الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
طووطه
01-06-2022 - 08:03 am
السلام عليكم .... أنا عضوه جديده معاكم ..... أشكركم على هالموقع الرائع
و أحس إني لقيت فيه المتعه والفايده
م الصراحه أنا توني مخطوبه ولسه ما تحدد موعد ملكتي .. إحتمال يكون با إجازة الحج
وحبيت أسألكم ..... م لأني صراحه ماعمري قد حضرت ملكة أو حفلة خطوبه
وش يصير به اليوم وش المفروض مني أنا أسوي ... م ويحتاج أروح للكوافيره للمكياج والتسريحه و ألبس فستان ولا عادي
م سمعت من ناس يعملون زفات به اليوم وحركتات وكأنه يوم العرس
وإلي تنصحني أسوي زفه بيوم ملكتي .... رجاء تعلمني كيف ؟؟ لأني الصراحه ماعندي سالفه به الأمور وماعندي احد يساعدني أبداً ...... لا أخت و لاخاله ولا عمه ولا صديقات و أمي لو عليها ماتبي تسوي ولا شئ
ماعندي إلا أنتم ........ والله يعينكم علي
أتمنى أني ما أكون ثقيله عليكم .... وماتكون طلباتي فيها إحراج .... و أعذروني بنوتات


التعليقات (7)
أم سيد أنور
أم سيد أنور
السلام عليك ورحمة الله وبركاته أختي طووطة .
أولا أبارك لك هذه الخطوبة وان شاء الله يتمها على خير .
مثلا احنا في البحرين ليلكة الملكة تلبس العروس جلابية والشعر يكون مسوى حلزون أو يكون مسوى بالأستشوار
فقط ونضع عليه (الكبكب) الذي هو من الذهب مثل القبعة ،وتضع لها المكياج الذي يناسب الجلابية
أما بالنسبة لليلة الحفلة قبلها بليلة لازم تضع الحناء في يديها ورجلها باأجمل النقوش ، وفي يوم الخطوبة تذهب
للصالون من الصبح أو الظهر لعمل التسريحة والمكياج المناسب للفستان ، طبعا هذه الأشياء لازم تكونين
مجهزتها قبل أسبوع أو عشرة أيام على الأقل ، ماأدري هل بتكون الملكة نفسها ليلة الخطوبة ، :11_1_111[
الطلبات : الشبكة ، الدبل ، الصالون ، الحناء ، القلائد ، باقة الورد لليد ، الفستان ، أكسسوارات للشعر ، حذاء لليلة
الخطوبة ، كل هذه الأشياء عليك بتجهيزها ، أن شاء الله كفيت وأي طلب أختي أني حاضرة .

طووطه
طووطه
ألف شكر لك أختي ....... وربي إنك رهيبه
يوم الملكة هو عندنا اليوم إلي ينكتب فيه كتابي وبعده يجي يوم العرس ... لاكن أعتقد إن يوم العرس بيكون بعد 5 أو 6 أشهر
طيب حبيبتي إذا مافيه كلافه عليك ........ في يوم الملكة م ما أخذ هدية لخطيبي و أمه و أمي .... ولا وش رايك إنتي .. أحس فشيله ماني عارفه شئ :(

أم سيد أنور
أم سيد أنور
يعني الملكة نفسها ليلة الخطوبة ، يعني في كوشة يعني لازم الفستان ولوازمه .
بالنسبة للهدية أحنا في البحرين مانقدم هدية ، في الملكة كل شيء للعروس ، بس أختي اذا تحبين تقدمين هدية فما في شيء
يمنع فالهدية عربون محبة ، يعني لازم هم من يقدمون الهدية والى الملتقى

طووطه
طووطه
ألف شكر لك حبيبتي وربي ساعدتيني كثير ...... الله يجزاك خير ويسعدك
إلى الملتقى عزيزتي
في أمان الله

فدوى
فدوى
حبيبتي انا عندي لك فكرةاتمنى تعجبك
اذا كانت الملكة فيها جمعة يعني اهل العريس وخواته وهو بيدخل يشوفش
لبسي ثوب خليجي بس تصميمه مبتكر وروحي الصالون وسوي شعرك بالاستشوار ويحطون لش مكياج
ولبسي الذهب وتغطي بطرحة الثوب
اما الهدايا على كيفش بس المفروض هم اللي يعطونك الهدايا
بس اذا بتسوين لك مسكة لا تخلينها عندش وتالي ترمينها عطيها العريس هدية
وا الف مبروك

طووطه
طووطه
ألف شكر عزيزتي ....... عجبتني فكرتك ..... لاكن أهلي يبوني ألبس فستان منفوش خ لأن بنسوي العزيمة بإستراحه
وعجبتني فكرة أعطي خطيبي مسكتي ...... إنتي رهيبه يا فدوى ... الله لا يخليني منك و يسعدك ربي
ومعاك حق في سالفة الهدايا ....... الله يوفقنا وياك يالغاليه
طيب ألحين بعدما ينكتب كتابي على خطيبي ...... فيه غرفة صغيرة كذا في حديقة الإستراحه ... بحط فيها كرسيين و برتبها لأنه بيجي يقعد معي ... فا وش رايكم وش أسوي
أنا قلت بجيب طقم كاستين حلو + كيكه + مزهريه فيها ورد معتق على لون فستاني + بخور + ستريو شريط طق و أناشيد
كذا حلو ولا بعد ناقص أو زايد شئ ....... ساعدوني بنات مابقى على يوم ملكتي إلا أسبوعين وكم يوم بس
و أدعو لي بتثبيت و التوفيق و عقبالك لكل البنوتات

فدوى
فدوى
شوفي يا قلبي يا طوطة
كلامك عدل انا نسيت ما سالتك وين مكان الجلسة
مدام انه في استراحة طبعا يكون الثوب نافش بس ما قلتي خياط والا اجار
وحطوا الكيكة والكيسان وبالهنا اء
ياعمري وعقبال الزواج واذاتبين شيء ثاني هذاالايميل حقي
fofo998@*******.com

الله يخليكم ساعدوني انا عروس يديدة
احتاج مواقع مصصمين ازياء