بعونك ويسآعدك

كلي أمل برحمت ربي
كلي أمل برحمت ربي
الله يعينك و يصبرك ع ذا البلا
استخيري و قدمي ع الطلاق الي مثل هذا ما منه امان
والسنين الي فاتت معك اكسبيها لك ولا تضيعين اجرك
ادعي الله انك صبرنتي عليه وان الله يعوضك خير منه
ويرزقك بر بنتك
وحتى هوه ادعيله بالهداية اكسبي كل شيء في صفك وربي معك
الله يفرج همك و يعوضك خير

Pяίηçεsš «
Pяίηçεsš «
لاحد يشجعلك على الطلاق
لاتسوي نفسك قويه مدري ايش وبتتطلقي
شوفي اذا انتي قد القرار الحين اقسم بالله راح تندمي بعدين
اول انا كنت متزوجه وبعدين ركبت راسي زيك وقلت
بتطلق واللي يصير يصير مايهمني
مع انو ماعندي عيال .. بس بعدها ندمت ندم مو طبيعي
شوفي
انتي اذا فيك همه وانتي قويه كل هالفتره
سوي اللي اقولك عليه
..
انا بنصحك لوجه الله وماعلي منك
تبين تقبلين نصيحتي او بكيفك بس اهم شي
ابرد قلبي .. لاني كنت زيك اقول لاحد يقولي لاتتطلقي
ابي اتطلق مايخصكم وكنت اعاندهم ومدري ايش
وبالاخير الحين اقول من جد انا وقتها كنت غبيه ومتخلفه
واللي ينصحوني كانو فاهمات وحيكمات
نصيحه الطلاق مو مجرد كلام ولا حتى مجرد الاشياء اللي تفكري فيها
انتي تفكري باشياء حتصير بعد الطلاق صح !
فكرتي بكل شي صح !
..
ترى راح يصير اللي ببالك وراح تصير لك اشياء العن
انا زوجي الاول كان يسكر دايم وكان متخلف
بكل ماتعنيه الكلمه من معنى
ورحت اتطلقت وندمت بعدها
لاني جلست 3 سنوات بدون زواج
كنت اتمنى واتقطع لمن اشوف صحباتي كلهم متزوجين
وحوامل وعندهم عيال .. شوفي
..
اذا انتي صحيح قويه وصبرتي كل هالسنين
ابيك تصبرين سنه وحده بس !!
ويمكن اقل من سنه ماني عارفه
انتي وهمتك
استمري على سورة البقره يوميا
وكل مايضربك كل ماتتضايقي كل مايصير لك اي شي
صلي وادعي وابكي وقولي كل شي لربك
..
ادعي بكل شي
ادعي ان الله يهديه اهم شي
قولي يارب انه يصير مايتعدى المسجد
ويترك كل شي خطا يسويه
تقولي مستحيل صح !
اقسم لك بالله انو وحده ساكنه جنبنا
زوجها استغفرالله بس
كان تاجر مخدرات
وكان يحشش وكان يضربها ومبهذلها ويشرب
وكل شي يسويه .. وراعي حريم
..
وسخ وسخ بكل ماتعنيه الكلمه
وهي كانت يوميا تقرا البقره وكانت كل شهر
تختم القران تخيلي !
وكانت عندها عيال ومتاخره بالحمل زي حالتك
والان وربي ان كل من شاف هالرجال قال سبحان مغير الاحوال !!
فعلا مدري ليش احنا منصدمين
مكتوب في القران
!!!!
اقسم بالله انه مربي لحيته وثوبه قصير ومايفوت ولاصلاه بالمسجد
واحيانا هو يأذن بالمسجد !!!
..
وربي القصه حقيقه وناس كل يوم نجيهم
تخيلي ماعاد يسمع اغاني نهائيا انهدى كذا فجاءه
قبل فتره كنت اقول له يابو فلان متى بتترك الاغاني خلاص انت كبير
وشايب وعيالك طولك .. يضحك ويقول مطول
سبحان الله
يهدي من يشاء
احنا ليش نقول مستحيل ونستسلم
انتي عشان بنتك ترى انا للحين حاقده على امي لانها تطلقت في فتره من حياتها
بس الحمدلله رجعت لبابا
شوفي انتي استمري
..
دوري ادعيه كثيره بالنت
حق التسخير وحق التوبه والعوده لله
لاتتركي صلاة الليل والاستغفار بكل ثانيه مو دقيقه كل ثانيه
وشوفي العجب وربي انا انصحك لوجه الله
انا انسانه جربت حالتك بالضبط كنت كارهه زوجي بالمرا
وكنت اقول بتطلق وارتاح
وترى والله العظيم الطلاق لاهو راحه ولاشي الا مرض نفسي
بس الحمدلله ربي عوضي بنفس الطريقه اللي ذكرت لك
لكن انتي دام عندك بنت اصبري واحتسبي الاجر عشانها
وسوي اللي قلت الله
..
وعسى الله يهدي زوجك يارب ويرده لك ولعقله ردأ جميلا يارب
الله يسخركم لبعض ويبعد عنكم الحسد .. ارقي نفسك
واتمنى ماتزعلي من كلامي بس وربي انا مجربه
ومابي تجربي اللي جربته
..
كلامي مو مرتب وكثير اعرف
والله ببالي كلام كثير ودي اقوله
اعرفك معصبه ومنهاره وضايعه
ماتدري ايش تسوي .. بس والله
انا قلت هالكلام مجربه
ولاتضيعي نفسك بنفسك نصيحه
الوحده مو كل يوم لها زوج وكل يوم لها بيت واطفال
صلحي بيتك بنفسك .. وعيشي حياتك زي التحدي
قولي نشوف مين يفوز انا او الشيطان
وخليك اقوى منه وفوزي عليه
..

Pяίηçεsš «
Pяίηçεsš «
وعلى فكره .. انهدى زوجها
وهيا حملت بعد تأخر 11 سنه !!

بريق الماس 26
بريق الماس 26
هلا اختي
الله يعينك على اللي انتي فيه
خصوصا انك طلعتي من عايلة ولي امرها الاب ثم الزوج سكيرين و العياذ بالله..
في عوايل عندهم عادي والدليل امك تعايشت معه..لكن انتي واضح مو راضيه...
المهم الحين انتي مصممه على الطلاق و تبين من يشجعك.. يعني حاسمة امرك..
لكن اللي بيشجعونك على الطلاق بيوقفون معك بعده؟
الموضوع مو هنا...موضوعك بيد رب العالمين اللي رزقك هالبنت الجميلة..
استخيري و الله يكتب لك اللي فيه الخير..
انتي انسانه ماشاءالله طموحه جدا و طموحك رح توصليه بقدرة واحد احد..تبين ترتاحين نفسيا بالاول اقربي لربك.. هو اللي بيحقق امنياتك..

وفاء أنثى
وفاء أنثى
نقطة مهمة
آلطلآق مو نهآية العالم ولآهو فشل بالعكس في أوقات كثير
يكون الطلآق بدآية حيآة جديدة نآجحه
ليش دآيمآاً نرضى للزوجة تعيش آلنكد وآلهم وحيآة جحيم وتفقد كرآمتها وتتزعزع شخصيتها
وتصآب بحالآت نفسيه وتنعكس على أولآدهآ كله بس عشآن لآتتطلق ,,
وعلى أمل ينهدي زوجهآ آلهدآيه بيد رب العالمين صحيح
بس لومآتعددل حاله تضيع عمرهآ زيآده
ترى آلزوآج عمره مآكان بس مُجرد رجل يصرف عليك
أو مجرد حآجة تُشبع
آلزوآج أسمى من ذآ كله إذآ غابت الموده والألفه والآستقرار
فوآلله تصبح الحيآة لاتستحق أن تُعآااش
وآلذي شرع الطلآق مآشرعه إلا لسلامة المجتمع
{ وَإِنْ يَتَفَرَّقَا يُغْنِ اللَّه كُلًّا مِنْ سَعَته }
بآختصآار لآزم نقآرن دائماً بين السلبيات
والإيجآبيات للشي آللي سنُقدِم عليه
وآلطلآق ليس سلباً محض ولآ آلزوآج إيجآبياً محض
عزيزتي .., قهوة فرنسية
آستخيري أولاً فماخآب من آستخآر
ثم آستشيري ثآنياً أهل الآختصاص والرأي آلسديد
فمآ ندم من آستشآر

كلام في كلام
الحسد والنصيب