يومياتي نحو الرشاقة بإذن الله تعالى

يارب مالي غيرك يارب

11-12-2022 - 02:34 pm

_
السلام عليكم ورحمة الله وبركاته
وأخيرا ولله الحمد قررت أفتح موضوع خاص في يومياتي وبإذن الله تعالى راح أشدحيلي إلى أن أوصل للوزن اللي أبيه .. دايم أبدأ في الدايت لكن ما أستمر للأخير : (
أنحف كيلو اثنين بس بعدين خلاص أوقف لكن بإذن الله هالمره غيرر ..

وزني : 62 طولي تقريبا : 150
أول هدف أطمح له : 57 .. الهدف الثاني : 53 .. الهدف الثالث : 50

وبإذن الله الوزن بيكون كل يوم جمعه

التعليقات (9)

يارب مالي غيرك يارب

11-12-2022 - 05:03 pm

_
بدأت الإنطلاقه تاريخ 17 / 9 / 1434ه
فجر يوم الجمعه
أيها الراجون منه شفاعةً , صلوا عليه و سلموا تسليما

سمو إراده

11-12-2022 - 06:04 pm

وعليكم السلام ورحمة الله وبركاته
فاتحة خير إن شاء الله
والله ييسر لك يارب ويقوي عزيمتك ؛
صراحه أنا نفس حكايتك كل مره أتخاذل
وما أكمل وحاليًا توكلت على الله وبإذن الله ماراح أستسلم وبالصدفه لقيت موضوعك
وسجلت بالمنتدى عشان كذا
وقلت ( أستأذنك بالتواجد في يومياتك من باب نشجع بعض ونتحمس شوي )
أنا صراحه ماحصل وفتحت يوميات ولادخلت قروبات نهائيًا فإذا كان
يضايقك أتواجد هنا أفتح صفحه ثانيه
المهم نشجع بعض ونعين بعض بعد الله
أنا باديه أمس 9/16
وزني : 91.5 :(
طولي : 155 تقريبًا
الهدف الأول : 80
الهدف الثاني : 70
الهدف الثالث : 60
الهدف الأخير : 50
وهذا هو الوزن المثالي لي
الله يسهل لنا يارب
؛؛
دعواتي لك بالتوفيق
أختك / سمو إرادة

أحاسيس متبعثرة

11-12-2022 - 07:05 pm

بالتوفييق لكم خواتي .. وشدو الهمه
الجسم الرشيق يحتاج لصبر وطولة بال

يارب مالي غيرك يارب

11-12-2022 - 08:06 pm

_
هلا وغلا سمو إرادة
بداية اللهم آمين ولكِ بمثل مادعوتِ يارب وأكثر
بالعكس أبداً وجودك ما يضايقني إلا يفرحني
ومثل ماقلتِ نشجع ونحمس بعض
شدي حيلك وأنا بإذن الله أبشدحيلي وإن شاءالله مع الإصرار والعزيمة
نوصل للي نبيه
وبشوق ليومياتكَ
وفالنا الرشاقه يارب ..
_
أحاسيس متبعثره
أهلين ياغاليه .. صراحه ماأحد حمسني إلا يومياتك
ومتابعه لكِ وأتمنى لك الرشاقه .. بإذن الله تجي تبشرينا بتحقيق هدفكَ يارب

يارب مالي غيرك يارب

11-12-2022 - 09:07 pm

.
يومي للجمعه 17 / 9 كان :
الفطور 3 تمرات + 1/4 كوسة محشي + 5 ملاعق جريش
بعد الفطور : أخذت لي قطعه تشيز كيك أدري أبخربها من أولها
بس نفسي فيه من زمان : ( وأخذت لي عن نفسي
السحور : 3 رطب + صحن سلطه ..
والحمدلله بكذا انتهى يومي .. والرياضه مشيت ساعه
( نص ساعه أول بعدها كملت نص ساعه ثانيه ) ..
ونزلت من الدرج وصعدت 8 مرات تقريبا ..
وماأنسى إني حاولت إني اشرب لتر مويه وكاسين شاي أخضر ..

أحاسيس متبعثرة

11-12-2022 - 10:08 pm

يارب مالي غيرك يارب
أخيرًا صارت لي فايده بالمجتمع ههه
وأنا بعد بتابعكم فالحذر الحذر ياويل وحده فيكم تخربط ههه
الله يوفقكم

يارب مالي غيرك يارب

11-12-2022 - 11:09 pm

^
ههه
وإن شاءالله تصير لك فوايد وفوايد مو فايده وحده بس
لا لا إن شاءالله هالمرره بإذن الله بتكون غير
وقد ماأقدر أبشدحيلي وربي كريم سبحانه
اللهم آمين وإياكِ يارب .. ربي يسعدكك ..

يارب مالي غيرك يارب

12-12-2022 - 12:10 am

.
لاتجعل تخبيص يوم يهدم عمل اسبوع كامل -- استمر في دايتك ورياضتك ولا تثبطك التخبيصات : )

سمو إراده

12-12-2022 - 01:11 am

"يارب مالي غيرك "
يابعدي .. إنتي أزين
وهلا فيك زود
تسلمين والله .. يشرفني أتواجد معاك
وبإذن الله نوصل ..
آمين وفال الجميع ؛
بالنسبه لليوميات
ام
بدايةً بقولك شغله صراحه مالقيت رجيم يناسبني والمشكله فيني لإنه :
( اللحوم / الدجاج / السمك / منتجات الحليب والألبان / الزبادي / الجبنه / البيض ) ما أحبها ابد من صغري :(
ولإنه مافي رجيم غالبًا يخلو من الأشياء اللي ما أحبها ومو عارفه أعوض بدالها فقررت أعمل رجيم يركز على الخضار والفواكه والسوائل وبعد البحث دمجت كم شغله وسويت مخطط لمدة أسبوع وبأشوف النتيجه وبإذن الله تكون عند المأمول وأكثر ؛
وعلى كذا كانت يومياتي
الخميس : سوائل
الفطور : تمره +كوب ماء + صحن وسط شوربة شوفان ؛
وباقي الوقت لين السحور :
( عصيرات معلبه مثل " كيوي " "أناناس " "برتقال " ) تقريبًا كل ساعتين
+ ساعه رياضه ( نصفها مشي ونصفها أي تمارين تحرك الوسط والزنود )
الجمعه :
الفطور : تمره +كوب ماء + صحن وسط شوربة شوفان ؛
وباقي الوقت لين السحور ( بطيخ أحمر )
طبعًا حاولت أشرب ماء كثير
+ ساعة الرياضة
واليوم :
بنزله بوقته إن شاء الله
وبإنتظار يومك > الموفق بإذن الله

إخسرى 9 كيلو فى 7 أيام حقيقة مش خيال←
رجيم رمضان السحوؤ والافطار بدون حرمان→