دجاج زربيان لذيذ

المقادير
3 اكواب ارز
9 اكواب ماء
اعواد قرفة
زبادي
رأس ثوم كامل
5 حبات هيل
كركم
ملح
دجاجة كاملة مقطعه 6 قطع صدور دجاج
3 حبات بطاطا مقطعه مربعات
بصل فروم
زعفران منقوع في ماي مغلي
سمن محلي (ضروري)
معجون طماط (يمكن الاستغناء عنه)
بصل مقطع شرايح (محمر)
مقادير الساحوق :
2 طماط كبار
فلفل اسود
نعناع
كزبرة
شوية ماي
ملح
قرن فلفل (حسب الرغبة)
للتزيين :
طماط كرزي
كزبرة مفرومة
طريقة التحضير
اول شيء نحط شويه سمن في قدر و ننتظره يسخن
نضيف عليه البصل المفروم و نحركه شوي و على طول نحط البطاطا عليه و نحركه شوي
نضيف عليه شويه كركم و الدياي و الملح و القرفه و نخليه على النار و نسكر الغطاء
على جنب نحط في الخلاط راس ثوم و الزبادي و الهيل و نخلطه لحد ما يستوي خليط واحد
والثوم و الهيل ينطحن ويصير مع الزيادي متجانس
في قدر ثاني نبدا نفور الارز (يمكن اضافة بهارات صحيحه للنكهه)
نضيف الزبادي على الدياي و نحركه شوي و بعدها نضيف شوي معجون طماط (حسب الرغبه و يمكن بدونه)
نضيف على الخلطة نص كوب ماي دافي و نسكر على الغطاء لحد ما يتبخر نص الماي
(يكون الارز نص مستوي و يكمل الاستراء في الماي الباقي في خلطة الدياي)
و نحطه على الخلطه (نفس البرياني بس تكون المرقة تحت فقط)
نحرك الخلطة شوي و ناخذ مشخل و ناخذ قياس ربع الارز
و اخر طبقة نرش عليها البصل و الزعفران الباقي باضافة 4 ملاعق كبيره سمن او زيت
و نسكر على الخلطة بالالمنيوم ونخليه لمدة 15 الى 20 دقيقه و نطفي على النار
نرش على طبقة الارز شوية بصل محمر شرايح و ربع كميه الزعفران بالماي (قياس 5 ملاعق)
و نحط طبقة ثانيه مستويه اكثر من الطبقة الاولية و نعيد حركه البصل و الزعفران لحد 4 طبقات
و نحط الطماط الكرزي على الاطراف للتزيين و يقدم مع صلصة الساحوق
طريقة الساحوق : في الخلاط نحط الطماط و الكزبره و النعناع و الملح و الفلفل الاسود (يمكن اضافة قرن فلفل)
نخل الخليط لحد ما يصير متجانس و سائل
نطفي النار و نحط الرز في طبق التقديم ونرش عليه شوية كزبره
و بالعافية عليكم