طريقة عمل الغريبة

الغريبة من الحلويات المحببة للكثيرين مننا وخاصة فى عيد الفطر المبارك ومنا من يحب تناولها طوال العام لذلك جئنا لك بطريقة سهلة وبسيطة للغريبة:
المقادير :
4 اكواب دقيق
2 كوب سمن بلدى او زبدة صفراء
كوب سكر بودرة
1/2 ملعقة صغيرةفانيليا
لوز مجروش للتزيين
الطريقه :
1-اضربى الزبدة كويس اوى واى لحد ما تكون بيضا حطى عليها الفانيليا
2- ضعي السكر بالتدريج لاحظتى انه اندمج كويس مع الزبدة؟؟
3-ابدأى حطى الدقيق واحدة واحدة ولفي بمعلقة خشب
4-وبعدين بأيدك بس مش كتير لو لاقيتيه لسة طرى شوية حطى ربع كوب بس دقيق
5-ودخليها التلاجة ساعة وهوة دة السر عشان ما تشققش
6-تخرج وتشكليها كرات صغيرة وتضغطى عليها فى الصينية بظهر الشوكة حتديكى شكل حلو اوى وتزين باللوز المجروش
وياريت تبطنى الصينية بورقة زبدةالطبخ: دخليها الفرن الرف الاوسط ربع ساعة اواقل لو الفرن عندك حامى وتابعيها المهم ما تحمرش تخرج بيضاء
نتمنى ان تكون الوصفة حازت على اعجابك وتكون استفدت معنا وتشاركينا الراى