الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
قلب المحرق
18-12-2022 - 06:24 am
رواية وين ماطقها عويه(مستشفى الميانين)<<رواية مضحكة +اكشن +مغامرات كبار ((فقط للكبار)) السلام عليكم في البداية روق وقول لاا الله الا الله محمد رسول الله احم هاذي اول رواية لي من هاذا النوع وهو (الضحك والفلة والى ماله نهاية ) يعني الي حاب يوسع صدره يتفضل... مشكور
بس ترا التفاعل اهم شي يعني البارتات ماراح تكون منتظمة لان الظروف ما تساعد
بس ع كثر الردود والحماس بتكثر البارتات ولاا تنسوا
ترا رايكم يهمني وانا انسانة اتقبل الاسئلة والانتقاد
يعني عبروا ولاا تستحون لاني فالتها هع
ولاا تنسوا ترا رواية عاشقة الشيطان ما خلصتها
..
..
..
بدايتاا احترحت اكتبها لاني حالياا اكتب غيرها وان شاءالله بخلصها قريب ..عندي روايتين الاولى (وش موقفك)>> رومانسية +مضحكة +حزينة والثانية (عاشقة الشيطان)>>هاذي جدا مختلفة وهي بقمة الرومانسية وتتكلم عن قصص اجتماعية كثيرة بمختلفها الي يبحها قلبكم ..والي تبي قسوة >>فيها ...والي تبي حب>>فيها ..والي تبي اكشن >>بعد فيها ..والي تبي بنات واهل وجية >>بعد فيها وكل قصة من قصصها غير عن تاليها .. المهم انا بعد ما الصراحة مليت من القصص الحب والرومانسية وغيرها ..حبيت اغير الى ضحك ووناسة وفلة وكلها حقيقية بس مع اشوي بهارات >>اكيد لازم بهارات هه وطبعاا بتكون الرواية ع لسان البطلة >>سوير<< والي هي اناا >احم احم ..مشكلة وين الكلر هه بدايتاا بعرفكم بنفسي انا اسمي سارة ومعروفة بأسم (سوير) ..المهم انا بنت بقمة الانوثة >>لاتجذبين و شأقول وشأخلي المهم عمري 22 سنة وادرس اخر سنة جامعة وانا ترتيبي في العائلة اخر الاعنقود >>فديتني توني صغيرة طبعا انا انساانه احب الفلة احب الوناسة حياتي كلها وناسة وفله وماتمشي الا جية وانا انسانة جداا جريئة وخلال الرواية بتجوفون هالشي ام حتى اذكر اول يوم لي في الثانوية مكان عندي في الصف احد اعرفه وخلال جم يوم تعرفت ع الصف كله وككنت بقمة الجرائه >>فديتني شخصية اقرب وحدة لي بنت عمي داليوه وهي تقريباا كبري بس فرق سنة وشي امم بنسبة لشكلي خلوني ساكتة احسن جسمي متوسط يعني دبه لكن مو ذاك الزود المشكلة مب في جسمي المشكلة الكبرى في طولي وزني 72 وطولي 148 علشان جية شكلي غلط بس ياحلاتني مع اني دبه لكن حلوة والكل يمدحني>>بلاها حسد من الاول هه امم وبنسة لباقي الاشياء خلال الرواية بتعرفون عندي اخت اسمها دانه وهي اكبر مني بسنة والكثير مايقلون انها تبين اصغر مني لان فيسها صغير>>الله ياخذها كله تعيب علي(( يؤم فيس )) لان فيسي كبير بس يناسبني وبقوة المهم اهي انسانة جداا اجتماعية لحد غير معقول حتى عندها صديقات حطموا الرقم القياسي في العايلة <<ياماال الويعه يعني صحيح انا اجتماعية بس موكثرها يمكن ثلاثة ارباع البحرين تعرفهم غير الي براا >>من وين تتعرفف عليهم مادري عمرها 23 سنة ومتخرجة وهي جداا مرحة وعليها بلسان ولاا طول الشارع الرئيسي >>بس لسان عندها بس حزة الطق اول من يشرد طبعاا اهي طويلة وهالشي الي قاهرني.. اهي من ناحية الجسم فهو وسط يعني اهي دبة بس الطول ساعدها وطبعاا من ناحية الجمال فأنا اجمل بوايد لاني بيضاا وهي سمراا وعقبها عبود وعمره 25 يشتغل وعايش حياته كله سفر وتنقل >>وكله يسافر بروحه مايحب يسافر معاا >>اكيد وراه شي ولاا ليش يحب يسافر بروحه طبعاا اهو وايد مقرب من ولد عمي سعدوون (سعود) وهو اخو دليووه وبتتعرفون عليه عقب اشوي طبعاا اثنيناتهم مثل الطخة ع قولتهم (طنجرة ولقت غطاها )هه حزة مايتيمعون الاهل اتجوفونهم سكتم بكتم بس اول مايطلعون مابعض ولاا يسكتون<<اقولكم وراهم شي ماتصدقوني المهم عبود نسخة من دانة اختي بكل شي لكن اهو اطول وجسمه رياضي وهالشي الي يميزة واكبر واحد اخوي الزفت سلووم ربي ياخد روحه قولوا امين انسان مزاجي بشكل كبير احياناا يكون زين واحياناا اكره نفسي بسبته عمرة 30 سنة متزوج من بنت خالي وعده اثين يهال ولد وعمره 4 سنوات واسمه خالد >>جميل يخقق يهبل مادري طالع ع من ودمه خفيف مثلي فديته وبنت اصغر منه بسنة عمرها 3 سنوات واسمها الجوري <<جميلة مثلي تشبهني وايد نسخة مني اصلا والكل يناديها سوير لانها تشبهني وبقوة خصوصا لين كنت صغيرة وبس وامي الله يحفضها انسانة حنونة ورقيقة ولكن احياناا تصير متوحشة في بعض المواقف والكثير مايقولون انها تشبه دانه >>بس والله فرق امي احلى بوايد هه وبوي فديته انسان يحب شغله ويحب عيالة وخصوصاا الزفت سلمانووه>>اصغر عيالج ويموت ع خويلد ولده .............................................. ننتقل لعائلة عمي عبدالرحمن طبعاا عمي نسخة من ابوي وهو اصغر من ابوي بعد وميزة عمي انه انساان جداا متشدد ومايحب المجاملات ولاا حتى الدلع واحياناا يصير حنون ومرته انسانه عادية جداا وهي مثل عمي لكن احن بوايد لكن بعد قاسية اكبر عيالهم فاطمة وهي متزوجة وعندها بنت اسمها غلا وهي عايشة في قطر<<متزوجة قطري وعقب سعدون(سعوود) وهو عمره 24 يشتغل وانسان كوبي بست من اخووي عبوود وعقبه داليووه وهي اقرب وحده لي مثل ماقلت لكم وهي نسخه من اخوها سعدوون بكل مافيها دلياا انسانة جدا ذكية من ناحية الدراسة <<قسم بالله استغرب مع انها في الحقيقة جداا غبية وهي طبعاا تحب والوناسة والمغامرات <<بس موب مثلي واكثر شي تحب انها تنرفز الادمي الي جدامها <<هوايتها وتحب تتهاوش مع الاوادم بدون سب<<دوم اسألها ليش تقول (تسليه) طبعاا اهي دبه بس موب مثلي يعني بس اهي عريضة وانا عندي كرشة ربي ياخذها <<ادعولي اقوم يوم من الايام وشوفها راحت هه المهم اهي سمرا مثل اخوانها وللمعلومية >>كل اهل ابوي سمراان بنات وشباب ما عداني هع وعقبها شيووخ وهي توها متخرجة من الثانوي انسانة جدا سخيفة ولكن حبوبة وبعد تزعل ع اتفه الاسباب وهي معروفة انها من اقزام العائلة صحيح انا قزمة بس مب كثرها ههه واخر الاعنقود زيوون عمرها 17 ثاني ثانوي انسانة اسخف من السخف وواقفه في حلقي وماتنبلع ومشاغبة اقوى شي ولكن بعد احبها لان الصراحة لين اروح بيتهم وهي مب موجودة احسه مايسوى لانها الي تسوي اكشن في بيتهم هه .................................................. ........ وبنتقل لعائلة عمي عبدالله وهو اكبر من عمي عبد الرحمن بسنتين ع ما اعتقد طبعاا اهو عايش في الامارات مع ولده الكبير نويصر وعمره 28 سنة متزوج وعنده ولد اسمه حمني ع اسمي عمي عبدالرحمن وعمره 8 شهور يعني حده اصغير وعقبه اخوه رويشد كبر اختي دانه مابينهم شي انسان جداا تافه واكرهه احياناا بسبب استهباله البايخ الي ماعرف من وين يايبه وعقب فرووح العلة وهي انسانه جداا فلسوفه ع شنو مادري مع انها من اضخم بنات العايلة ههه وتموت في طق اليهال تقول والله متعه اجوفهم يصيحون <<شريرة عقبها العلتين التوم فهيد وعلوي وذيلين الله لاا يوريكم اشكثر مشاغبين قسم بالله اقعد معاهم تطلع روحي عمرهم 12 وشكلهم يدل 9 بالكثير ودوم نسميهم التوئم المختلف لان بصراحة كلش ما يشابهون بعض وامهم دلال عظم مركب مع ان عيالها كل واحد يقول الزود عندي ههه .......................................... عقب عماتي واكبرهم عمتي هيفاء انسانة جداا فري واحبها وايد خصوصاا وقت الطلعة ههه تخيلوو كل شي عندها عادي عندها اربع بنات واربع اولاد والبنات كلهم متزوجات والي هم نرجس متزوجة وعندها بنتين وايد وايد حلوين وهنوف بعد متزوجة وعندها اصبي واحد عن عشرة ورغد هم متزوجة وعندها ثلاثة اصبيان وبنت واخرهم زمزم للحين ماعندها يهال اما الشباب فهم محمد انسان هايت وماينعرف وينة ولاا شيسوي وعمرة 21 وكلش ماحبه لان يبط جبدي وعنده سوالف <<يكلم بنات وعقبه احمد وهو من طخته بعد ولكن اثر فساداا حياته كلها نوم وفاشل في الدراسة وبقوة مع مرتبة الشرف هه وعقبه حمد وهو الوحيد الي سنع بين اخوانه شاطر وذكي ومثقف بعد واخر العنقود سعد وهو كبر علوي وفهيد ومن طختهم بعد ...................... ثم عمتي فرووح وهي انسانة طيوبة بالحيل وعايشة بحالها بدون اي ازعاج وماتتدخل في اشياء مايخصها مثل عماتي الباقيات <<احلى مافيها هع عندها بنتين وصبي واحد بنتها الكبيرة اسمها هيفاء متزوجة وعندها بنت عسل اسمها الدانة كبر خويلد ولد اخوي بس اهي اكبر منه بشهرين بس وعقبها ريووم وهي انسانة لسانها متبري منها ولكن احسن من هدوول الي لسان ب بس متبري منها الا مايعترف فيها طبعاا اهي كبر دانة مافية فرق الا جم شهر وعقب زيادووه عمره 18 سنة يحب الهياته مع الخمة احمد ولد عمتي هيفاء ولكن زياد احسن حالا ................................................. وبعدين عمتي دانة طبعاا اختي دانة مسمينها عليها انسانة مثقفة بس موب كثر عمتي زيون عندها بنت اسمها احلام مدرسة انجليزي مب متزوجة واعتقد بتاخذ شهادة العنوسة قريباا وعقبها سعود متزوج وعنده ولد قمر قمر قمر يشبه امه ابيضاني وجميل وعقبه يوسف وهو من طخة محمد وعمرة 20 سنة ................................ واخرهم عمتي زينة طبعاا عمتي زينة انسانة مثقة وهي مدرسة عربي وعيالها طالعين عليها في الذكااء ماعدا حوحو (عبد الرحمن) ومن صفات عمتي انها متشدده جداا ولكن مرحة وضحوكة وحسها تحب افطيم بنت عمي عبد الرحمن مادري ليش والمهم اكبر عيالها سلوم وهو كبر دانة اختي لكن اهي اكبر ب 6 اشهور لاا اكثر سلووم ذكي جداا ويشتغل مهندس وعقبها هدوول النشبة وهي مثل ماذكرت لكم لسانها مايعترف فيها ابداا صحيح انا اسب بس و مثل سبها وقسم بالله مافي غيرها معلمني هالسب وعقبها بسووم اذكى من هدول وعليها برد يصدم الي جدامها ولكنها حساسه واخرهم حوحو فديته يهبل هالطرم صج مايعرف يتحجى عدل لكن حده كيووت ودانة اختي تموت فيه وتدلعه وهواغبى واحد بين اخوانه لكن عمتي تموت فيه وبث<<ع قولت حوحو تبتدي القصة اهنية توني قاعدة بكل برائة الدنيا ومافيها اطالع فلمي المفضل استيب اب 2 وانا مندمجة وشاقة الحلج واكل نفيش مع العسل الا تييني دانه الزفت وتقول :اسوير غيري القناة اناا بتعجب:ليش ان شاءالله دانووه:ابوي يى انا طلعتها بستخفاف:انزين دانوه :شنو انزين ..ترا ابوي اذا جاف المسخرة هاذي بيقلب البيت عليج انا:ليش.. والله مافيه الفلم شي وبعدين انتي اخر من يتكلم اقول روحي للهند اصرف لج دانووه:والله ودي ..بس اهلج مايخلون الواحد ع راحته يعيش انا:جب جب انقلعي دانووه:حمدي ربج يايه متعبة نفسي اقولج علشان ماتطيحين في مشاكل اكثر من الي انتي فيها انا بنذاله:مشكورة ماله داعي تعبج ويالله ذلفي احسن لج قبل ماترد دانووه الا ابوي فاتح عيونه منصدم وبوزه اشوي ويطيح انا طالعته الا افتر اجوف اهو منصدم من شنو الا وفتح عيوني من الصدمة وارجع افتر اجوف ابوي لاا يقلب البيت علي انا انقهرت من قلب ان ابوي ياي عند هالمقطع بذات ابوي بعصبية:انا جم مرة قايل لج لاا تقلبين هالقناة الزفت وبعدين اش هالفلم البايخ انا بخوف:يبة اشفيك اتثقف ابوي:والله تتثقفين وان ان شاء الله تتثقفين بالمسخره انا ببرائة:يبة ترا الفلم والله بريئ ومافيه شي ابوي بصراخ:اية كلش انا:صدقني لو انت ياي قبل جان صج فهمتني ابوي:قصدج انجلط لو ياي قبل بعدين انا مب حاذف هالقناة ليش ترجعينها انا بغباء:لاا يبة هاذي غير مب ذيج ابوي:لاا والله انا:اية وبعدين يبة ترا هاذي موهبة ابوي بستهزاء:وش موهبته ؟؟ انا بقوة عين:الرقص ابوي:خوش موهبه والله انا قايل ليش كل يوم وتالي تييني عمتج زينة تقول بنتك خربت بنتي وانا اقول لاا بنتي ماتخرب احد اثاري صج انتي الي معلمتها هالقناة حسبي عليج انا بزعل:يبة وانت من صجك صدقتها وبعدين ترا هدول اهي الي معلمتني دانووه بنذاله:جذابة يبة حتى جفتها تعلم بسووم ع هالقناة انا بصدمة :اوولاا ..جذابة يبة لاا تصدقها ابوي مشى وهو يصارخ:والله ان ما حذفت كل القنوات وحزتها وريني شنو بتسوين دانووه ابتسمت بنتصار وراحت غرفتها عاد انا اهنية اشوي ونفجر وفجر البيت معاي قمت وصكيت التلفاز ورحت بيت عمي عبدالرحمن الي هو مقابل بيتنا اول مادخلت سمعت اصراخ زيوون مثل العادة تتهاوش مع دلياا ركبت فوق بعد ماسلمت ع عمي الي قاعد مع عمتي يسولفون جفت دليووه مياوده زينة من شعرها وسادحتها ع الارض وتصارخ:وين حطيتي الافلام يالكلبة زينة بنذالة:والله لو تموتيني مب قايلة لج دليووه طقتها لين حبت الارض وهي تمسح فيها الارضية انا قعدت ع السرير بهدوء:وين شيووخ داليا بعد عناا شديد لقت الافلام وقعدت يمي:وين يعني اكيد عند هدوول انا:ايه الا الزفت زيون ليش مب رايحة وياها علشان بسووم داليا:ماخليتها تروح انا :ليش داليا:لانها ماخذه افلامي الحقيرة النذالة ربي يفكني منها انا:ام..انزين وش افلامه داليا ببتسامة:الي يحبها قلبج انا صرخت لاا شعوريا:لاا تقولين اسيب اب 4 داليا ببتسمة:طبعاا انا جني متخرعة قمت وانا اناطط من الوناسة دلووي بعصبية:هااي انتي هزيتي البيت انا وقفت :جب ..وبتسمت..خل نجوفه دلووي بنذالة:نو انا بقهر:ليش؟؟ دلووي بنذالة اكثر:كل شي وحقة انا فتحت بوزي اشوي ويطيح:اوولاا وانا الغالية دلوي:والله محد غالي غيري وبعدين انتي كيفج اذا تبين تطالعينه نفذي الي اقوله لج انا كرامتي ماسمحت لي:مالت عليج وع فلمج وع الي ياييه عندج ورحت اشوي الا دلوي تصارخ:ماتبين تجوفين فلم ماما مرة وحدة وقفت ورديت ريوس:اش قلتي دلوي:قلت فلم ماما انا:حلفي عندج دلوي: والله ..مدت الفلم لي..جوفي .. عاد اهنية ابتسمت بمصلحة:ياقلبي والله يادلووي ..قسم بالله احبج اكثر من ماتتوقعين دلوي بنذالة:لاا تحاولين انا:اولا دلووي نسيت العشرة بهاسهولة ونسيت ايامنا الحلوة دلوي :كل شي وحقه انا بخيبة أمل:قولي اشعندج دلوي وهي تلعب بشعرها:ابيج تعطيني جوالج انا :خير هاذا الي ناقص دلوي بنذالة:عيل انسي تجوفين الفلم انا بقهر:دلوي انتي ليش جذية نذلة دلوي:طالعة عليج مب انتي الي معلمتني اشلون اصير نذالة انا بقهر:اية لاني بقرة دلوي:زين حسيتي انا تنهدت:انزين ليش تبينه دلوي:ابوي سحب فوني بعد ماعرف سالفة الزفت وليد انا:تستاهلين انا جم مرة قايلة لج لاا تورطين نفسج دلوي:اف شسوي البنات تحدوني وانتي تدرين كل شي ولاا احد يتحداني انا:ربي ياخذج ويفكني من شرج وغبائج الي مال امه داعي انتي وافكارج الغبية مثلج دلوي بعصبية:الله ياخذج انتي ويا افلام الراب حقج انا عصبيت:حدج عاد الا افلام الراب لاا تدعين عليها لاا اخليج الحين خبر كان دلوي:والله انا الي بخليج خبر كان انا بتحدي:اتحداج عاد دلوي ولاا ان احد يتحدها ..خذت السيديات الي في يدها وحذفتها علي وشردت عاد انا ..ما سكت قلت لازم انتقم منها وجان اخذ الابجورة حق غرفتها وحذفها عليها من الدريشة <<لانها طلعت الشارع طبعاا ماصدتها لكن لين جافت ابجورتها مكسورة انجلطت وتحولت عيونها حمرا وجان تروح بيتنا وتروح غرفتي وتطل من دريشتي الي مقابل دريشتها وجان اجوفها تشق دفتر مذكراتي عاد انا اهنية قلبي بغى يوقف وجان ادور في غرفتها شحذف الا جفت مزهريتها الي ياتها هدية من رفيجتها الزفت ليون وجان احذفها مع الاورود الي داخلها الا طا خ انكسرت في راس خليل رفيج سعدون اخو دلوي الا انخش وهو يصارخ ويتحلطم وانا ميتة ضحك ع شكلة اما داليا اشوي ويغمى عليها لين جافت مزهريتها الي يات هدية من اعز صديقاتها ليوون متكسرة وجانها داقة 199999990000 اسرع من الفراري وبيدها ال دفي دي حقي الي خاشته عن ابوي وتكسرة جدامي في غرفتها لين خلته قطع متناثرة وجان انا يطلع اليني الازرق الي داخلي وماجوفها الا داقة 9000 وانا داقة 100000 واياودها من شعرها لين طاحت ع ويهها واكفخها ابرد حرتي وجان تاخذ نعالتي وتشرد وتقطهم في الزبالة ..بغيت اموت اهنية >>والمشكلة ان النعال مال دانووه توها شاريتهم ب20 دينار ان درت ذبحتني وجان الحقها وهي في الشارع وتصارخ جنها مينونه وانا وراها حالتي حاله رافعة الجلابية وسيقاني مبينه وشعري الي جنة ستارة ع قولة حصيص رفيجتي طاير ولاا بدون نعال بعد وهي شعرها منكش وحالته حالة وخايفة من قلب وهي مسمعة الفريج اصراخها <<والله انجافنا احد لاا تكون نهايتنا وجان تدور ع السيارة وانا وراها الا مرة وحدة اجوف عمي عبدالرحمن طلع يجوف شسالفة الا انا داقة 100000000 واشرد لبيتنا وداليا منصدمة ليش شردت الا يد واحد يمسك شعرها بقوة لين صاحت جان تلتفت الا تجوف ابوها اشوي ويغما عليها دخلها البيت ووداها لغرفتها وطقها لين حبت الارض وطبعا كل هذا وانا اجوف من دريشتي بخوف اشوي الا اسمع صوت دانة الزفت تصارخ جان اروح لها اجوف اشفيها تصارخ الا تطالعني والشرار طالع من عيونها:وين نعالتي يالزفت انا وقلبي بغا يطيح:ماعرف الا مرت اخوي سلمانووه الزفت تقول:توني جايفتها عليج لين رحتي بيت عمي عبد الرحمن الا انا اطالعها بقهر **مالت عليج ..والله ان ما انتقم منج مع هالويه ** الا دانووه تطالعني:وينها انا اهنية سكت اشوي الا اجوف داليا تبتسم وهي تقول:قطتهم في زبالة الفريج جان دانوه تنجلط انا خفت وانا اتوعد لداليا الا داقة دانوه 8000 جان انا ادق 2000000 واروح الحمام وقفل الباب الا دانووه تصارخ وهي اشوي وتكسر الباب:بطلي ..يعلني احضر موتج ان شاءالله انا من ورا الباب خايفة:دانوه حرام لاتدعين دانووه بقهر:جب انتي اخر من يتكلم ..وبقهر..بطلي الباب انا:عزبالج مينونة تبين اموو


التعليقات (4)
قلب المحرق
قلب المحرق
وين الردود :(

مؤيدة بنصر الله
مؤيدة بنصر الله
السلام عليكم
أشكرك عزيزتي على المشاركة ...
هي مضحكة فعلا وطريفة ... وشبابية ..
لكن هناك كلمات كثيرة لم أفهمها لأنها بالعامية ...
أتمنى أن يكون الوصف باللغة العربية الفصحى ولا مانع أن يكون الحوار بالعامية
حتى تستطيع كل الجنسيات قراءتها ...
أهلا بك هنا
بانتظار جديدك ..

سماقة
سماقة
يا ألف مرحبا بقلم واعد ..قلب المحرق ..
بداية أرحب بك احلى ترحيب فيا اهلاً بقلم يسبقه رنين البهجة ....
أوقدت كلماتك ابتسامة ممزوجة بالفرح ...لما قرأته ....أعجبني وأشجعك لاتمامه....
أما اللهجة فأنا مع الست مؤيدة العامية حلوة .....لكن حبذا لو كانت مكحلة بالفصحة .....
اما انا فهمت كلامك لان احب هي اللهجة....
ننتظرك اختي
عسى تتكلل روايتك بالنجاح
بالتوفيق

قلب المحرق
قلب المحرق
يامراحب
منورين
بنسبة للغة اسفه حبايبي بس انا مب شاطرة في الفصحاا واخربط
بس اذا فية شي مافهمتوه قولوا لي وانا بشرح لكم ومنورين مرة ثانية

الأرنب والسلحفاة بقلمي
قطيعة بيني و بين مذكرتي