تعبت من شعري التالف ساعدوني

srsr55

11-12-2022 - 02:27 am

السلام عليكم ،،
مشكلتي ومصيبتي شعري حيل صار خفيف من الاستشوار والسيراميكا
لانو قبل مدارس واللحين جامعه ،، كيف اعالجه وبنفس الوقت ابي استشور علشان شعري
هو مجعد بس مو كثير ،،
ارجوكم ساعدوني بخلطات مجربه وسهله ،،،
موفقين يارب

التعليقات (7)

آآآنقط عسل

11-12-2022 - 04:47 am

والله كلنا نعاني وانا شعري مراا مجعد فيها خلطات بالباميا وفيه بالموز
حلو تعطي الشعر حيوية ونعومة
انا قاعده استخدمها ويارب تطلع نتيجة ترضيني
متفاءءءلةةةة

srsr55

11-12-2022 - 05:48 am

يسلمو ع الرد
وربي يحقق مناك

فواحة الأمل

11-12-2022 - 07:50 am

حبيبتي
تبغين الصحة والحيوية لشعرك
اتركي السيشوار والسيراميك
واعتني فيه باي زيت يناسبك

om samar

11-12-2022 - 08:51 am

سوي حمام زيت مرتين في الاسبوع
اخلطي زيت نارجيل + زيت زيتون دفيهم شوي ع النار وحطيهم ع الاقل 3 ساعات
استخدمي شامبو وبلسم مناسب لشعرك وما يجفف الشعر

جمال الصمت

11-12-2022 - 10:53 am

اول شي السلام عليكم ورحمة الله وبركاتهانا شعري مجعد كان تالف كنت دايما استشورة عشاان المدرسة ايام المتوسطة لدرجة انه يستاقط بكميات كبيرة نعبت من الموضوع وشعري التالف رحت لدكتور طبعا السبب الاستشوار قلي بعدي عن الاستشوار او خففي فقررة ابتعد عنه اعطاني شي انقطة على شعري وشامبو وماسك للشعر عشاان التساقط صراحه عاادي م احس انه سوا شي طبعا انا م انتضرة اجلس على علاجات الدكتور صح الماسك عجبني بس احس لو استبدلنا بالماسك ارخص افضل ويعجبني ماسك الشعر من فاشكول جدا راىع بديت اعتني بشعري سرت استخدم السدر بخلطات كثيرة يعني مثلا استخدم السدر مع موية لحال او اوقات تكون موية البصل والثوم واوقات بزيت الزيتون وكنت احط اي زيت وشريت زيت الفازلين بس م استخدمتة كثير والحين اكتب لك والسدر بشعري حاابه اقولك في النهاايه العناية بالشعر مو يعني خلطة العناية بالشعر تهتمين فيه تبعدين الاستشوار اذا حبيتي تسخدمي الاستشوار استشوري مقدمة الشعر بس حاولي ترطبية وتعتني فيه اتمنى اكون افدتك

شمووخ .

11-12-2022 - 11:54 am

وعليگم السلام والرحمه ..
الله يعين نفس معاناتي هالفتره وصدقيني مااتلف شعورنا غير الصبغات والاستشوار والسيراميگ فبقولگ الي راح اجربه من عنايه بشعري في هالفتره خلطه سدر ووبعدها اغسلي شعرك بمويه من دون شامبو وللمعلوميه السدر معروف في تگثيف الشعر واهم شئ بعدها جففيه وزيتيه بزيت جوز الهند لانه راح ينشف شعرگ من السدر وصدقيني هالزيت بجد روعه وانا مجربته اگثر من مره وراح تشوفي ترطيبه في شعرگ وطبعا لاتطولين على الزيت في شعرگ وبعدها اغسليه بشامبو وگمان من ضمن الخلطات الي باستخدمها تونيك السدر واگليل الجبل والاس وهالتونيگ گثير مدحوه وانتي سوي سيرش وراح تشوفي مجربات هالتونيگ.. وان شاء الله يگون افدتگ وتقبلي مروري عزيزتي

{اكلـــــيل الـــورد}

11-12-2022 - 12:55 pm

خلطاتي تبي صبر اذا عندك صبر بقولكيعني الى 3 شهور وتبان النتيجة المرضية
اولا الاستشوار الغية تماما
يعني ماتستخدميه ابدا
خاصة طول هالعلاج
اولا هاتي جرجير اغسليه تماما ونشفيه في الشمس بعد ماينشف حطيه بالخلاط مع زيت النارجيل العلبة الخضراء واخلطي دقائق وحطيه في علبه تماما وحطيه في مكان مظلم وبارد مو الثلاجة بغرفتك\
بعد 3 ايام حطي حمام مائي وحطي العلبة فوق الماء وافتحي الغطاء بعد مايسخن اتركيه يبرد طبعا ارفعية من الحمام المائي
وبعدها هاتي قطعة قماش وصفي الزيت من الجرجير حطي قطعة القماش على فم العلبة جديدة وصبي الزيت والجرجير
وكذا عندنا زيت صافي واستخدميه 2 مرتين بالاسبوع
واذا حابة 3 مرات مافيه مشكلة
هذي خلطة تطولة لك
خلطة ثانية
هاتي زيت دابر
والسمسم
لا تخلطيهم انتبهي
حطي الدابر على شعرك وبعدين هاتي السمسم حطيه بعده او على الاطراف
المهم الزيتين على شعرك شوي من هذا وشوي من هذا
هذي الخلطة على ضمانتي بعد امر الله
تنعم
بس اهم شي الاستمرار
حابة شعرك يطول اكثر
استخدمي حبوب هير دال موجودة بالصدليات
دعواتك لي بزوج الصالح يارب

احصلي على رائحة شعر جذابة←
بنات→