دليل الشركات والاماكن. فالويب | ريبوتا


المسافرون العرب




يالإماراتيات ..أبى فزعتكم :'(

el5a6eera el5a6eera
يالإماراتيات ..أبى فزعتكم :'(
14-01-2011 - 11:58 am

مرحبا حلوات ..

أنا عندي مشكلة و حطيتها هني مب في ركن العروس لأن أغلبكم معرسات و بتقدرون تساعدوني ..

مشكلتي إني على وشك الزواج ان شالله .. و ماعرف شي !! لا عن الخطبة ولا الملجة ولا عن الزواج ....لأن عيب عندنا نرمس في أي شي عن الزواج ..
يعني الدبلة متى يلبسونها في الخطبة ولا في الملجة ؟؟ في اليمين ولا اليسار ؟؟

الشبكة متى تنلبس ؟؟ لازم تنلبس في العرس و لا عادي أشتري طقم ثاني ؟؟

في الخطبة عادي نرمس بعض ولا عيب ؟؟

كيف أتصرف في الملجة ؟؟

أنا مب حابة أسوي حفلة للملجة .. أبى أسويها عائلية كيف أسويها ؟؟ يعني أشتري فستان سهرة و لا ألبس شي عادي يعني قميص و تنورة !!


رجاءً يالإماراتيات ردوا علي و لا تخيبون ظني فيكم ..




المشاركات

بنت الرياض بنت الرياض
يالإماراتيات ..أبى فزعتكم :'(


هلا فيك فراشة بيننا

بس للأسف انا مب إماراتية.. بس كلنا من الخليج

حبيت اعطيك فكرة بالأول ان كل اللي تسألين عنه يرجع للعادات والتقاليد ومدى التمسك بتعاليم الدين..

لكن بقولك على اللي عندي..

بالبداية تبدا الخطوبة عن طريق الأهل ويتحدد موعد للشوفة الشرعية اللي فيها تدخل العروس على العريس تسلم عليه عشان يشوفون بعض.

بعد كذا تتم الموافقة من قبل الطرفين ويتفقون على الشروط من ناحية وقت الملكة ووقت العرس ومكان السكن..

بالنسبة للتعارف بين الخطيبين بعض العوائل يسمحون لبنتهم انها تكلم الخطيب عشان تتفق معاه على أمور الزواج والمستقبل.. وبعضها مايوافق على كذا

لكن الأغلبية يتكلمون مع بعض بعد الملكة
وبعد الملكة بعد ممكن يزورها ببيت اهلها أو يطلع معها لمكان عام ( برفقة أخ صغير وبدون خلوة )

أما بالنسبة للدبلة
ممكن ان اهل الخطيب يرسلون الدبلة من الحين وتلبسينها باليد اليمين وتفرحين فيها وتكون علامة على انك مخطوبة

وبالملكة تنقلينها باليد اليسار على انك تزوجتي .. وبالملكة بعد يلبسك العريس الشبكة بنفسه..

أما بالنسبة لحفلة الملكة.. لازم تهتمين فيها وتتزينين وتشترين فستان سهرة ناعم لانها المرة الأولى اللي بتجلسين فيها مع العريس..

يعني يوم الملكة ويوم العرس هذي أيام ماتتعوض

وأي استفسار انا بالخدمة

الله يتمم لك على خير


مودموزيل مودموزيل
يالإماراتيات ..أبى فزعتكم :'(


ماشاءالله بنت الرياض كفت ووفت....

والف مبروك لك ياالخطيرة على الخطوبة

بزيد حاجات بسيطه

في حفلة الملكه حتى لوكانت عائلة المفروض تظهرين بأحسن مظهر لك من زينه وتألق

يعني البسي فستان سهرة مع تسريحه ناعمه وحلوة للشعر مع مكياج ثقيل شوي عشان انتي العروسة ... وممكن تصلحين هالاشياء بصالون ياتروحين او تخلين وحده تجيك...

ادخلي قسم المكياج والعطورات والشعر والأزياء وقسم المنتدى الجديد عروس الفراشة

كل هالاقسام راح تلاقين فيها اجوبة على كل استفساراتك وراح تستفيدين من الموضوعات ان شاءالله...

وبالنسبة انك تقولين انك خجولة بالملكه يعني انتي لاتبادرين بالشي خلي خطيبك هو اللي يبادر ويسأل ويتكلم اذا كلمك كلميه بس لاتبدأين انتي بالكلام ومافيها شي انه هو يلبسك الشبكه ويمسك ايديك يلبسك الدبلة خلاص مو انتي صرتي زوجته ولا!

واي استفسارات احنا حاضرين 8)


el5a6eera el5a6eera
يالإماراتيات ..أبى فزعتكم :'(


مشكورات خواتي بنت الرياض و مودموزيل .. وفعلاً بنت الرياض كفت ووفت ..

انا الحين مخطوبة و النظرة الشرعية صارت من شهر تقريباً و الحمدلله القبول كان من الطرفين .. بس انا كنت مستغربة لأنهم عطوني الدبلة و إللي عرفته من صديقاتي أن الدبلة في الملجة .. بي الحمدلله الحينة اتضحت لي الأمور .. و أن شالله إذا صار شي أحتجت أسأل برجع و بسألكم .. مشكورات و ما قصرتن .. 8)


مودموزيل مودموزيل
يالإماراتيات ..أبى فزعتكم :'(


el5a6eera,

العفو حبيبتي ...

على فكرة الدبلة دامهم عطوك اياها في البداية بعض الناس يكون هذا دليل القبول عندهم ... يعني مايجي الرجال يقول اي والله بنتكم اعجبتني فيقدم الدبلة علامة على القبول وانك اعجبتيهم...

زواج موفق حبيبتي ...

واي شي تحتاجينه انا بالخدمه


أم جويرية أم جويرية
يالإماراتيات ..أبى فزعتكم :'(


الغالية بنت بلادي إذا بغيتي أي شيء ثاني تراني حاضرة والخوات ما قصروا والله يخليهم 8)


el5a6eera el5a6eera
يالإماراتيات ..أبى فزعتكم :'(


هلا عزيزتي أم جويرية ..

تسلمين الشيخة ..


pretty lady pretty lady
يالإماراتيات ..أبى فزعتكم :'(


ممكن اساعدج بالرغم من اني مو مزوجة
اسمعي اذا اهل الخطيب يايبيلج طقم مب حلوة تلبسين غيره في حفلة الملجة وبعدين إذا بتسوين حفلة عائلية البسي شيء محترم على الاقل جاااهز ( فستان بسيط) وفي الخطبة حرااام اتكلمين خطيبج لانه مو محرمج
وإن شاء الله بعد الملجة يعني بعد كتب الكتااب تقدرين اتكلمينه وبعدين بيسوولج الحفلة إن شاء الله
الله يوفقكج ومبروووك مقدما[/B]


lobna2 lobna2
يالإماراتيات ..أبى فزعتكم :'(


الف مبروكsister and allah yes3edesh


موضوع مغلق

تم غلق المشاركة على المواضيع القديمة، ولكن يمكنك فتح موضوع جديد للمناقشة او الاستفسار والمشاركة.


Share

يالإماراتيات ..أبى فزعتكم :'(




بشرى سارة لكافة عضوات ورواد منتديات العرب الفراشة حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق elfrashah.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وسوف يتم نشر 500,000 ألف موضوع 5,000,000 مليون مشاركة وأكثر من 2,000,000 مليون صورة ما يقرب من 5,000 GB من المرفقات وهي إجمالي محتويات منتديات الفراشة للاستفادة منها والتفاعل معها كحق اساسي لكل عضوة قامت بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, منتديات الفراشة على Facebook