رحلة السعادة و المتعة يومياتي

بسم الله الرحمن الرحيم
كيفكم بنات ؟
قررت أفتح موضوع أكتب فيه يومياتي
واللي حابه تشاركني حياها الله ( بس إذا قررت تخرّب الشغله الله يعافيها لاتقول إنها خربت وتختفي من حياتي ههه)
لأني أبي أحد يحمّسني مو يحبّطني زي اللي في البيت عندي :(
في البدايه بقولكم قصتي مع السمنه :(
سمنتي من يوم وأنا صغيره في الابتدائي تقريبًا
واشتركت مع كم قروب في المنتدى ونزلت 13 كيلو اللهم بارك (خلال سنتين تقريبًا)
وبعد سنه مع الإهمال زدت 16 كيلو الحمدلله
البنات في القروبات يتحمسون في البداية بعدين يفلّون أمها ويخربونها وكانت همّتي تضعف وأخرّبها معاهم :(
عشان كذا قررت أسوي لي يوميات وأبدأ مع نفسي ههه
معلوماتي
عمري 23
طولي 165 تقريبًا
وزني أخر مره وزنت كان 86 :( الحمدلله >> ميزاني خربان :(:(
هدفي 68 وأمنيتي 58
بدأتُ في يوم السبت 6/8/1434ه
وسأصل لهدفي في 29/12/1434ه بحول الله وقوته
نظامي تخفيف + رياضة
بنزل يومياتي يوميًا إن شاء الله
الوزن كل أسبوعين
ويوم مفتوح كل أسبوعين
وبدأت الرحلة
بسم الله توكلت على الله