الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
ناهد
20-11-2022 - 06:49 pm
السلام عليكم ورحمة الله وبركاته
بغض النظر عن ان الرجل اللى مش رومانسى فى كلامه او افعاله بالتاكيد بيبقى مقصر فى حق مراته او خطيبته..
بس النوع ده من الرجالة بيبقى صعب انه يخونك..
لو كنتى زعلانة ان خطيبك او جوزك مش رومانسى او مش بيقولك كلام حلو
طب تعالى
الراجل اللى بيعبر عن مشاعره هو راجل حنين او كداب!!
طيب لو اعتبرناه حنين فهو بكده واخد صفة من صفات البنات!!
البنات هما اكتر كائنات بتعبر عن مشاعرها
انما الرجالة زمان كان بيستعيبوا انهم يعبروا عن مشاعرهم وبيعتبروها انتقاص من رجولتهم
احب اقولك ان الراجل اللى بيعبر عن مشاعره سواء بالكلام او فى الفيس او حتى ردود افعاله اووفر زي بعض البنات..هذا الراجل بيتضحك عليه بسهولة
ومشاعره فى بعض الاحيان متقلبة..وممكن اى ست غيرك توقعه فى حبها..لذلك ينصح بإنك تكونى مراية له..
لو كان عاطفى خليكى زيه ..عشان مفيش واحدة تانية تشغله غيرك.. والناحية الايجابية فى الموضوع انك ممكن تخليه يحبك ويسمع كلامك كمان..لانه زى ما قلتلك عواطفه مأثرة عليه لذلك لو حبك بجد هيعملك كل اللى نفسك فيه وهيدافع عنك لو اتظلمتى من اهله او غيره..
وعلى الجانب الاخر..
الخبر المفرح ان اللى مش رومانسين صعب خداعهم بواسطة اى ست غريبة..لانه هو اصلا مشاعره متجمدة!! وبالتالى مش هيبص لواحدة غيرك..
ده على اساس انه شايفك اصلا
وفى الاول والاخر كله نصيب ولكل قاعدة شواذ..
تحياتى لكم جميعا..


التعليقات (1)
زهرة الوادي زهرة الوادي
وعليكم السلام
هذه وجهة نظر جيدة.. ولكن كثير منا يخلط بين الرومانسية و الضعف او الزوج اللعوب..
ان الامر مختلف فالرومانسية هي اسلوب تعبير عن مشاعر الزوج تجاه زوجته كما وضحتي .. ده كلام جميل .. وهذا يعني انه لابد وان تكون هناك مشاعر داخل هذا الزوج للتعبير عنها في اسلوب قد يختلف من شخص لاخر .. ممكن في كلام ممكن في فعل حتى تصل لمجرد النظرة ..
ولكن هنا هتلاقي ان الموضوع اصبح مرتبط بالمشاعر وطبيعة الشخصية وفي هذه الحالة اذا كان في حب حقيقي هتكتشفي ان المشاعر دي حقيقة ولو كانت المشاعر دي حقيقية هتكتشفي ان الرومانسية دي مش مزيفه وغير قابله للتشكيك وليست ناتجة عن ضعف في طبيعة الانسان..
بعض الزوجات للاسف قد تتصور ان الزوج الرومانسي قد يخونها وهذا الامر خاطئ وهو مجرد وساوس تنتابها نتيجة انها تربط بين اهتمام زوجها بها وبين انه ممكن يكون بيعمل ده مع حد تاني ومتناسيه ان الزوج ده اختارها هي وتزوجها لإنه بيحبها وبيحاول يعبر لها عن شعوره بأسلوبه ..
اما الازواج التي لا تستطيع التعبير عن مشاعرها ففي الغالب هتلاقي ان الرومانسية عندهم بتركز اكثر على جوانب غير كلامية مثل الخوف على الانسان الي بيحبه الاهتمام يعني اساليب تانية كتيرة يعني الرومانسية ليست كلام وان كانت كلام فقط فلن تكون صادقة وفعلاً قد يكون في هذه الحالة زوج ضعيف او لعوب اذا كان متكلم فقط..

طرق إزالة الشعر من المنطقة الحساسة
اوعى تقولى لجوزك الحاجات دى ابدا